ஐக்கிய அரபு இராச்சியத்தில் நடைபெறவுள்ள ஐசிசி ஆடவர் இருபது 20 உலகக்கிண்ண கிரிக்கெட் 2021 போட்டிக்கான லிவ் தி கேம் ( Live the Game ) என்ற தலைப்பிலான உலகக் கிண்ண கீதம் அறிமுகப்படுத்தப்பட்டுள்ளது.
புகழ் பெற்ற இந்திய இசை அமைப்பாளர் அமித் ட்ரிவேடியினால் இருபது 20 உலகக் கிண்ண கீதம் இயற்றப்பட்டுள்ளது.
இந்திய அணித் தலைவர் விராட் கோலி மேற்கிந்திய தீவுகள் அணித் தலைவர் கீரன் பொலார்ட், ஆப்கானிஸ்தான் நட்சத்திர சுழல் பந்து வீச்சாளர் ராஷித் கான் அவுஸ்திரேலிய சகல துறை வீரர் கிளேன் மெக்ஸ்வெல் ஆகியோரின் அவதார உருவங்களுடன் பிரசார திரைப்படம் தயாரிக்கப்பட்டுள்ளது.
இளம் இரசிகர்களை அற்புதமான இருபது 20 உலக கிண்ணத்துக்கு வாகனத்தில் அழைத்து செல்வதையும் தங்களுக்கு பிடித்த வீரர்களுடன் அவர்கள் விளையாடுவதையும் இந்தத் திரைப்படம் சித்தரிக்கின்றது.
வாரம் முழுவதும் வீரர்களை உற்சாகப்படுத்தும் வகையில் இது ஒலி ஒளிப்பதிவு செய்யப்பட்டுள்ளது.
3டி மற்றும் 2டி ஆகிய இரண்டும் கலந்த புதுமையான தொழில்நுட்பங்களுடன் அவதார உருவங்களைக் கொண்ட இந்த திரைப்படம் தயாரிக்கப்பட்டுள்ளது
வடிவமைப்பாளர்கள் மாடல்கள் வர்ணம் தீட்டுபவர்கள் உட்பட 40க்கும் மேற்பட்டவர்கள் இதற்கான உற்பத்திக் குழுவில் இடம்பெற்றனர்.