இந்தியாவில் கடந்த ஏப்ரல் 9ஆம் திகதி தொடங்கி நடந்து வந்த எட்டு அணிகளுக்கிடையிலான 14ஆவது ஐ.பி.எல் கிரிக்கெட் போட்டி கொரோனா பரவலால் பாதியில் நிறுத்தப்பட்டது.
நாலு அணியைச் சேர்ந்த வீரர்கள் கொரோனாவால் பாதிக்கப்பட்டதால் வேறு வழியின்றி இந்த தொடர் மே 02 ஆம் திகதியோடு தள்ளிவைக்கப்பட்டது.
அப்போது 29 லீக் ஆட்டங்கள் நடந்திருந்தது. இதை அடுத்து இறுதிப்போட்டி உட்பட எஞ்சிய 31 ஆட்டங்கள் ஐக்கிய அரபு எமிரேட்ஸில் நடைபெறும் என அறிவிக்கப்பட்டிருந்தது.
இந் நிலையில் மீதமுள்ள ஐ.பி.எல் போட்டிக்கான அட்டவணையை இந்திய கிரிக்கெட் சபை வெளியிட்டுள்ளது.
இதன்படி செப்டெம்பர் 19 ஆம் திகதி முதல் அக்டோபர் 15ஆம் திகதி வரை எஞ்சிய ஐ.பி.எல் போட்டிகள் நடைபெறவுள்ளன.
மீண்டும் தொடங்கும் இந்த தொடரின் முதல் ஆட்டத்தில் ரோஹித் ஷர்மா தலைமையிலான நடப்பு சம்பியன் மும்பை இந்தியன்ஸ் அணி டோனி தலைமையிலான சென்னை அணியை டுபாயில் எதிர்கொள்கிறது.
இலங்கை நேரப்படி தினமும் இரவு 7.30 மணிக்கு போட்டி தொடங்கும்.
ஒரே நாளில் இரண்டு போட்டி நடைபெறவுள்ளது. முதல் ஆட்டம் மாலை 3.30 மணிக்கு தொடங்கி நடக்கும். மொத்தம் 07 நாட்கள் இரட்டை ஆட்டங்கள் இடம் பெறவுள்ளன.
மேலும் விளையாட்டு செய்திகளைப் படிக்க இங்கே உள்ள பொத்தானை அழுத்தவும்.
