சமீபத்திய ஆண்டுகளில் F1 கார் விபத்துக்களின் எண்ணிக்கை குறைந்துள்ளது. அதிகரித்த பாதுகாப்பு மற்றும் பாதுகாப்பு அமைப்பு மூலம், F1 அதிகாரிகளால் விபத்துக்களின் எண்ணிக்கையை குறைக்க முடிந்தது. இருப்பினும், வரலாறு தன்னுடைய வேலையைக் காட்டிவிட்டது. F1 பந்தயத்தின் தொடக்கத்திலிருந்து, கார் விபத்துக்கள் பொதுவானவை. எலும்புகளை உடைவது மற்றும் துறையை முடிக்கும் காயங்கள் மிகவும் பொதுவானவை. F1 விபத்து மிகவும் ஆபத்தானது மற்றும் சில ஓட்டுநர்களுக்கு மரணத்தை ஏற்படுத்தும்.
வரலாறு முழுவதும் குறிப்பிடத்தக்க F1 கார் விபத்துக்கள் ஏற்பட்டுள்ளன. இவற்றில், ஒரு சில அழிவின் அளவு காரணமாக தனித்து நிற்கின்றன. எந்தவிதமான விபத்துகளும் யாராலும் வரவேற்கப்படுவதில்லை.
இந்தக் கட்டுரையில் மிக மோசமாக தாக்கப்பட்ட நபர்கள் மற்றும் வாகனங்களின் புகைப்படங்கள் அல்லது காணொளிகள் காட்டப்படலாம். பார்வையாளர்கள் விவேகத்துடன் செயற்படுவது நல்லது.
ஜப்பானிய கிராண்ட் பிரிக்ஸ் F1 விபத்து 2014
ஃபார்முலா 1 உலகில் மிக சமீபத்திய விபத்து ஒரு திறமையான தனிநபரைக் கொன்றது. சுசுகா பாதையில் பெய்த மழையால் குறைந்தளவே பார்க்க முடிந்தது. ஜப்பானிய கடற்கரையில் சூறாவளி நெருங்கியதால் இந்த பேரழிவு ஏற்பட்டது.
பந்தயத்தின் 42 வது சுற்றில், அட்ரியன் சூடி, தான் ஓட்டிய சாபரின் கட்டுப்பாட்டை இழந்தார். கார் சுற்றியபடியே சென்று ஓட்ட விலகல் பகுதியில் மோதியது. ஓட்டப்பந்தயம் தொடர்ந்தபோது ஒரு டிராக்டர் கிரேன் சிதைவுகளை எடுத்துக் கொண்டிருந்தது. ஒரு சுற்றின் பின்னர், மாருசியாவை ஓட்டிய ஜூல்ஸ் பியாஞ்சி அதே இடத்தில் கட்டுப்பாட்டை இழந்து பாதை விலகி சென்றார். பியாஞ்சியை ஏற்றிக்கொண்டு வந்த கார் நேராக நின்றுகொண்டிருந்த மீட்பு கிரேன் மீது மோதியது.
மோதலின் தாக்கம் காரை கிரேனுக்கு அடியில் சொருகியது. வானொலி அழைப்புகளுக்கு பியாஞ்சி பதிலளிக்க தவறியதால் மருத்துவ உதவி வரவழைக்கப்பட்டது. ஆரம்ப மருத்துவ உதவிக்குப் பிறகு, பியாஞ்சி அருகிலுள்ள மருத்துவமனையில் அனுமதிக்கப்பட்டார். தலையில் பலத்த காயம் ஏற்பட்டதால், பியாஞ்சி உயிர் பிழைக்க மிகவும் கஷ்டப்பட்டார்.
ஒன்பது மாதங்கள் நீடித்த போராட்டத்துக்குப் பிறகு, ஜூலை 2015 இல் பியாஞ்சி உயிரிழந்தார். சுசுகா விபத்து உலகின் மிக பயங்கரமான விபத்துக்களில் ஒன்றாகும்.
2007 இன் கனடிய கிராண்ட் பிரிக்ஸ்
2007 ஆம் ஆண்டு கனேடிய கிராண்ட் பிரிக்ஸில் போலந்து பந்தய வீரர் ராபர்ட் குபிகா மரணத்தை கண் முன் கண்டார். அவர் கடுமையான காயமின்றி விபத்திலிருந்து தப்பித்தாலும், விளைவுகள் கொடூரமானதாக இருந்தது.
பந்தயத்தின் 27 வது சுற்றில், குபிகா தனது BMW-சாபரில் புற்கள் மீது ஓடினார். கார் காற்றில் பறக்க ஆரம்பித்து விரைவில் ஒரு கான்கிரீட் தடையைத் தாக்கியது. குறிப்பிடத்தக்க வகையில், அவர் தாக்கிய பகுதி மற்ற தடைகளுடன் ஒப்பிடும்போது அதன் உயரம் குறைவாக உள்ளது. இந்த விபத்து பார்வையாளர்களுக்கும் ஆபத்தானது.
காரைக் காற்றில் பறக்க வைக்கும் அளவுக்கு புற்தரை மேடாக இருந்ததா என சந்தேகங்கள் எழுந்தன. இருப்பினும், யாரும் பலத்த காயமடையவில்லை என்ற நிம்மதி அனைவரையும் அமைதிப்படுத்தியது.
1999 பிரிட்டிஷ் கிராண்ட் பிரிக்ஸ் விபத்து
மரணத்திற்கு அருகில் தப்பித்ததன் கொடூரத்தை நினைவு கூர்ந்த மைக்கேல் ஷூமேக்கர் விபத்து ஏற்பட்டபோது தான் உயிருக்காக அஞ்சியதாக பல முறை கூறினார்.
1999 கோடையில், சில்வர்ஸ்டோன் சுற்று ஒரு பேரழிவுகரமான சம்பவமாக இருக்கக்கூடும் என்று யாரும் எதிர்பார்த்திருக்கவில்லை. மேம்பட்ட பாதுகாப்பு அம்சங்கள் ஷூமேக்கரை மரணத்தின் பிடியிலிருந்து காப்பாற்றின. எவ்வாறாயினும் கால் முறிந்ததால் அவரது வெற்றிக்கு கனவுகள் கரைந்து போயின.
ஃபெராரி ஓட்டுநர், ஷூமேக்கர் ஒரு தொழில்நுட்ப சிக்கலை எதிர்கொண்டார். மணிக்கு 190 கிமீ வேகத்தில் ஓடிய அவர் முழுமையான பிரேக் தோல்வியை சந்தித்தார். பக்க நடைபாதை சரளைகளில் உரசிய அவரது ஃபெராரி F399 ஸ்டோவ் மூலையில் உள்ள டயர் தடைகளில் மோதியது.
பேய்களால் பீடிக்கப்பட்ட உலகின் அதிபயங்கரமான இடங்கள் – 2
அவரை ஃபீல்ட் மார்ஷல்கள் சூழ்ந்தனர், மேலும் ஃபெராரி குழாம்-நிறுத்தத்தை பிரேக் தோல்வி தகவலுடன் தொடர்பு கொள்ளுமாறு அவர்கள் கேட்டுக் கொள்ளப்பட்டதாக தெரிவிக்கப்பட்டது.
“ஜீன் டோட்டை (ஃபெராரி குழு முதல்வர்) அழைத்து, பிரேக்குகள் தோல்வியடைந்துவிட்டதாக அவரிடம் சொல்லுங்கள்,.மற்ற காரைச் சரிபார்க்கவும்.”
ஷூமேக்கர் மருத்துவமனைக்கு கொண்டு செல்லப்பட்டார் மற்றும் பந்தய உலகம் அவரது நல்வாழ்வைப் பற்றி கவலைப்பட்டது. இருப்பினும், கால் முறிந்து ஆறு வாரங்கள் போட்டியை விட்டு வெளியேறினார். அவரது சாம்பியன்ஷிப் கனவுகள் அப்போதே நசுக்கப்பட்டன. இருப்பினும், மோதலின் தாக்கத்தை கருத்தில் கொண்டால் அப்போதைய இரண்டு முறை உலக சாம்பியனுக்கு இது மாபெரும் ஆபத்தானதாக அமைந்து இருக்கக்கூடும்.
இத்தாலிய கிராண்ட் பிரிக்ஸ் 1961
1961 சாம்பியன்ஷிப்பின் ஏழாவது பந்தயம் மற்றும் சீசனின் டிரைவர்கள் சாம்பியனைத் தீர்மானிப்பதற்கான ஒரு முக்கிய பந்தயம். இந்த இத்தாலிய கிராண்ட் பிரிக்ஸ் அதன் பெயருக்கு இரத்தக்களரி வரலாற்றைக் கொண்டுள்ளது. சாம்பியன்ஷிப் போட்டியிடும் ஓட்டுநர் உட்பட 16 பேர் உயிரிழந்த நிலையில், இது ஒரு கொடூரமான சம்பவமாகவே உள்ளது.
வெற்றிக்கான பந்தயம் வொல்ப்காங் வான் ட்ரிப்ஸ், பில் ஹில், ஸ்டிர்லிங் மோஸ் மற்றும் ரிச்சி ஜின்தர் ஆகியோருக்கு இடையில் இருந்தது. இருப்பினும், புள்ளிகள் வான் ட்ரிப்ஸ் மற்றும் ஹில் என்ற இரண்டு டிரைவர்களைப் பற்றி மட்டுமே பறைசாற்றின. சாம்பியன்ஷிப்பிற்காக போட்டியிடுகையில், அது விரைவில் ஒரு சோகமாக மாறும் என்று யாரும் எதிர்பார்க்கவில்லை!
போட்டி அப்போதுதான் ஆரம்ப நிலையில் இருந்தது போட்டி இயந்திரங்கள் சூடாகக் கூடவில்லை. வான் ட்ரிப்ஸ் தனது ஃபெராரியின் கட்டுப்பாட்டை இழந்தபோது போட்டி 2 வது சுற்றில் முடிந்தது. ஏனெனில், அது பார்வையாளர்களின் வரிசையில் மோதியது. தாக்கத்தில் பதினைந்து பார்வையாளர்கள் கொல்லப்பட்டனர். விபத்தில் ஏற்பட்ட காயங்களால் வான் ட்ரிப்ஸ் இறந்தார். பில் ஹில் பந்தயத்தையும் இறுதியில் அந்த ஆண்டு சாம்பியன்ஷிப்பையும் வென்றார்.
F1 கார் பறக்கும் விபத்து: பெல்ஜிய கிராண்ட் பிரிக்ஸ் 1982
பிரதான பந்தயங்கள் அதிக எண்ணிக்கையிலான விபத்துக்களை கொண்டிருந்தாலும், பயிற்சி அமர்வுகள் மற்றும் தகுதி சுற்றுகளும் மோதலில் குறைந்தவை அல்ல. 1982 பெல்ஜிய கிராண்ட் பிரிக்ஸ் இறுதி தகுதிச் சுற்றில் ஒரு பயங்கரமான விபத்து இவ்வாறான ஒரு சம்பவமாகும்.
கனேடிய ஓட்டுநர் கில்லஸ் விலேனுவே ஆறாவது இடத்தில் தகுதிப் போட்டிகளை முடித்துக்கொண்டிருந்தார். ஒரு சிறந்த சுற்று நேரத்தை நோக்கமாகக் கொண்டு, கில்லஸ் பயிற்சி முடிவடைய இன்னும் சில நிமிடங்கள் மட்டுமே இருக்கும்போது வேகத்தைத் தொடர்ந்தார். ஜோசென் மாஸ் ஒரு வசதியான நிலையான வேகத்தில் அவருக்கு முன்னால் சென்று கொண்டிருந்தார். கில்லஸ் அவரை அந்த சுற்றில் வைத்து தாண்டிச் செல்ல விரும்பினார்.
தன் பின்னால் கில்லஸ்ஸை உணர்ந்த மாஸ், அவர் முன்னால் வெட்டி முன்னிலையைப் எடுக்கக் கூடும் என்று எதிர்பார்த்தார். எனவே, கில்லஸை கடந்து செல்ல அனுமதிக்க அவரும் வலதுபக்கத்துக்கு தன் பாதையை மாற்றினார். மறுபுறம் கில்லஸ் மாஸை வெளி வழியாக தாண்டும் நோக்கத்துடன் அவரும் பாதையின் வலதுபுறம் மாறினார்.
இரு டிரைவர்களையும் ஒரே திசையில் மாற்ற்றியதால் கில்லஸ் மாஸை மிக அதிக வேகத்தில்தாக்கினார். கில்லஸால் இயக்கப்படும் ஃபெராரி காற்றில்தூக்கியெறியப்பட்டது, மேலும் முன்புறம் படுமாறு விழ முன்பு அது சிறிது நேரம் காற்றில் பறந்தது. தனது இருக்கையில் கட்டப்பட்ட கில்லஸ் ஓட்டப் பாதையில் தூக்கி எறியப்பட்டு 50 மீட்டருக்கு மேல் இழுத்துச் செல்லப்பட்டார்.
கில்லஸ் மருத்துவமனைக்கு கொண்டு செல்லப்பட்டு வாழ்க்கை ஆதரவு மூலம் உயிருடன் வைக்கப்பட்டார். விபத்து நடந்த சில மணி நேரங்களுக்குப் பிறகு, கில்லஸ் அன்று மாலை காலமானார்.
இந்தக் கட்டுரையின் அடுத்த பாகம் வெளிவர உள்ளது. அதனைபற்றி அறிந்து கொள்ள எமது பேஸ்புக் பக்கத்தில் எம்மோடு இணைந்திருங்கள்.
இது போன்ற சுவாரசியமான பட்டியல் கட்டுரைகளை வாசிக்க டாப் 10 பகுதிக்கு செல்லுங்கள்.
முகப்பு பட உதவி : USA Today FTW
தகவல் உதவி : Sportszion