இலங்கை – தென்னாபிரிக்கா அணிகளுக்கிடையிலான 3 போட்டிகள் கொண்ட ரி-20 தொடர் இன்று வெள்ளிக்கிழமை ஆரம்பமாகிறது.
இலங்கைக்கு கிரிக்கெட் சுற்றுப்பயணம் மேற்கொண்டுள்ள தென்னாபிரிக்க அணி 03 போட்டிகள் கொண்ட ஒருநாள் தொடரில் பங்கேற்றது. இரு அணிகளுக்குமிடையில் இடம் பெற்ற முதல் போட்டியில் இலங்கை அணி 14 ஓட்டங்களால் வெற்றிபெற்றது.
2 ஆவது ஒருநாள் போட்டியில் தென்னாபிரிக்க அணி டக்வேர்த் லூயிஸ் முறையில் 67 ஓட்டங்களால் வெற்றிபெற்ற நிலையில் 3ஆவது இறுதியுமான போட்டியில் இலங்கை அணி 78 ஓட்டங்களால் வெற்றிபெற்று தொடரை 2-1 எனக் கைப்பற்றியது.
இந்த நிலையில் இன்று வெள்ளிக்கிழமை கொழும்பு ஆர்.பிரேமதாச மைதானத்தில் இவ்விரு அணிகளுக்குமிடையிலான போட்டிகள் கொண்ட ரி-20 தொடர் ஆரம்பமாகிறது.
அடுத்த இரு ரி-20 போட்டிகளும் 12 ஆம் 14ஆம் திகதிகளில் இடம்பெறவுள்ளது. இப்போட்டிகள் இரவு 8 மணிக்கு ஆரம்பமாகவுள்ளது.
இவ்விரண்டு அணிகளும் 13 தடவைகள் சர்வதேச ரி – 20 கிரிகெட்டில் மோதியுள்ளன. இதில் 08 தடவைகள் தென்ஆப்ரிக்காவும் 05 தடவைகள் இலங்கையும் வென்றுள்ளன.
எஞ்சிய ஒரு போட்டியும் சமநிலையில் முடிவடைந்திருப்பினும், அந்தப் போட்டியில் தென்ஆபிரிக்க அணியே வென்றுள்ளதாக – புள்ளி விபரங்கள் காட்டுகிறது.
