இங்கிலாந்திற்கு சுற்றுப்பயணம் சென்று உள்ள இலங்கை கிரிக்கெட் அணியின் இருபதுக்கு-20 போட்டிக்கான அணித்தலைவராக குசல் பெரேரா தெரிவு செய்யப்பட்டுள்ளார்.
47 இருபதுக்கு-20 போட்டிகளில் விளையாடியுள்ள குசல் பெரேரா ஏற்கனவே ஒரு நாள் போட்டிக்கு தலைவராக இருக்கின்றார். இவ்வாறான நிலையிலேயே இருபதுக்கு-20 போட்டிக்கான தலைவராகவும் நியமிக்கப்பட்டுள்ளார் என்பது குறிபிடத்தக்கது.
இலங்கை இருபதுக்கு-20 அணிக்கு தலைமை தாங்கிய மலிங்க பயிற்சி போட்டிகளில் பங்கேற்காமையினால் கடந்த பெப்ரவரி மாதம் தசுன் சானக தலைவராக நியமிக்கப்பட்டார்.
தற்போது அவர் நீக்கப்பட்டு குசல் பெரேரா இருபதுக்கு-20 அணிக்கு தலைவராக நியமிக்கப்பட்டுள்ளார்.
இங்கிலாந்திற்கு சுற்றுப்பயணம் சென்று உள்ள இலங்கை கிரிக்கெட் அணி அங்கு மூன்று இருபதுக்கு-20 போட்டிகளிலும் மூன்று ஒரு நாள் போட்டிகளிலும் விளையாடவுள்ளது.
இரு அணிகளுக்குமிடையிலான இருபதுக்கு-20 போட்டிகள் எதிர்வரும் 23,24 மற்றும் 26 ஆம் திகதிகளிலும் ஒருநாள் போட்டிகள் எதிர்வரும் 29 மற்றும் ஜூலை 01,04 ஆம் திகதிகளிலும் நடைபெறவுள்ளது.
ஐக்கிய அரபு எமிரேட்ஸில் ஐபிஎல் மீண்டும் தொடங்குவதை பிசிசிஐ உறுதி செய்தது
