கடந்த பாகம் பேய்களால் பீடிக்கப்பட்ட உலகின் அதிபயங்கரமான இடங்கள் கட்டுரையில்….
11ம் நூற்றாண்டு கோட்டையில் வசிக்கும் பச்சையடுத்தும் பெண் பேய்; லா டாம் வெர்டே, தாயின் அருகிலேயே சங்கிலியால் 40 ஆண்டுகள் பிணைத்து வைக்கப்பட்டு மரணித்த இளைஞனின் ஆவி, மந்திரவாதியால் சபிக்கப்பட்ட கோட்டை, 10 பேரைக் கொன்ற பயங்கர வீடு மற்றும் கைதிகளின் இருப்பிடமாக இருந்து பேய்களின் வாழிடமான வீடு முதலியவற்றைப் பார்த்தோம். இந்த வாரம் அதன் தொடர்ச்சியாக…
பேய்களால் பீடிக்கப்பட்ட உலகின் அதிபயங்கரமான இடங்கள் 2
பண்டைய ராம் சத்திரம், க்ளோசெஸ்டர்ஷைர், இங்கிலாந்து
தலம்: செயின்ட் மேரி, தேவாலயத்தை உருவாக்க உதவுவதற்காக அடிமைகளையும் தொழிலாளர்களையும் அங்கே வைத்திருந்தார். வோட்டன்-கீழ் விளிம்பில் அமைந்துள்ள இது ஸ்டோன்ஹெஞ்சிலிருந்து ஆன்மீக ஆற்றல் கடத்தப்படுவதாக நம்பப்படும் இடங்களைக் கொண்ட இரண்டு லீ கோடுகளில் ஒன்றில் அமைந்துள்ளது. இது குழந்தை பலி செய்யும் மற்றும் பிசாசுகளை வழிபடும் இடமாக பயன்பட்டது என்றும் தெரிவிக்கப்பட்டுள்ளது.
பேய்கள்: சத்திரத்தின் சொத்தின் மீது நீரைத் திருப்பிவிட்டதால் இருள் சக்திகளுக்கான ஒரு வாயில் திறக்கப்பட்டதாக பரவலாக நம்பப்படுகிறது, அதாவது பல பேய்கள் இந்த சத்திரத்தை சூழ்ந்து கொண்டனவாம். 1500 களில் ஒரு பெண், சூனியக்காரி என்று குற்றம் சாட்டப்பட்டு எரிக்கப்பட்ட அறை, ‘சூனியக்காரி அறை’ அந்தப் பெண்ணின் ஆவியால் சபிக்கப்பட்டுள்ளதாகக் கூறப்படுகிறது. ஒரு உயர்மட்ட பூசாரி ஒரு படுக்கையில் உட்கார்ந்திருப்பதைக் கண்டுள்ளனர். குதிரையின் மீது உட்கார்ந்த வீரனொருவன் சுவர்கள் ஊடாக நடந்து செல்வதைக் காண முடிந்ததுள்ளது. ஒரு பெண்ணின் வேதனையான அலறல் கேட்டுள்ளது. பயங்கரமாக அமானுஷ்யம் நிறைந்த அறையில் ஒரு துறவியைக் கண்டதாகவும், ஒரு சக்கபஸ் (படுத்திருக்கும் ஆண்களை தேடி வரும் மோகப் பெண் பேய்) கூட படுக்கைகளில் பிறள்வதாகவும் கூறுகிறார்கள் பார்வையாளர்கள்.
தற்போதைய நிலைமை: ‘மோஸ்ட் ஹாண்டட்’ மற்றும் ‘கோஸ்ட் அட்வென்ச்சர்ஸ்’ போன்ற தொலைக்காட்சி நிகழ்ச்சிகளில் இடம்பெறும், உலகின் மிகவும் பயங்கரமாக பேய் பிடித்த இடங்களில் ஒன்றாக அறியப்பட்ட போதிலும், இந்த சத்திரம் சமீப காலங்களில் பல முறை கை மாறி, உரிமையாளர் யாரென்பது தெளிவில்லாமல் உள்ளது. இருப்பினும், பல அமானுட நிகழ்வுகள் இந்த சத்திரத்தால் நடத்தப்படுகின்றன.
நன்னம்பிக்கையின் கோட்டை, கேப் டவுன், தென்னாப்பிரிக்கா
தலம்: 17 ஆம் நூற்றாண்டில் டச்சு கிழக்கிந்திய கம்பெனியால் கட்டப்பட்டது, நன்னம்பிக்கையின் கோட்டை தென்னாப்பிரிக்காவின் பழமையான கட்டிடம்.
பேய்கள்: 1915 ஆம் ஆண்டில் முதன்முதலில் இங்கு பேய் அடையாளம் காணப்பட்டது. அப்போது ஒரு உயரமான மனிதனின் தோற்றம் கோட்டைச் சுவர்களில் ஒன்றின் பக்கத்திலிருந்து குதித்து, பின்னர் லீர்டாம் மற்றும் ஆரஞ்சே ஆகிய கோட்டைகளுக்கு இடையில் நடந்து வந்ததாக கூறப்படுகிறது. மற்றொரு புகழ்பெற்ற பேய், லேடி இன் கிரே (சாம்பலுடுத்த பெண்) , கோட்டையின் வழியாக ஓடிவந்து முகத்தை பிடித்துக்கொண்டு வெறித்தனமாக அழுதபடி இருந்துள்ளாள். ஆனால் அகழ்வாராய்ச்சியின் போது ஒரு பெண்ணின் உடல் கண்டுபிடிக்கப்பட்டதிலிருந்து இந்தப் பேய் காணப்படவில்லை.
மற்ற விவரிக்கப்படாத நிகழ்வுகளில் அதன் சொந்த விருப்பப்படி ஒலிக்கிற மணிக்கோபுர மணி மற்றும் சந்தேகத்திற்கு இடமின்றி பார்வையாளர்களைத் தூண்டும் வகையில் தோன்றி பின்னர் மெல்லிய காற்றில் மறைந்துவிடும் ஒரு கருப்பு நாயின் பேய் ஆகியனவும் உள்ளன.
தற்போதைய நிலைமை: உலகின் மிகச் சிறப்பாக பாதுகாக்கப்பட்ட 17 ஆம் நூற்றாண்டின் கட்டிடங்களில் ஒன்றான இந்த கோட்டை இப்போது மூன்று மதிப்புமிக்க அருங்காட்சியகங்களுடன் பிரபலமான சுற்றுலா அம்சமாக உள்ளது, கோய் தேசத்தின் தலைவரான க்ரோட்டோவாவின் நினைவுச்சின்னம் மற்றும் கோட்டையைச் சுற்றியுள்ள மறைக்கப்பட்ட வரலாற்றைப் பற்றி மேலும் அறிய ஒரு வாய்ப்பு வழிகாட்டப்பட்ட சுற்றுப்பயணத்தாய் மேற்கோள்வது. நீங்கள் முன் முற்றத்தில் உள்ள உணவகத்தில் சாப்பிடலாம், முக்கிய விழா மற்றும் பீரங்கி துப்பாக்கிச் சூடு ஆகியவற்றையும் காணலாம்.
Dybbuk பெட்டி : உலகிலேயே பயங்கரமாக சபிக்கப்பட்ட பொருள்
ஹெல் ஃபயர் கிளப், மாண்ட்பெலியர் ஹில், அயர்லாந்து
தலம்: ஹெல் ஃபயர் (நரகத்தீ) கிளப் ஒரு வேட்டையாளர் தங்குமிடம் ஆகும். இது 1925 ஆம் ஆண்டில் ஐரிஷ் நாடாளுமன்ற பேச்சாளரான வில்லியம் கோனொலிக்காக கட்டப்பட்டது. கட்டிடங்களின் கற்கள் பண்டைய பத்தியின் கல்லறைகளிலிருந்து வந்தவை. இது பிசாசுக்கு கோபத்தை ஏற்படுத்தியதாகக் கூறப்படுகிறது, இதனால் அப்பிசாசு இவ்விடத்தை சூழ்ந்து சபித்ததாக கூறப்படுகிறது..
இவ்விடம் டப்ளின் உயர்மட்டத்தினரின் ஒரு சிறிய குழுவினருக்கான இருள் பிரார்த்தனைகளுக்கான ஒன்றுகூடும் இடமாக மாறியதாகக் கூறப்படுகிறது. அதன் இடிபாடுகள் டப்ளின் மலைகளின் அடிவாரத்தில் உள்ள மாண்ட்பெலியர் மலையின் உச்சியில் அமர்ந்திருக்கின்றன.
பேய்கள்: விலங்கு தியாகம், இருள் பிரார்த்தனைகள், பிளந்த குளம்புகளைக் கொண்ட ஆண்கள் மற்றும் கொலை பற்றிய கதைகள் இந்த கட்டமைப்போடு இணைக்கப்பட்டுள்ளன. மிகவும் பிரபலமான கதை ஒரு சாத்தானிய உயிரினத்தின் வருகையைப் பற்றி கூறுகிறது. ஒரு மனிதனின் வடிவத்தில் அச்சாத்தான் வந்ததாகவும், வீரர்களில் ஒருவர் ஒரு விளையாடும் அட்டையை தவறி கீழே விட்டு எடுக்கும் பொழுதே வந்த மனித உருவத்துக்கு பிளந்த குளம்புகள் போன்ற கால்கள் இருப்பதை கவனித்தார்.அவர் அதைக் கண்டுபிடித்ததை அறிந்த அவ் உயிரினம் தீப்பிழம்புகளின் பந்தாக எரிந்து காணாமல் போனது.
ஒரு பூசாரியின் மந்திரத்தை அழைத்து இவ்விடத்தை பீடித்த நாயின் அளவு பெரிய கருப்பு பூனை பற்றிய கதைகள் உள்ளன. மிகவும் வழக்கமான இங்கு வரும் பேய் ஒரு இளம் பெண். அவள் வேடிக்கைக்காக பீப்பாயில் வைக்கப்பட்டு நெருப்பூட்டப்பட்டு மலையில் இருந்து உருட்டி விடப்பட்டதாக நம்பப்படுகிறது.
தற்போதைய நிலைமை: டப்ளின் மலைகள் வழியாக நடந்து செல்லும் பாதையில் ஹெல் ஃபயர் கிளப் ஒரு பிரபலமான நிறுத்தமாகும்.இங்கு பேய் அனுபவ சுற்றுப்பயணங்களும் கிடைக்கின்றன. ஹாலோவீன் வாரத்தில் கூடுதல் சுற்றுப்பயணங்கள் இயங்குகின்றன.
பான்ஃப் ஸ்பிரிங்ஸ் ஹோட்டல், ஆல்பர்ட்டா, கனடா
தலம்: ஸ்காட்டிஷ் பாரோனியல் கோட்டையின் வடிவத்தில் வடிவமைக்கப்பட்டுள்ளது. ஆல்பர்ட்டா கனடாவில் உள்ள தி பான்ஃப் ஸ்பிரிங்ஸ் ஹோட்டல், கனடாவின் சிறந்த புகையிரத ஹோட்டல்களில் ஒன்றாகும். மேலும் இது நாட்டின் மிகவும் பயங்கரமான பேய் பிடித்த கட்டிடங்களில் ஒன்றாகும்.
பேய்கள்: அவளுடைய ஆடை தீ பிடித்தபோது பயத்தில் ஓடி படிக்கட்டு வழியாக கீழே விழுந்து கழுத்தை முறித்துக் கொண்ட ஒரு மணமகள். பால்ரூம் நடன நிகழ்வுகளின் பொழுது அவளுடைய ஆடையின் பின்புறத்திலிருந்து தீப்பிழம்புகள் வரும்படி அவள் நிற்பது அடிக்கடி தென்படுகிறதாம். 873 ஆம் இலக்க அறையில் ஒரு குடும்பம் கொலை செய்யப்பட்டது. இந்த அறையின் கதவு பின்னர் செங்கல் போட்டு மூடப்பட்டது. ஆனால் அக்குடும்பத்தை அறைக்கு வெளியே உள்ள மண்டபத்தில் இன்னும் ஆவியாக காணலாமாம்.
முன்னாள் பணியாளர், 60 மற்றும் 70 களில் ஹோட்டலில் பணியாற்றிய சாம் மக்காலி, தனது 60 களின் பாணி சீருடையில் உடையணிந்து விருந்தினர்களை தங்கள் அறைகளுக்கு செல்ல உதவுகிறாராம். நீங்கள் அவருக்கு பணமளிக்கவோ அல்லது அவருடன் உரையாட முயற்சித்தால், அவர் மறைந்து விடுவார்.
தற்போதைய நிலைமை: இப்போது ஆடம்பர ஹோட்டல்களின் ஃபேர்மாண்ட் சங்கிலியின் ஒரு பகுதியாக, ‘தி கேஸில் இன் தி ராக்கீஸ்’ என்றும் அழைக்கப்படும் பான்ஃப் ஸ்பிரிங்ஸ், ஆல்பர்ட்டாவின் பான்ஃப் நகரில் இன்றும் ஒரு நிரந்தர அடையாளமாக உள்ளது. அத்துடன் ஆண்டு முழுவதும் பிரபலமான தங்குமிடமாக உள்ளது.
போவெக்லியா தீவு, இத்தாலி
தலம்: வெனிஸுக்கும் லிடோவுக்கும் இடையிலான வெனிஸ் லகூனில் அமைந்துள்ள இந்த சிறிய தீவு, பிரதான நில உரிமையாளர்கள் படையெடுப்பாளர்களிடமிருந்து தப்பி ஓடி தஞ்சம் புகுந்த இடமாகும். 14 ஆம் நூற்றாண்டில், புபோனிக் பிளேக் நோயால் பாதிக்கப்பட்ட வெனிசியர்கள் இறப்பதற்காக இங்கு அனுப்பப்பட்டனர் – மேலும், அவர்கள் இறந்தபோது, அவர்கள் மாபெரும் சிதைக் குவியல்களில் எரிக்கப்பட்டனர். 1800 களில் நோயாளிகள் பரிசோதனை செய்யப்பட்டு சித்திரவதை செய்யப்பட்ட ஒரு பைத்திய தஞ்சமாகவும் இந்த தளம் பயன்படுத்தப்பட்டது.
பேய்கள்:அங்குள்ள உள்ளூர் மக்களிடம் கேளுங்கள், அவர்கள் இத்தீவு பேய்கள் நிறைந்ததாகவும் பயங்கரமான ஆவிகளால் சபிக்கப்பட்டதாகவும் உங்களுக்குச் சொல்வார்கள். குரல்களும் அலறல்களும் பெரும்பாலும் கேட்கப்படுகின்றதாகவும், மேலும் பார்வையாளர்கள் இருண்ட, விரைவாக நகரும் நிழல்களைப் பார்த்ததாகக் கூறியுள்ளனர். பல பார்வையாளர்கள் அவர்கள் தீவில் காலடி எடுத்து வைத்தவுடன் ஒரு அடக்குமுறை போன்ற தீய உணர்வை உணரத் தொடங்குகிறார்கள் என்று கூறுகிறார்கள்.
தற்போதைய நிலைமை: புதிய தொழில்முனைவோருக்கு ஏலம் விடப்பட்ட போதிலும், தீவு முற்றிலுமாக கைவிடப்பட்டு பெரும்பாலான பார்வையாளர்களுக்கு பார்க்க முடியாதபடி எல்லைக்குட்பட்டது. நீங்கள் தீவுக்குச் செல்ல அனுமதிக்கப்பட்டிருந்தாலும், பல உள்ளூர் மக்கள் சபிக்கப்படுவார்கள் என்ற பயத்தில் போவெக்லியாவுக்கு கால் வைக்க மாட்டார்கள். மீனவர்கள் அந்தப் பகுதியில் மீன் பிடிக்க மறுக்கிறார்கள், அவர்கள் மனித எச்சங்களை தூண்டிலோடு இழுத்து விடுவேன்’ என்று கவலைப்படுகிறார்கள்.
இந்தத் தொடரின் அடுத்த பாகங்களில் உங்களுக்குத் தெரிந்த இடங்கள் பற்றி குறிப்பிட விரும்பினால், கீழுள்ள கருத்துக் பெட்டியில் தெரிவியுங்கள் அல்லது எமது பேஸ்புக்கில் எம்மிடம் தெரிவியுங்கள்.
இந்தக் கட்டுரையின் முன்னைய பாகத்தை வாசிக்க கீழுள்ள பட்டனை அழுத்தவும்
முகப்பு பட மூலம் : amyscrypt.com
