சூர்யா, அபர்ணா பாலமுரளி நடிக்கும் சூரரைப் போற்று!!
சூரரைப் போற்று இணைய வாசகர்களுக்கு இனிய வணக்கங்கள்!!
சூர்யா இறுதியாக நடித்து வெளிவந்த என்.ஜி.கே மற்றும் காப்பான் முதலிய திரைப்படங்கள் ஆக்ஷன் த்ரில்லராக அரசியல் விமர்சனமாகவும் விறுவிறுப்பான கதை அம்சங்களை கொண்டிருந்த படங்களாக அமைந்த போதிலும் அவை மிகப் பெரிய வெற்றியைப் பெறவில்லை.
அந்த வகையில் இப்பொழுது ஒரு வெற்றிப் படத்துக்கான போராடிக்கொண்டிருக்கும் சூர்யாவுக்கு சிறந்த ஒரு படமாக சூரரைப்போற்று என்கின்ற திரைப்படம் அமைந்திருக்கிறது. இறுதிச் சுற்று என்கின்ற மாபெரும் வெற்றிப் படத்தை இயக்கிய சுதா கொங்கரா அவர்களுடைய இயக்கத்தில் தயாராகிவிட்ட இந்த திரைப்படத்தினை சூர்யா மற்றும் குனித் மொங்கா ஆகியோர் தமது திரைப்படத் தயாரிப்பு நிறுவனங்களான 2டி என்டர்டெயின்மென்ட் மற்றும் சிக்யா என்டர்டெயின்மெண்ட் ஆகியவற்றின் கீழ் தயாரிக்கின்றனர்.
இத்திரைப்படத்திற்கு ஜீவி பிரகாஷ் இசையமைத்துள்ளார். ஏற்கனவே இந்த திரைப்படத்தில் வெளிவந்துள்ள பாடல்கள் மிகவும் பிரபலமடைந்துள்ளது.வெய்யோன் சில்லி என்கின்ற பாடல் இளைஞர்களுடைய விருப்பத்துக்குரிய பாடலாகவும் மாறியிருக்கிறது.
சூர்யா, அபர்ணா பாலமுரளி, கருணாஸ், ஜாக்கி ஷெராப், சம்பத் ராஜ், விவேக் பிரசன்னா, கவிதா ரஞ்சினி என ஒரு பெரிய பட்டாளமே நடிக்கின்ற இந்த திரைப்படம் இந்த ஆண்டு வெளிவருவதாக திகதி அறிவிக்கப்பட்டிருந்தது. ஆயினும் சரியான வெளியீட்டு திகதி ஆனது இன்னும் உறுதிப்படுத்தப்படவில்லை. இந்த திரைப்படத்தின் வருகைக்காக சூர்யா ரசிகர்கள் காத்துள்ளனர் என்பதோடு இறுதிச்சுற்று திரைப்படத்தில் சுதா கொங்கரா வின் இயக்கத்தை பாராட்டிய அனைவரும் இந்த திரைப்படத்தின் மீதும் நம்பிக்கை வைத்துள்ளனர்.
இது போன்ற மேலும் சினிமா தகவல்களுக்கு இங்கே செல்லவும்
image source:https://www.youtube.com/watch?v=fjJGaaR5hwU
