தளபதி 65 படத்தின் முதல் கட்ட படப்பிடிப்பு சமீபத்தில் தான் ஜார்ஜியாவில் நிறைவடைந்தது. மாஸ்டர்’ படத்துக்குப் பிறகு நெல்சன் இயக்கத்தில் உருவாகும் படத்தில் கவனம் செலுத்தி வருகிறார் விஜய். சன் பிக்சர்ஸ் நிறுவனம் தயாரித்து வரும் இந்தப் படத்தின் பூஜையுடன் கூடிய படப்பிடிப்பு சென்னையில் தொடங்கப்பட்டது.
சன் பிக்சர்ஸ் உடன் விஜய்யின் நான்காவது படம் தளபதி 65 சன் பிக்சர்ஸ் தயாரிப்பு நிறுவனம் முன்பு விஜய்யின் வேட்டைக்காரன், சுறா மற்றும் சர்கார் ஆகியவற்றை தயாரித்து உள்ளது.
ஜார்ஜியாவில் 20 நாட்கள் வரை படப்பிடிப்பு நடைபெறவுள்ளது. இப்படத்தில் விஜய்க்கு நாயகியாக பூஜா ஹெக்டே நடிக்கவுள்ளார். அவருடன் அபர்ணா தாஸ் முக்கியக் கதாபாத்திரத்தில் நடிக்கவுள்ளார். இப்படத்தில் யோகிபாபுவும் இணைந்துள்ளார். விஜய்யின் முந்தைய இரு படங்களிலும் நடித்துள்ளார் யோகிபாபு ஒளிப்பதிவாளராக மனோஜ் பரமஹம்சா, இசையமைப்பாளராக அனிருத் ஆகியோர் பணிபுரிந்து வருகிறார்கள்.
நேற்று தளபதி 65 ஃபஸ்ட்லுக் வெளியிடப்பட்டது. இதில், சுற்றிலும் ஹெலிகாப்டர்கள் பறக்க பெரிய துப்பாக்கி அருகில், கையில் துப்பாக்கியுடனும், வாயில் துப்பாக்கி தோட்டாவுடனும் விஜய் சுடுவது போன்ற காட்சி இடம்பெற்றுள்ளது.
தமிழ்த் திரையுலகின் முன்னணி நாயகனாக வலம் வருபவர் விஜய். இன்று (ஜூன் 22) தனது பிறந்த நாளைக் கொண்டாடுகிறார். கொரோனா காரணமாக பிறந்த நாள் கொண்டாட்டங்களைத் தவிர்க்குமாறு விஜய் வேண்டுகோள் விடுத்துள்ளார். இதனால் சமூக வலைதளத்தில் போஸ்டர் வடிவமைப்புகளை வெளியிட்டு விஜய் ரசிகர்கள் கொண்டாடி வருகிறார்கள்.
தமிழ்த் திரையுலகின் முன்னணி பிரபலங்கள் பலரும் விஜய்க்கு பிறந்த நாள் வாழ்த்து தெரிவித்து வருகிறார்கள்.
இளைய தளபதியாக ரசிகர்களால் கொண்டாடப்பட்டு பிறகு தளபதியாக மாறியிருக்கும் நடிகர் விஜய் 1974 ஆம் ஆண்டு இதே நாளில் தான் பிறந்தார். இவரது தந்தை எஸ்.ஏ. சந்திரசேகர் தமிழ் சினிமாவின் மிக முக்கியமான இயக்குனராக வலம் வந்தவர். அதேபோல் தாய் ஷோபா பாடகி.
விஜய் என்ற நடிகர் கலைதுறை குடும்பத்தில் இருந்து வந்திருந்தாலும் அவருடைய வெற்றி கடுமையான உழைப்புக்கு பிறகே கிடைத்தது. இளைய தளபதி விஜய்க்கு இனிய பிறந்த நாள் வாழ்த்துக்கள்…
இதுபோன்ற சுவாரசியமான சினிமா செய்திகளுக்கு எமது சினிமா பக்கத்தை நாடவும்.
