தனுஷ் நடிப்பில் தயாரான ஜகமே தந்திரம் டிஜிட்டல் தளத்தில் வெளியானது. இதை தொடர்ந்து தனுஷ் நடிப்பில் தயாராகும் அத்ரங்கி ரே என்ற படமும் நெட்பிளிக்ஸில் வெளியாகும் என அதிகாரப்பூர்வமாக அறிவிக்கப்பட்டிருக்கிறது.
பொலிவூட்டின் முன்னணி நடிகரான அக்ஷய்குமார் இளம் நடிகை சாரா அலி கான் மற்றும் தனுஷ் நடிப்பில் உருவாகியிருக்கும் இந்த திரைப்படத்தை அடுத்த ஆண்டு வரை பெரிய அளவில் எந்த திரைப்படங்களும் திருவிழா தருணங்களில் வெளியிடப்பட முடியாத சூழல் இருப்பதால் இந்த திரைப்படத்தை டிஜிட்டல் தளத்தில் வெளியிடுவதாக படத்தின் தயாரிப்பாளரும் இயக்குனருமான ஆனந்த் எல்.ராய் தெரிவித்திருக்கிறார்.
ஜகமே தந்திரம் எதிர்மறையான விமர்சனத்தை பெற்ற நிலையில் அவர் நடிப்பில் வெளிவரவிருக்கும் அத்ரங்கி ரே அவரை காப்பாற்றி டிஜிட்டல் தல ஸ்டாராக வெற்றி பெறுவாரா? என்பதை பொறுத்திருந்து தான் பார்க்க வேண்டும்.
இதனிடையே தமிழ், தெலுங்கு, இந்தி என மூன்று மொழிகளிலும் வெளியாகவிருக்கும் தனுஷ் நடித்திருக்கும் இந்த படத்திற்கு ஏ ஆர் ரகுமான் இசையமைத்து இருக்கிறார் என்பது குறிப்பிடத்தக்கது.
