சந்திரகுமாரி என்ற தொலைக்காட்சி தொடர் மூலம் சின்னத்திரை ரசிகர்களுக்கு அறிமுகமானவர் நடிகை சம்யுக்தா.
இவர், தற்போது சசிகுமார் நடிப்பில் தயாராகும் பெயரிடப்படாதப் படத்தின் மூலம் வெள்ளித்திரையில் நடிகையாக அறிமுகமாகிறார்.
இது தொடர்பாக அவர் பேசுகையில், நடன கலைஞரான நான் தகவல் தொழில்நுட்பத் துறையில் பணியாற்றி வந்தபோது, என்னுடைய தோழியும், தொகுப்பாளினியுமான பாவனா பாலகிருஷ்ணன் அவருடைய சமூக வலைதளப் பக்கத்தில் என்னுடைய நாட்டியம் தொடர்பான ஒரு வீடியோவை பதிவிட்டார்.
அதன் மூலம் எனக்கு மொடலிங் துறையில் வாய்ப்புகள் கிடைத்தது. மலையாளத்தில் நடிகையாகவும் அறிமுகமானேன். அதன் பிறகு பிக்பாஸ் நிகழ்ச்சியில் போட்டியாளராக பங்குபற்றினேன். இதன் மூலம் ஏராளமான ரசிகர்களுக்கு அறிமுகமானேன்.
இந்த தருணத்தில் அறிமுக இயக்குனர் ஹேமந்த் குமார் சசிகுமார் கதாநாயகனாக நடிக்கும் பெயரிடப்படாத படத்தில் அழுத்தமான கதாபாத்திரத்தில் நடிக்க சம்மதமா? எனக் கேட்டார். கதையைக் கேட்ட பிறகு நடிக்க ஒப்புக்கொண்டேன்.
இப்படத்தின் படப்பிடிப்பு தற்போது சென்னையில் நடைபெற்று வருகிறது. என்றார்.
