கொரோனாவிற்கு முன் ஹீரோ என்ற வணிக ரீதியாக வெற்றி பெறாத படத்தை அளித்திருந்த நட்சத்திர நடிகர் சிவகார்த்திகேயன் கட்டாய வெற்றியை தர வேண்டிய சூழலில் இருக்கிறார்.
அவரது நடிப்பில் தயாராகி இருக்கும் ‘டாக்டர்’ திரைப்படம் படமாளிகையில் அக்டோபர் 9ஆம் திகதியன்று வெளியாகிறது.
இந்நிலையில் இப்படத்தின் முன்னோட்டம் அண்மையில் வெளியாகி பெரும் வரவேற்பைப் பெற்று வருகிறது.
இந்தப் படத்தில் சிவகார்த்திகேயனுடன் யோகிபாபு, வினை, அர்ச்சனா அலெக்சாண்டர், இளவரசு உள்ளிட்ட பலர் நடிக்கிறார்கள்.
உடல் உறுப்பு திருட்டை மையப்படுத்தி இத்திரைப்படம் உருவாகி இருக்கிறது என தெரிய வருகிறது.
பரிச்சயமான கதையாக இருந்தாலும் சொல்லும் பாணியில் வித்தியாசமும் திருப்பங்களும் சுவாரஸ்யமாக இருக்கும் என்பதால் டாக்டர் படம் வெற்றி பெறும் என திரையுலகினர் நம்பிக்கை தெரிவிக்கிறார்கள்.
