பொதுவாக, பெண்களின் முக முடிகளின் தேவையற்ற வளர்ச்சி அவர்களின் உடலில் அதிக அளவு ஆண்ட்ரோஜன்கள் (டெஸ்டோஸ்டிரோன் போன்றவை) இருப்பதால் நிகழ்கிறது. இந்த இழைகள் உங்கள் ஆரோக்கியத்திற்கு அவசியமில்லை. அவற்றை நீங்கள் அகற்ற விரும்பலாம். மேலும் மின்னாற்பகுப்பு, லேசர் மூலம் அகற்றுதல் அல்லது வழித்தல் போன்ற பல நுட்பங்களை நீங்கள் தேர்வு செய்யலாம். ஆனால் இந்த நுட்பங்கள் பல விலை உயர்ந்தவை மற்றும் வலிமிகுந்தவை.
அதனால்தான் நீங்கள் எப்போதும் விரும்பும் மென்மையான முகத்தைப் பெற உதவும் சில இலகுவான குறிப்புகளைத் தேடி இங்கு வழங்குகிறோம்.
ஓட்ஸ் பேஸ்ட் + தேன் + எலுமிச்சை சாறு
தேவையான பொருட்கள்:
ஓட்ஸ் பேஸ்ட் 1 தேக்கரண்டி
2 தேக்கரண்டி தேன்
2 தேக்கரண்டி எலுமிச்சை சாறு
நமைச்சல் மற்றும் எரிச்சல் போன்ற பல தோல் நிலைகளுக்கு ஓட்ஸ் சிறந்தது, மேலும் இது எக்ஸ்ஃபோலைட்டிங் செய்வதற்கு மிகவும் நல்லது. தேன் மற்றும் எலுமிச்சை சாறுடன் கலக்கும்போது, முடியை அகற்றவும் இது உதவுகிறது. நீங்கள் இந்த பொருட்கள் அனைத்தையும் ஒரு பேஸ்டாக கலந்து, முடியுள்ள பகுதியில் தேய்த்து, 15 நிமிடங்கள் அங்கேயே விட வேண்டும். சுமார் ஒரு மாதத்திற்குப் பிறகு, நீங்கள் முடிவுகளை காணலாம்.
சர்க்கரை + தண்ணீர் + எலுமிச்சை சாறு
தேவையான பொருட்கள்:
1 கப் சர்க்கரை
1/4 கப் எலுமிச்சை சாறு
1/4 கப் தண்ணீர்
“சர்க்கரைப்படுத்தல்” என்று பரவலாக அறியப்படும் இந்த நுட்பம், முடி வளர்ச்சியைக் குறைக்கும் திறனின் காரணமாக பிரபலமாக உள்ளது. அதாவது நீங்கள் ஒவ்வொரு முறையும் இந்த செயல்முறையை மீண்டும் செய்யும்போது படிப்படியாக முடி குறைவடைந்து செல்லும். கலவையை ஒரு வாணலியில் வேகவைத்து, அடுப்பு மீது வைக்கவும். மெதுவாக கொதிக்க விடவும். அதைக் கிளறி, கலவை எரியவில்லை அல்லது பானையில் ஒட்டவில்லை என்பதை உறுதிப்படுத்திக் கொள்ளுங்கள். இறுதிக் கலவை தங்க நிறமாக இருக்க வேண்டும். அதைப் பயன்படுத்துவதற்கு முன்பு அதை குளிர்விக்க விடுங்கள்.
முடியை அதன் வேரிலிருந்து அகற்ற சர்க்கரை பேஸ்ட்டை உங்கள் தோலில் இட்டுத் தேய்ப்பதன் மூலம் பயன்படுத்தவும். இது உங்கள் உடலின் பல பகுதிகளுக்கும் பயன்படுத்தப்படலாம். ஒவ்வொரு 4 முதல் 6 வாரங்களுக்கும் இந்த செயல்முறையை மீண்டும் மீண்டும் செய்ய பரிந்துரைக்கப்படுகிறது.
பப்பாளி + பால்
தேவையான பொருட்கள்:
½ கப் பப்பாளியின் கூழ்
1 தேக்கரண்டி பால்
பப்பாளியில் பப்பேன் என்ற நொதி உள்ளது, இது மயிர்க்கால்களை நீர்த்துப் போகச் செய்வதால் முடி இயற்கையாக வெளியேறும். கூடுதலாக, பாலில் உள்ள லாக்டிக் அமிலம் உங்கள் மேல்தோல் (தோலின் வெளிப்புற அடுக்கு) ஐ நீக்கி, மென்மையான, பிரகாசமான நிறத்தை உண்டாக்குகிறது. தடிமனான பேஸ்டை செய்ய, பப்பாளியை பாலுடன் கலந்து, பின்னர் உங்கள் முகத்தில் தடவவும். இதை உங்கள் தோலில் மசாஜ் செய்து, சுமார் 15 நிமிடங்கள் இருக்க விடவும். பின்னர் அதை கழுவவும். வாரத்திற்கு ஒரு முறை மீளச் செய்யவும்.
முட்டை + சர்க்கரை + சோள மாவு
தேவையான பொருட்கள்:
1 முட்டை
1 தேக்கரண்டி சர்க்கரை
சோள மாவு ஒரு தேக்கரண்டி
நீங்கள் இந்த பொருட்களை ஒரு கிண்ணத்தில் கலந்தால், முடி அகற்றுவதற்கான ஒரு சிறந்த கழற்றக்கூடிய-முகமூடியை உருவாக்க முடியும். முட்டையின் வெள்ளைக்கரு இங்கே மிகவும் முக்கியமானது. ஏனெனில் அவை உங்கள் சருமத்தின் தொனியை மேம்படுத்தி, உங்கள் முகத்தில் ஒரு மெல்லிய படலத்தை உருவாக்கும். இது முடி நீக்குதல் செயல்முறைக்கு உதவும்.
புதினா தேநீர்
தேவையான பொருட்கள்:
1 கப் தண்ணீர்
1 டீஸ்பூன் உலர்ந்த புதினா
4 அல்லது 5 புதிய புதினா இலைகள் (விரும்பினால்)
புதினா தேநீர் லேசான முடிவளர்வுக்கான ஆன்டிஆண்ட்ரோஜெனிக் பொருள் என நிரூபிக்கப்பட்டுள்ளது. மேலும் இது விரும்பத்தகாத முக முடிகளை அகற்ற முற்றிலும் உதவும். ஒரு நாளைக்கு இரண்டு முறை குடிக்கவும், உங்கள் ஹார்மோன்களை சமப்படுத்தவும், முடி வளர்ச்சியைக் குறைக்கவும் முடியும்
பார்லி + எலுமிச்சை சாறு + பால்
தேவையான பொருட்கள்:
3 கரண்டி பார்லி பவுடர்
2 கரண்டி எலுமிச்சைசாறு
3 கரண்டி பால்
எலுமிச்சை சாறு உங்கள் சருமத்தின் துளைகளை இறுக்கமாக்கும் அதே வேளையில், பார்லி சருமத்தை வெளித்திருப்பி, தேவையற்ற முக முடிகளை அகற்றி, அதன் வளர்ச்சியை மெதுவாக்கும் மற்றும் சருமத்தை மென்மையாக்கும்.
ஆரஞ்சு மற்றும் எலுமிச்சை
தேவையான பொருட்கள்:
உலர் ஆரஞ்சு சுளை
உலர் எலுமிச்சை சுளை
இந்த 2 பழங்களைக் கொண்டு நீங்கள் ஒரு தடிமனான பேஸ்டைப் பெற்றவுடன், உங்கள் தலைமுடியை வெளுத்து, உங்கள் சருமத்தை எளிதில் தூய்மையாக்கலாம். ஆரஞ்சு சுளைகள் சருமத்தை நீர்க்கச் செய்யும் பண்புகளைக் கொண்டுள்ளது, இது உங்கள் சருமத்தை பளபளக்க உதவுகிறது – இது முகப்பரு மற்றும் வடுக்களை கூட நீக்கும். எலுமிச்சை தசையை வெளுத்து, மீதமுள்ள முடியை மென்மையாகச் செய்ய உதவும்.
மஞ்சள் +கடலை மாவு + உப்பு + பால்
தேவையான பொருட்கள்:
2 தேக்கரண்டி மஞ்சள் தூள்
½ கப் கடலை மாவு
1 கப் குளிர்ந்த பால்
1 தேக்கரண்டி உப்பு
மிதமிஞ்சிய முடியை அகற்ற இந்தியாவில் மக்கள் நீண்ட காலமாக மஞ்சளைப் பயன்படுத்துகின்றனர். இந்த மூலப்பொருள் நுண்ணங்கியெதிர்ப்பு மற்றும் பாக்டீரியா எதிர்ப்பு பண்புகளைக் கொண்டுள்ளது, அதாவது இது அகற்றும் செயல்பாட்டின் போது உங்கள் சருமத்தைப் பாதுகாக்க உதவும். நீங்கள் கலவையில் உப்பு, பால் மற்றும் கடலை மாவு (பல வெளிற்றல் பண்புகளைக் கொண்டவை) சேர்த்து, அவை அனைத்தையும் மென்மையான பேஸ்டாக மாற்றி, நீங்கள் அகற்ற விரும்பும் பகுதிக்கு அதைப் பயன்படுத்துங்கள். 5 நிமிடங்கள் மெதுவாக தேய்க்கவும், அது உலரக் காத்திருக்கவும், 10 நிமிடங்களுக்குப் பிறகு நீங்கள் அதை கழுவலாம். வாரந்தோறும் செய்யவும்.
மேலும் அறிந்து கொள்ள மேல் உள்ள தலைப்பை அழுத்தவும்
இது போல் மேலும் பல பெண்ணியம் பற்றிய தகவல்களை அறிந்து கொள்ள எங்களுடன் இணைந்து இருங்கள்….
