இத்தனை நாட்களாக ஒரு குழுவை மியூட் செய்ய வாட்ஸ்அப் ஆனது 1 வருடம் எனும் தெரிவையே அதிக பட்சமாக வழங்கி இருந்தது. ஆனால், இப்போது அந்த தெரிவு எப்போதுமே மியூட் ஆக இருக்க வேண்டுமென மாற்றப்பட்டுள்ளது.
ஒவ்வொரு அரட்டை சேவையும் குறைந்தபட்சம் மூன்று விஷயங்களை வழங்க வேண்டும்:
வாட்ஸ்அப் வழங்கும் புதிய புதிப்பிப்பு என்ன ?
- உரையாடல்களை முடக்குவதற்கான ஒரு வழி, இதனால் உங்கள் அரட்டைகார நண்பர்கள் உங்களை ஒருபோதும் தொந்தரவு செய்ய மாட்டார்கள்
- உங்களிடம் உள்ள குழுவுக்கு அறிவிக்காமல் உரையாடல்களை விட்டுவிடுவதற்கான ஒரு வழி
- உங்கள் உரையாடல் முகப்பில் இந்த செய்திகள் மேலே வந்து நிற்பதைத் தவிர்ப்பது
இந்த மூன்றையும் செய்ய வாட்ஸ்அப் உங்களை அனுமதிக்காது. ஆனால் குறைந்தபட்சம் நீங்கள் இப்போது குழு மற்றும் தனிப்பட்ட உரையாடல்களை நிரந்தரமாக முடக்கலாம், இது உங்களுக்கு பொருந்தாத நோட்டிபிகேஷன்களால் உங்கள் சாதனம் செயற்படாமல் நிற்பதைத் தடுக்கும்.
இதனைப் பயன்படுத்த, ஆப்பிளின் ஆப் ஸ்டோர் அல்லது கூகிள் பிளே ஸ்டோரில் கிடைக்கும் வாட்ஸ்அப்பின் சமீபத்திய பதிப்பை இயக்குகிறீர்கள் என்பதை உறுதிப்படுத்திக் கொள்ளுங்கள்.
வாட்ஸப்பை செயற்படுத்தி நீங்கள் அமைதியாக்க விரும்பும் உரையாடலை லோங் பிரஸ் செய்யவும். இதன்பின் மியூட் குறியீட்டை அழுத்தவும். அதன்பொழுது தோன்றும் திரையில், “எப்போதும்/Always” என்பதைத்தெரிவு செய்யவும். “அறிவிப்புகளைக் காண்பி / Show Notifications ” என்ற தெரிவு புள்ளியிடப்படவில்லை என்பதை உறுதிப்படுத்தவும். இனிமேல் உங்கள் நண்பர்களோ, சொந்தக்காரர்களோ தொணதொணுக்கும் பொழுது நீங்கள் அதனால் கவலைப்பட வேண்டியதில்லை.
முன்னைய தீர்வுகளை விட இந்த தீர்வின் ஒரு வித்தியாசம் என்னவென்றால், இது இந்த உரையாடல்களை விட்டுவிடாது. புதிய செய்திகளைப் பற்றி உங்களுக்கு அறிவிக்கப்பட மாட்டாது, ஆனால் அரட்டையில் உள்ள அனைவருக்கும் இன்னும் ஒருவருக்கொருவர் பேச முடியும். அவர்கள் அவ்வாறு செய்யும்போது, அது உரையாடலை வாட்ஸ்அப்பின் பட்டியலில் முன்னால் வரும்.
இவ்வாறு நடப்பதை விரும்பவில்லை என்றால், உரையாடலை முழுவதுமாக விட்டுவிடுவதே உங்கள் ஒரே வழி. அவ்வாறு செய்ய, அரட்டையில் க்ளிக் செய்யவும், பின்னர் Android இல் மேல் வலது மூலையில் உள்ள மூன்று-புள்ளி ஐகானைத் தட்டவும் அல்லது iOS இல் ஐகானை அணுக இடதுபுறமாக ஸ்வைப் செய்யவும். மேலும் என்ற தெரிவுக்குள் சென்று, பின்னர் உங்கள் இறுதி விடைபெற “குழுவிலிருந்து வெளியேறு / Leave Group ” என்பதைத் தேர்ந்தெடுக்கவும். அதுவரை உங்கள் உரையாடலின் சேமிப்புகள் உங்கள் வாட்ஸ்அப் பட்டியலில் இருக்கும், ஆனால் குழுவில் மக்கள் சொல்லும் புதியவற்றை நீங்கள் காண மாட்டீர்கள்.
இந்த அப்டேட் போலவே ஏனைய 2 முறைகளையும் ( குழுவுக்கு அறிவிக்காமல் உரையாடல்களை விட்டுவிடுவதற்கான ஒரு வழி மற்றும் உரையாடல் முகப்பில் இந்த செய்திகள் மேலே வந்து நிற்பதைத் தவிர்ப்பது) ஆகியவற்றையும் வாட்ஸப் கொண்டு வருமானால் மக்களுக்கு குழுக்களால் ஏற்படும் எல்லாத் தொல்லைகளையும் நிவர்த்தி செய்யலாம்.
இது போன்ற புதிய தொழில்நுட்ப தகவல்களை தெரிந்து கொள்ள தொழில்நுட்பப பக்கத்துக்கு செல்லவும்
முகப்பு பட உதவி : static/whatsapp
