மின்னஞ்சல் மோசடியில் சிக்கும்போது என்ன செய்வது?

இந்த தொழில்நுட்ப யுகத்தில் எமது மின்னஞ்சல் மோசடியில் சிக்குவது என்பது
அனைவருக்கும் ஏற்படக் கூடிய ஒன்றாகும். குறிப்பாக ஃபிஷிங்
தாக்குதல் (phishing attack) எனப்படும் மின்னஞ்சல் மோசடியானது எமது
கடவுச்சொற்கள், கிரெடிட் கார்டு எண்கள், வங்கி கணக்குத் தரவுகள்,
முகவரிகள் மற்றும் பிற முக்கிய தகவல்களைத் திருட நமது மின்னஞ்சல்
மற்றும் மோசடி வலைத்தளங்களைப் பயன்படுத்துவதை
உள்ளடக்குகிறது.

உங்கள் வங்கி அல்லது பிற நம்பகமான மூலத்திலிருந்து
வரும் தகவல்களை போன்று போலியான தகவல்களை குற்றவாளிகள்
உங்களுக்கு காண்பித்து உங்களுடைய மின்னஞ்சல் மற்றும் முக்கியமான
தகவல்கள் திருடுகின்றனர்.

உங்கள் மின்னஞ்சல் மோசடிக்கு உள்ளாகியிருந்தால்
நீங்கள் முக்கியமாக செய்யவேண்டியவை.

கடவுச்சொற்களை மாற்றவும்

ஃபிஷிங் மோசடிக்கு பதிலளிக்கும் விதமாக நீங்கள் தவறான இணைப்புக்குச் (Link ) சென்றால் அல்லது தனிப்பட்ட தகவல்களை உள்ளிட்டால், உடனடியாக உங்கள் கடவுச் சொல்லை மாற்றவும். மின்னஞ்சல், வங்கி கணக்குகள் மற்றும் பின் எண்கள் உள்ளிட்ட அனைத்து கணக்குகளுக்கும் இதைச் செய்யுங்கள்.எண்கள் மற்றும் சின்னங்களுடன் வலுவான, சிக்கலான, புதிய கடவுச்சொற்களை உருவாக்கவும். இத்தகைய கடவுச்சொற்கள் சைபர் கிரைமினல்களுக்கு கிராக் செய்வது கடினம்.

நிதி நிறுவனங்களுக்கு தெரிவிக்கவும்

விரைவில் நிதி நிறுவனத்தைத் தொடர்பு கொண்டு உங்கள் கணக்கு
மோசடிக்கு உட்படலாம் என்பதை தெரியப்படுத்தவும். சிக்கல் தீர்க்கப்படும்
வரை உங்கள் கணக்கில் மோசடி எச்சரிக்கையை செயல்படுத்தவும்.

கிரெடிட் கார்டு நிறுவனங்களைத் தொடர்பு கொள்ளுங்கள்

கிரெடிட் கார்டு நிறுவனங்களுக்கு தகவல் அளித்து நிலைமையை
விளக்குங்கள். நீங்கள் இன்னும் உங்கள் கிரெடிட் கார்டைப்
பயன்படுத்தவில்லை, ஆனால் எதிர்காலத்தில் சட்டவிரோதமாக கட்டணம்
வசூலிக்கப்படுவீர்கள் என்று நினைத்தால், உங்கள் அட்டையை ரத்து
செய்வது கட்டாயமாகும். என்ன நடந்தது என்பதை உங்கள் வங்கிக்கு
அறிவிப்பதன் மூலம் உங்கள் கிரெடிட் கார்டை மேலும் பாதுகாக்கலாம்.

உங்கள் மென்பொருளைப் புதுப்பிக்கவும்

உங்கள் மென்பொருளை சமீபத்திய பதிப்பிற்கு(update) புதுப்பிக்கவும்.
அதுமட்டுமல்லாமல் உங்கள் கணினி அமைப்பு வைரஸ் அல்லது பிற
தீம்பொருளால் (Malware) பாதிக்கப்பட்டுள்ளதாக நீங்கள் நினைத்தால்
விரிவான வைரஸ் ஸ்கேன் இயக்கவும் (Full Virus Scan ). அடுத்தபடியாக
நீங்கள் குறியாக்கத்தைப் (Encryption) பயன்படுத்த வேண்டும்.

நீங்கள் ஃபயர்வால் (firewall) இயக்கப்பட்டிருப்பதை உறுதி செய்து, வெளிப்புற
வன்வட்டில் (CD) தனிப்பட்ட தகவல்களை தவறாமல் சேமிக்கவும். முடிந்தவரை பொது வைஃபை (Public WiFi) நெட்வொர்க்குகளைப் பயன்படுத்துவதைத் தவிர்க்கவும். ஒரு பொது இணைப்பைப் பயன்படுத்த விரும்பினால், மெய்நிகர் தனியார் நெட்வொர்க் (VPN) போன்ற மிகவும் பாதுகாப்பான விருப்பத்தைத் தேர்வு செய்க. மேலும், பயன்பாட்டில் இல்லாத போது உங்கள் கணினியை அணைக்க (Shut Down ) மறக்காதீர்கள். அது செயலற்ற நிலையில் இருக்கும் போது அதை ஹேக்கர்கள் அணுக முடியாது.

கணக்குகளை தவறாமல் தினமும் சரிபார்க்கவும்

சந்தேகத்திற்கிடமான செயல்பாடு எதுவும் ஏற்படவில்லை என்பதை
உறுதிப்படுத்த உங்கள் வங்கி மற்றும் கிரெடிட் கார்டு கணக்குகளை
தவறாமல் மதிப்பாய்வு செய்யவும்.நீங்கள் 100% மோசடி செய்யபட வில்லை
என்று உறுதி செய்யும் வரை உங்கள் கடன் அறிக்கையில் மோசடி
எச்சரிக்கையை தவறாமல் செயற்படுத்தவும்.

ஆதார அறிக்கையிடல்

தேசிய மோசடி தகவல் மையம் உட்பட மின்னஞ்சல் மோசடிகளைப்
புகாரளிக்க பல நிறுவனங்கள் உள்ளன. இந் நிறுவனம் மோசடி
நடவடிக்கைகளை மத்திய அரசிடம் தெரிவிப்பது மட்டுமல்லாமல் மோசடி
வழக்குகளை தீர்ப்பதற்கான வழிகளையும் முன்னெடுக்கிறது.
அதுமட்டுமல்லாமல் நீங்கள் உங்கள் மாகாணத்தில் தொடர்பு
கொள்ளக் கூடிய தொடர்புகளின் விவரங்களையும் அவை வழங்குகின்றன.

பிற பயனுள்ள நிறுவனங்கள்

சைபர் கிரைம் மையம்: FBI மற்றும் தேசிய வெள்ளை காலர் குற்ற
மையம் ஆகியவை சைபர் கிரைம் புகார்கள் மையம் என்ற
வலைத்தளத்தை நடத்திவருகின்றது . அதில் மின்னஞ்சல் மோசடியை
எவ்வாறு தடுப்பது மற்றும் அதற்கு நீங்கள் பலியானால் என்ன
செய்வது என்பது குறித்த பல உதவிக்குறிப்புகள் மற்றும் பிற பயனுள்ள
தகவல்கள் காணப்படுகின்றன. மற்றும் உங்கள் அடையாளத்தைத்
திருடிய அல்லது முயற்சித்த மூன்றாம் தரப்பினருக்கு எதிரான
உரிமைகோரலுக்கான இணைப்பையும் இது வழங்குகிறது.

U.S நீதித்துறை: U.S நீதித்துறை மின்னஞ்சல் மோசடி புகார்களை
தாக்கல் செய்ய உங்களை அனுமதிக்கும் வலைத்தளங்களை
பராமரிக்கிறது. அது மாத்திரமின்றி அவ் வலைத்தளம் பயனுள்ள
உதவிக் குறிப்புகள் மற்றும் ஆலோசனைகளையும் வழங்குகிறது.

தேசிய நுகர்வோர் லீக்(National Consumers League): இந்த தளம்
எவ்வாறு புகார் அளிப்பது மற்றும் மோசடியைத் தடுப்பது பற்றிய
தகவல்களை வழங்குகிறது.

மோசடி சிக்கல்கள் தீர்க்கப்படும் வரை நடைமுறையில் இருங்கள், எதிர்காலத்தில் எதைத் தேடுவது என்று தெரிந்து கொள்ளுங்கள். ஃபிஷிங் மற்றும் பிற இணைய மோசடிகளைப் பற்றி நீங்கள் எவ்வளவு அதிகமாக அறிந்திருக்கிறீர்களோ, அவ்வளவு குறைவான பிரச்சினைகளே உங்களுக்கு இருக்கும்.

உடனடியாக நீங்கள் அழிக்க வேண்டிய 16 தொலைபேசி அப்ளிகேஷன்கள்

மேலும் அறிந்து கொள்ள மேல் உள்ள தலைப்பை அழுத்தவும்

வேறுபட்ட புதிய தொழில்நுட்பத் தகவல்களை வாசிக்க தொழில்நுட்ப பக்கத்துக்கு செல்லவும்

image source