முன் எப்போதும் நாம் கண்டதைப் போலல்லாத ஒரு தொலைதூர நட்சத்திரத்தை சுற்றிவரும் கிரகம் ஒன்றை வானியலாளர்கள் கண்டுபிடித்துள்ளனர். இதனை TOI-849b எனப் பெயரிட்டுள்ளனர்.
ஏறக்குறைய 730 ஒளி ஆண்டுகள் (6.906 X 10 15 km) தொலைவில், நமது சூரியனைப் போன்ற ஒரு நட்சத்திரத்தை சுற்றி, வானியலாளர்கள் மிகவும் வித்தியாசமான வெளிக் கிரகம் ஒன்றைக் கண்டுபிடித்துள்ளனர்.
இது நெப்டியூனை விட சற்று சிறியது என்பதால், இது ஒரு வாயு கிரகத்தைக் குறிக்கக்கூடும்… ஆனால் இது நெப்டியூனை விட இரண்டு மடங்கு திணிவு அதிகமானது என்பதுடன், பூமி மற்றும் வெள்ளியுடன் ஒப்பிடக்கூடிய அடர்த்தி கொண்டது.
இந்த அதி-அடர்த்தியான ஆச்சரியம், இந்த வெளிக்கிரகம் ஒரு பாறை என்று கூறுகிறது. ஆனால் பாறை கிரகங்களுக்கான வழக்கமான மேல் அளவு வரம்பை விட இது அதிகமாக உள்ளது. இதன் பொருள், இது உண்மையில் மிகவும் அரிதான ஒன்று என்பதுவாகும் – இது ஒரு ச்தோனியன் கிரகம் என்று அழைக்கப்படுகிறது. தனது வாயு மணடலத்தை இழந்த ஒரு வாயு இராட்சதனின் மையமாக இது சொல்லப்படுகிறது.
இது ஒரு அனுமான வகை கிரகமாகும், ஏனெனில் இது போன்ற ஒன்று இதற்கு முன்னர் கண்டுபிடிக்கப்படவே இல்லை
TOI-849b நமக்கு என்ன சொல்கிறது ?
இந்த கேள்விக்குரிய கிரகம் TOI-849b என அழைக்கப்படுகிறது. மேலும் இது TOI-849 எனப்படும் சூரியனைப் போன்ற நட்சத்திரத்தை சுற்றி வருகிறது. அது என்ன என்பதை நாம் சரியாகக் கண்டுபிடிக்கும்போது, நெப்டியூன் போன்ற வாயு மற்றும் பனி பூதங்களின் அடர்த்தியான வளிமண்டலங்களுக்குள் என்ன இருக்கிறது என்பதையும், இந்த வல்லமைமிக்க கிரகங்களின் உருவாக்கம் செயல்முறைகளையும் நன்கு புரிந்துகொள்ள இது உதவும்.
“TOI 849 b என்பது மிகப் பெரிய நிலப்பரப்பு கிரகம் – இது பூமி போன்ற அடர்த்தியைக் கொண்டுள்ளது – கண்டுபிடிக்கப்பட்டது. இந்த கிரகம் மிகப்பெரிய அளவில் ஐதரசன் மற்றும் ஹீலியத்தை உருவாக்கும் போது, அது வியாழனுக்கு ஒத்ததாக வளரும் என்று நாங்கள் எதிர்பார்க்கிறோம்,” என இங்கிலாந்தின் வார்விக் பல்கலைக்கழகத்தின் வானியலாளர் டேவிட் ஆம்ஸ்ட்ராங் அவர்கள் தெரிவித்தார்.
“அந்த வாயுக்களை நம்மால் காண முடியவில்லை என்பது, இது ஒரு வெளிப்படுத்தப்பட்ட கிரக மையமாகும் என்பதை எங்களுக்குத் தெரியப்படுத்துகிறது. ஒரு நட்சத்திரத்தைச் சுற்றியுள்ள ஒரு வாயு இராட்சதத்தின் முழுமையாக வெளிப்படும் மையத்தை நாங்கள் கண்டுபிடித்தது இதுவே முதல் முறை.”
TOI-849b, நாசாவின் டிரான்ஸிட்டிங் எக்ஸோபிளானட் சர்வே சேட்டிலைட் (TESS), வெளிக்கிரக-வேட்டை விண்வெளி தொலைநோக்கியைப் பயன்படுத்தி நடத்தப்பட்ட ஒரு கணக்கெடுப்பால் இது கண்டுபிடிக்கப்பட்டது. TESS அதன் உணர்திறன் கருவிகளைப் பயன்படுத்தி தொடர்ச்சியாக நட்சத்திரங்களை உன்னிப்பாகப் பார்ப்பதன் மூலம் நட்சத்திரத்தின் முன் கடந்து செல்கின்ற மங்கலான மற்றும் ஒளிர்வான பகுதிகளை தேடுகின்றன. அவை ஒரு கிரகத்தைப் போல பெரிய விடயங்களைக் குறிக்கின்றன.
நட்சத்திரத்தின் ஒளி எவ்வளவு காலத்துக்கு ஒருமுறை மங்குகிறது என்பது வானியலாளர்கள் கிரகம் எவ்வளவு பெரியது, அது நட்சத்திரத்திற்கு எவ்வளவு நெருக்கமாக இருக்கிறது போன்றவற்றைக் கணக்கிட அனுமதிக்கிறது. TOI-849b அதன் நட்சத்திரத்திற்கு மிக நெருக்கமாக உள்ளது – இது ஒவ்வொரு 18 மணி நேரத்திற்கும் ஒருமுறை அதனை சுற்றி வருகிறது. அத்தகைய நெருக்கம் மிகவும் வெப்பமாக இருக்கும். இதன் மேற்பரப்பு வெப்பநிலை சுமார் 1,800 கெல்வின் (1,530 டிகிரி செல்சியஸ் அல்லது 2,780 டிகிரி பாரன்ஹீட்).
புரவலன் நட்சத்திரத்துடனான இந்த நெருக்கம் வெளிக்கிரகத்தை ஒரு சிறப்பு வகைக்கு உட்படுத்துகிறது – மிகக் குறைந்த நெப்டியூன் அளவிலான கிரகங்களே அவற்றின் நட்சத்திரங்களுக்கு அருகில் காணப்படுகின்றன.இதனால் இவை சூடான நெப்டியூன் பாலைவனம் என்று அழைக்கப்படுகிறது.
இது மட்டுமே குறிப்பிட்டுக் காட்டுமளவு சிறப்பனாதாக இருக்கும், ஆனால் பின்னர் குழு டாப்ளர் ஸ்பெக்ட்ரோஸ்கோபியைப் பயன்படுத்தி தொடரல் அவதானிப்புகளைச் செய்தது.
ஒரு கிரகம் ஒரு நட்சத்திரத்தைச் சுற்றும்போது, அது நட்சத்திரத்தின் மீது ஒரு சிறிய ஈர்ப்பு விசையை செலுத்துகிறது, இதனால் நட்சத்திரம் அந்த இடத்திலேயே சிறிது தள்ளாடும். டாப்ளர் ஸ்பெக்ட்ரோஸ்கோபி நட்சத்திரத்தின் ஒளி மாறும்போது அதை மாற்றும் அளவை அளவிடுகிறது. நட்சத்திரத்தின் நிறை தெரிந்தால், நட்சத்திரம் எவ்வளவு அசைகிறது என்பதை அடிப்படையாகக் கொண்டு வானியலாளர்கள் கிரகத்தின் திணிவைக் கணக்கிட முடியும்.
இந்த குழு வெளிக்கிரகத்தின் திணிவைக் கணக்கிட்டது – பூமியின் திணிவின் சுமார் 39.1 மடங்கு மற்றும் நெப்டியூன் திணிவின் 2.3 மடங்கு. இதன் விளைவாக ஒரு சென்டிமீட்டர் கனசதுரத்திற்கு 5.2 கிராம் அடர்த்தி உள்ளது என அறியப்பட்டது – இது வெள்ளியின் 5.24 கிராம் / செ.மீ³ மற்றும் பூமியின் 5.51 கிராம் / செ.மீ³ ஆகிய அளவுகளுக்கு மிக அருகில் உள்ளது.
“இது வழக்கத்திற்கு மாறாக மிகப்பெரிய கிரகம் என்றாலும், இது எங்களுக்குத் தெரிந்த மிகப் பெரிய கிரகங்களுக்கு கிட்டக்கூட நெருங்கவில்லை” என்று ஆம்ஸ்ட்ராங் விளக்கினார்.
“ஆனால் இது அதன் அளவிற்கு நாம் அறிந்தவற்றில் மிகப் பாரியது, மேலும் நெப்டியூன் அளவிலானவற்றில் மிகவும் அடர்த்தியானது. இது இந்த கிரகம் மிகவும் அசாதாரண வரலாற்றைக் கொண்டுள்ளது என்று நமக்குக் கூறுகிறது. இது அதன் திணிவுக்கு இருக்க வேண்டிய இடத்தை விட ஒரு விசித்திரமான இடத்தில் உள்ளது என்பதும் வித்தியாசமான விடயமாகும் – நாங்கள் இந்த குறுகிய சுற்றுப்பாதை வலையங்களில் இவ்வளவு திணிவுடன் கிரகங்களைக் கண்டதில்லை” எனக் கூறுகின்றனர்.
TOI-849b எப்படி உருவாகியது ?
இது நாம் ஒரு ச்தோனிய கிரகத்தைப் பார்க்கிறோம் என்ற முடிவுக்கு வழிவகுக்கிறது. ஆனால் அது எப்படி வந்தது என்பது இன்னும் புதிராகவே உள்ளது.
TOI-849b வியாழனைப் போன்ற ஒரு பெரிய வாயு வளிமண்டலத்துடன் உருவாகி பின்னர் எப்படியோ அதனை இழந்துள்ளது.
தமது நட்சத்திரங்களுக்கு அடுத்துள்ள வாயு கிரகங்கள் அவற்றின் வாயுமண்டலத்தை நம்பமுடியாத வெப்பத்தால் இழக்கக்கூடும் என்பதை நாம் அறிவோம். இதுவரை கண்டுபிடிக்கப்பட்ட ஒரே சூடான நெப்டியூன்களில் ஒன்றான கிளைஸி 3470 பி, அதன் வளிமண்டலத்தை நம்பமுடியாத விகிதத்தில் இழந்து, அதன் நட்சத்திரத்தின் வெப்பத்தால் ஆவியாக்கியது.
TOI-849b க்கு கணக்கிடப்பட்ட வளிமண்டல இழப்பு முழுவதையும் இந்த செயல்முறை மூலம் கணக்கிட முடியாது, ஆனால் பிற நிகழ்வுகள் மற்ற பெரிய பொருட்களுடன் மோதல்கள் போன்ற ஒரு பாத்திரத்தை வகித்திருக்கலாம்.
மற்ற தெரிவு என்னவென்றால், TOI-849b ஒரு வாயு இராட்சதனாக உருவாகத் தொடங்கியது, ஆனால் போதுமானளவு கனிமங்கள் இல்லாமல் போயிருக்கலாம் – இது கிரக அமைப்பின் பரிணாம வளர்ச்சியின் பிற்பகுதியில் உருவாகியதால், நட்சத்திரத்தின் சிறுகோள் வட்டில் மிகக் குறைந்த பொருள் எஞ்சியிருக்கலாம், அல்லது அந்த வட்டில் ஒரு இடைவெளி உருவானதனால், அங்கு ஒரு வளிமண்டலத்தை இணைக்க போதுமான பொருள் இல்லாமல் போயிருக்கலாம்.
TOI-849b க்கு ஏதேனும் வளிமண்டலம் இருக்கிறதா என்பதைத் தீர்மானிக்க, தங்கள் ஆராய்ச்சியை அவதானிப்புகளுடன் பின்தொடர குழு திட்டமிட்டுள்ளது. இது மையத்தின் கலவையைத் தீர்மானிக்க உதவும்.
“எதோனுமொரு வகையில், TOI 849 b ஒரு எரிவாயு இராட்சதனாக இருந்துள்ளது அல்லது ஒரு ‘தோல்வியுற்ற’ வாயு இரட்சதனாகியிருக்க வேண்டும்” என்று ஆம்ஸ்ட்ராங் கூறினார்.
“இதுவே முதல்முறையாக, இவ்வாறன கிரகங்கள் உள்ளன எனவும் கிரகங்களை கண்டுபிடிக்கலாம் என்றும் எங்களுக்கு சொல்கிறது. ஒரு கிரகத்தின் மையப்பகுதியை நமது சொந்த சூரிய குடும்பத்தில் நாம் பார்க்க முடியாத வகையில் பார்க்க வாய்ப்பு உள்ளது. வியாழனின் மையத்தின் தன்மை குறித்து இன்னும் பெரிய திறந்த கேள்விகள் உள்ளன, எடுத்துக்காட்டாக, இது போன்ற விசித்திரமான மற்றும் அசாதாரணமான கிரகங்கள் கிரக உருவாக்கம் குறித்த ஒரு ஆராய வேறு வழியில்லாத வாய்ப்புகளை நமக்குத் தருகின்றன, “
அண்மையில் சூரியக்கலம் கண்டுபிடித்த சூரியன் தொடர்பான சுவாரசிய தகவல்கள் பற்றி அறிய இக்கட்டுரையை வாசிக்கவும்
