கொரோனா தடுப்பூசியின் இரண்டு டோஸ்களையும் செலுத்திக் கொண்டவர்கள் மட்டும் நவம்பர் மாத தொடக்கத்திலிருந்து அமெரிக்கா வர அனுமதிக்கப்படுவார்கள் என்று அந்நாட்டு அரசு அறிவித்துள்ளது.
கடந்த ஆண்டு கொரோனா தொற்று பரவத் தொடங்கிய போது இந்தியா உள்பட
வெளிநாடுகளைச் சேர்ந்தவர்கள் அமெரிக்கா வர அந்நாட்டின் முன்னாள் ஜனாதிபதி டொனால்ட் டிரம்ப் தடை விதித்தார்.
இந்நிலையில் அந்நாட்டு தலைநகர் வாஷிங்டனிலுள்ள வெள்ளை மாளிகையின் கொரோனா பரவல் தடுப்பு நடவடிக்கைகளுக்கான ஒருங்கிணைப்பாளர் ஜெஃப் ஷயன்ட்ஸ் செய்தியாளர்களிடம் கூறுகையில் வெளிநாடுகளைச் சேர்ந்தவர்கள் கொரோனா தடுப்பூசியின் இரண்டு டோஸ்களையும் செலுத்திக்
கொண்டிருந்தால், அவர்கள் நவம்பர் மாத தொடக்கத்திலிருந்து அமெரிக்கா
வர அனுமதிக்கப்படுவார்கள் என்று கூறினார்.
அமெரிக்கா வருவோர் தாங்கள் பயணம் மேற்கொள்வதற்கு 3 நாள்களுக்கு முன்பாக பரிசோதனை மேற்கொண்டு தங்களுக்கு கொரோனா பாதிப்பில்லை என்பதற்கான சான்றிதழுடன் வரவேண்டும்.
அவர்கள் அமெரிக்கா வந்தபின் தனிமைப்படுத்திக் கொள்ளத் தேவையில்லை என்று தெரிவித்தார்.
பாலூட்டும் பெண்கள் தடுப்பூசி போட்டால் குழந்தைகளுக்கு பாதிப்பு ஏற்படுமா
