விஞ்ஞானம் எவ்வளவு வளர்ந்திருந்தாலும் கூட, அமானுஷ்ய நிகழ்வுகளுக்கும், பேய்கள் பற்றிய பயத்துக்கும் என்றுமே நம் உலகில் இடமுள்ளது. ஒரே கோட்டையில் வாழும் 100 பேய்கள் முதல் 40 ஆண்டுகளாக அம்மாவின் பிணத்தின் அருகில் கட்டிப்போடப்பட்டு உயிரிழந்த சிறுவனின் ஆவி வரை மிகவும் பயங்கரமான பேய்கள் வாழும் இடங்கள் பற்றியும் அவற்றின் கதைகளையும் கேட்கத் தயாராகுங்கள்.
இந்தத் தொடரின் முதலாம் பாகத்தைப் பார்ப்போம்
பேய்களால் பீடிக்கப்பட்ட உலகின் அதிபயங்கரமான இடங்கள்
சேட்டோ டி பிரிசாக், மைனே-எட்-லோயர், பிரான்ஸ்
தலம்: ‘லோயர் பள்ளத்தாக்கின் ராட்சதன்’ என அழைக்கப்படும் இது பிரான்சில் உள்ளது. ஏழு தளங்கள், 204 அறைகள், ஏராளமான உருவப்படக் காட்சியகங்கள் மற்றும் 200 பேர் அமரும் ஒரு தனியார் ஓபரா ஹவுஸ் ஆகியவற்றைக் கொண்டிருக்கும் மிக உயர்ந்த கோட்டை. இது 11 ஆம் நூற்றாண்டில் அன்ஜோ பரம்பரையால் கட்டப்பட்ட ஒரு கோட்டையாகும், மேலும் 1620 ஆம் ஆண்டில் மன்னன் XIIIம் லூயிஸ் அவர்களால் கைவிடப்பட்டது.
பேய்கள்: மிகவும் சுறுசுறுப்பான லா டேம் வெர்டே, (கிரீன் லேடி), அவர் வெளிப்படையாக மன்னர் VIIம் சார்லஸ் அவர்களின் முறைதவறிப் பிறந்த குழந்தையாக இருந்தார். பின்னர் 15 ஆம் நூற்றாண்டில் அவரது கணவரால் முறைகேடான உறவில் ஈடுபட்டதற்காக சேட்டோவில் வைத்து கொலை செய்யப்பட்டார். தேவாலயத்தின் கோபுர அறையில் அவர் அடிக்கடி தென்பட்டுள்ளார். அவளுடைய பச்சை நிற உடையை அணிந்துகொண்டு, கண்கள் மற்றும் மூக்கு இருக்க வேண்டிய இடைவெளியில் வெற்றுத் துளைகளுடன் தென்படுகிறார். அவரது தோற்றத்தால் விருந்தினர்களை திடுக்கிடச் செய்வது, அல்லது மற்ற நேரங்களில் கோட்டையைச் சுற்றி புலம்புவதைக் கேட்கலாம்.
தற்போதைய நிலைமை: சேட்டோ ஒரு பிரபலமான ஹோட்டல், இது கிறிஸ்துமஸ் சந்தை ஒழுங்கமைப்பு மற்றும் அதன் சொந்த திராட்சைத் தோட்டங்களிலிருந்து தயாரிக்கப்படும் நன்கு கருதப்படும் ஒயின்களின் விற்பனை போன்ற சிறப்பு நிகழ்வுகளை வழங்குகிறது.ஒரு இரவு முழுவதும் தங்குவதற்கு தைரியமாக இருக்கும் விருந்தினர்கள் பழங்கால தளபாடங்களால் அலங்கரிக்கப்பட்ட அறைகளை அனுபவிக்கிறார்கள்.
மான்டே கிறிஸ்டோ வீட்டு வசதி, நியூ சவுத் வேல்ஸ், ஆஸ்திரேலியா
தலம் : 1876 ஆம் ஆண்டில் பணக்கார நில உரிமையாளர் கிறிஸ்டோபர் வில்லியம் கிராலே என்பவரால் கட்டப்பட்ட சிக்கலான வார்ப்பிரும்பு தட்டு வேலைகளுடன் கூடிய பிற்கால விக்டோரியன் மாளிகை. ஆஸ்திரேலியாவின் பயங்கரமான பேய் வீடு.
பேய்கள்: படிக்கட்டுகளில் இருந்து கீழே விழுந்த இளம் குழந்தை, பால்கனியில் இருந்து விழுந்த வேலைக்காரி அல்லது எரிக்கப்பட்ட வேலைக்காரப் பையன். இந்த மூன்றில் எது என்று தெரியவில்லை. எவ்வாறாயினும், இந்தப் தீய சக்திகளில் மிகவும் சுறுசுறுப்பானது, பராமரிப்பாளரின் மகனின் ஆவி .அந்தப் பையன் தனது தாயின் இறந்த உடலுக்கு அருகில் சுருண்ட நிலையில் 40 ஆண்டுகளாக சங்கிலியால் பிணைக்கப்படிருந்ததாக கண்டுபிடிக்கப்பட்டது.
தற்போதைய நிலைமை: வீடு தற்போது உணவு மற்றும் படுக்கை வசதிகள் வழங்கும் ஹோட்டல் ஆக இயங்குகிறது. இரவு உணவைத் தொடர்ந்து அங்கு இடம்பெற்ற பயங்கரமான கடந்த காலத்தைப் பற்றி நீங்கள் அறிந்து கொள்ள ஒரு சுற்றுப்பயணத்தை வழங்குகிறது. தைரியம் உள்ளவர்கள் இந்த பேய் பிடித்த வீட்டிலேயே இரவைக் கழிக்கவும் முடியும்.
ஆவிகளை தம்முள்ளே கொண்ட 10 உலகின் மிகப் பயங்கரமான பொருட்கள்
பங்கர் கோட்டை, ராஜஸ்தான், இந்தியா
தலம் : பங்கர் கோட்டை 17 ஆம் நூற்றாண்டில் கட்டப்பட்ட ஒரு கோட்டை நகரத்தின் இடிபாடுகள், கோட்டை சுவர்கள், பஜார், ஹவேலிஸ், அரச அரண்மனைகள் மற்றும் ஏராளமான கோயில்களையும் நீங்கள் சுற்றி பார்க்க மூன்று பெரிய மாடிகளையும் கொண்டுள்ளது. ஆனால் இந்த இடிபாடுகள் இந்தியாவின் அதிபயங்கரமாக தீய சக்திகளால் பீடிக்கப்பட்ட கோட்டையாக மதிப்பிடப்பட்டிருப்பதால் அதன் அழகைக் கண்டு ஏமாற வேண்டாம்.
பேய்கள்: சிங்கியா என்று அழைக்கப்படும் ஒரு மந்திரவாதியும், அவனது சதியை முறைபடித்த ரத்னாவதி என்ற இளவரசியும் இங்கு பேய்கள். புராணக்கதை என்னவென்றால், இளவரசியை தன்னைக் காதலிக்க வைக்க உதவும் என்று அம் மந்திரவாதி நம்பிய ஒரு மந்திரித்த எண்ணெயை இளவரசி அவன்மீது தூக்கி எறிந்தபோது அது ஒரு கற்பாறையாக மாறி மந்திரவாதியை நசுக்கி விட்டது. ஆனால் அதற்கு முன் அந்த மந்திரவாதி, மறுபிறப்புக்கான எந்த நம்பிக்கையும் உருவாகாத வகையில், அந்த கோட்டையில் இருக்கு மக்கள் இருக்குமாறு அரண்மனையை சபிதத்தார். மற்றொரு கதை ஒரு உள்ளூர் சந்நியாசி கோட்டையை சபித்ததாகக் கூறுகிறது, ஏனெனில் அதன் நிழல் அவரது சொத்தின் மீது விழுந்ததாம். மேலும், கோட்டைக்கு கூரை கட்ட யாராவது முயன்றால், அது இடிந்து விழும் என சபிக்கப்பட்டதாக கூறப்படுகிறது.
தற்போதைய நிலைமை: பங்கர் கோட்டை இப்போது ஒரு தொல்பொருள் இடமாக உள்ளது, இது ‘பேய்களின் வீடு’ என்று அழைக்கப்படுகிறது. தளத்தைச் சுற்றி உங்களுக்குக் காண்பிக்கக்கூடிய ஒரு வழிகாட்டியுடன் செல்லுங்கள். அதன் வினோதமான கடந்த கால விவரங்களை உங்களால் தெரிந்து கொள்ள முடியும். சூரிய அஸ்தமனத்திற்கும் சூரிய உதயத்திற்கும் இடையில் கோட்டை மூடப்பட்டிருப்பதால் பகல் நேரத்தில் பார்வையிட மறக்காதீர்கள், இடிபாடுகளுக்கிடையில் இரவைக் கழிக்கும் எவரையும் மீண்டும் ஒருபோதும் காண முடியாது என்று உள்ளூர்வாசிகள் நம்புகிறார்கள். அந்தத் துறவியின் இடம் கூட இன்னும் காணக்கூடிய இடத்தில்தான் உள்ளது.
மார்டில்ஸ் தோட்டம், அமெரிக்கா
தளம்: நியூ ஆர்லியன்ஸின் வடமேற்கில் உள்ள செயின்ட் பிரான்சிஸ்வில் என்ற சிறிய நகரத்தில் அமைந்துள்ள மார்டில்ஸ் தோட்டத்தின் மாளிகை 125 அடி வராண்டாவால் பாதுகாக்கப்பட்டுள்ளது. வாசலில், கறைபடிந்த கண்ணாடியாலான முன் கதவு ஒரு பெரிய பிரஞ்சு படிக சரவிளக்கைக் காண்பிக்கும் ஒரு பெரிய நடைவெளிக்குள் செல்கிறது.
பேய்கள்: இந்த மாளிகையிலேயே 10 பேர் கொலை செய்யப்பட்ட நிலையில், பல பேய் பற்றிய கதைகள் பதிவாகியுள்ளதில் ஆச்சரியப்படுவதறகு எதுவுமில்லை. அவற்றில் மிகவும் பிரபலமானது சோலி, தனது காதலரால் காது துண்டிக்கப்பட்டது. அவள் பச்சை தலைப்பாகை அணிந்து கொள்கிறாள், பார்வையாளர்கள் படுக்கையில் இருக்கும்போது அவர்களை உற்று நோக்குவது ஒரு புகைப்படத்தில் கூட பிடிபட்டுள்ளது. மிகச் சமீபத்திய புகைப்படம், வீட்டின் ஜன்னல் வழியாக ‘கோஸ்ட் கேர்ள்’ என்று அழைக்கப்படும் மற்றொரு இளம்பெண்ணையும் காட்டுகிறது. படுக்கையில் குதிக்கும் ஒரு குழந்தை, ஒரு சிப்பாய், ஒரு வூடூ பாதிரியார் மற்றும் மார்பில் சுட்டுக் கொல்லப்பட்ட முந்தைய உரிமையாளரின் பேய் ஆகியவை அவை இறந்த இடத்தின் அருகில் (படிக்கட்டுகளில்) கத்தியபடி தடுமாறிக் கொண்டிருப்பதைக் கேட்க முடிகிறதாம்.
தற்போதைய நிலைமை: அமெரிக்காவில் மிகவும் பேய் பிடித்த வீடு என்று அறியப்பட்ட போதிலும், இந்த தோட்டம் இப்போது 12 படுக்கையறைகளை வழங்கும் ஒரு அழகான உணவு மற்றும் படுக்கை ஹோட்டலாகும். பேய்களை உணரக்கூடிய சுற்றுப்பயணங்கள் தல உரிமையாளர்களால் இயக்கப்படுகின்றன. நீங்கள் தினசரி சுற்றுப்பயணங்கள் அல்லது பயங்கரமான மற்றும் மிகவும் பிரபலமான மாலை சுற்றுப்பயணங்கள் ஆகியவற்றில் ஏதேனுமொன்றை தேர்வு செய்யலாம். விரைவில் இத்தலத்தில் ஒரு புதிய உணவகம் பார்வையாளர்களுக்கு புதிய, உள்ளூர் உணவைக் கொண்டு வர உள்ளது.
டிராக்ஷோம் காணி, டென்மார்க்
தலம்: டிராக்ஷோம் காணி, அல்லது டிராக்ஷோல்ம் கோட்டை, முதன்முறையாக 1215 ஆம் ஆண்டில் கட்டப்பட்டது. இது டென்மார்க்கின் மிகப் பழமையான அரண்மனைகளில் ஒன்றாகும். ஐரோப்பா முழுவதிலும் மிகப்பயங்கரமாக பேய் பிடித்த அரண்மனை இது என்று கூறப்படுகிறது. 16 மற்றும் 17 ஆம் நூற்றாண்டுகளில் அதன் பகுதிகள் உன்னதமான அல்லது திருச்சபை தரத்திலான கைதிகளை தங்க வைக்க பயன்படுத்தப்பட்டன. மேலும் 1694 இல் இது பரோக் பாணியில் மீண்டும் கட்டப்பட்டது.
பேய்கள்: கோட்டையில் கைதியாக இறந்த ஸ்காட்ஸின் மேரி ராணியின் கணவர், போத்வெல்லின் கோமான் உட்பட குறைந்தது 100 பேய்கள் இந்த கோட்டைக்குள் இருப்பதாக கருதப்படுகிறது. 1930 ஆம் ஆண்டில் கட்டடக்காரர்களால் சுவரில் பொறிக்கப்பட்டிருந்த நிலையில் எலும்புக்கூடு கண்டுபிடிக்கப்பட்ட ஒரு வெள்ளை பெண்மணியின் ஆவி அரங்குகளில் அலைந்து திரிவதையும் நீங்கள் காணலாம்.
தற்போதைய நிலைமை: அரண்மனை ஆடம்பரமான அறைகள் கொண்ட ஒரு ஆடம்பரமான ஹோட்டலாகவும், உள்நாட்டில் மூலப்பொருட்களை வழங்கும் மிச்செலின் மதிப்பிடப்பட்ட உணவகமாகவும் மாற்றப்பட்டுள்ளது. கட்டிடத்தின் வரலாற்றை விளக்கும் ஹோட்டல், தங்களது சொந்த வழிகாட்டுதல் சுற்றுப்பயணத்தை வழங்குகிறது. ஆனால் உண்மையிலேயே திகிலூட்டும் அனுபவத்திற்காக, இரண்டு இரவுகள் தங்குவதுடன் ஒரு பேய் சுற்றுப்பயணத்தை பதிவு செய்யுங்கள்.
இந்தக் கட்டுரை ஒரு தொடராக வெளியிடப்படவுள்ளது. இதன் அடுத்தடுத்த பாகங்களை வாசிக்க விரும்பினால், எமது பேஸ்புக் பக்கத்தை லைக் செய்வதன் மூலம் தொடர்ச்சியான அப்டேட்களை பெற முடியும்.
