OTT மூலமாக (நெட்ஃபிலிக்ஸ், ஹுலு, டிஸ்னி + மற்றும் அமேசான் பிரைம் வீடியோ) இந்த கொரோனா காலத்தில் எல்லாத் திரைப்படங்களையும் வெளியிடுகிறார்கள். உதாரணமாக தமிழில் பொன்மகள் வந்தாள். பென்குயின் ஆகிய திரைப்படங்களை சொல்லலாம். அது சரி இது என்ன புதிதாக OTT எனப் பார்க்கிறீர்களா ? அதைப் பற்றிய முழு விளக்கக் கட்டுரைதான் இது.
ஓவர்-தி-டாப் (OTT) மீடியா சேவை என்பது இணையம் வழியாக பார்வையாளர்களுக்கு நேரடியாக வழங்கப்படும் ஸ்ட்ரீமிங் மீடியா சேவையாகும். OTT யானது பாரம்பரியமாக திரைப்படம் தொடர்கள் போன்ற உள்ளடக்கங்களின் கட்டுப்பாட்டாளராக அல்லது விநியோகஸ்தராக செயல்பட்டு வரும் கேபிள், ஒளிபரப்பு மற்றும் செயற்கைக்கோள் தொலைக்காட்சி தளங்களை கடந்து நிற்கின்றது. பாவனையாளர் பதிவீடு (carrier)/ பணம் செலுத்தும் செயற்பாடு இல்லாத செல்போன்களை விவரிக்கவும் இது பயன்படுத்தப்பட்டுள்ளது. அங்கு அனைத்து தகவல்தொடர்புகளும் இணைய டேட்டாவாக வசூலிக்கப்படுகின்றதனால் ஏகபோக போட்டியைத் தவிர்ப்பது மட்டுமல்லாது இந்த வழியில் தரவை அனுப்பும் தொலைபேசிகளுக்கான பயன்பாடுகள், மற்ற அழைப்பு முறைகள் ஆகிய இரண்டையும் உள்ளடக்கியது.
திரைப்படம் மற்றும் தொலைக்காட்சி உள்ளடக்கத்திற்கான அணுகலை வழங்கும் சந்தா அடிப்படையிலான வீடியோ-ஆன்-டிமாண்ட் (எஸ்.வி.ஓ.டி) சேவைகளுக்கு இந்த சொல் மிகவும் ஒத்ததாக இருக்கிறது. (பிற தயாரிப்பாளர்களிடமிருந்து பெறப்பட்ட நீள் தொடர் மற்றும் இந்த சேவைக்காக குறிப்பாக தயாரிக்கப்பட்ட அசல் உள்ளடக்கம் என்பன இங்கு குறிப்பிடப்படுகின்றன).
ஒரு பாரம்பரிய செயற்கைக்கோள் அல்லது கேபிள் டிவி வழங்குநரைப் போன்ற நேரியல் சிறப்பு அலைவரிசைகளின் நேரடி ஸ்ட்ரீம்களுக்கான அணுகலை வழங்கும் சாதாரண தொலைக்காட்சி சேவைகளின் அலைகளையும் OTT உள்ளடக்கியுள்ளது. ஆனால் தனியுரிம உபகரணங்களான செட்-டாப் பெட்டிகள் போன்றவற்றை கொண்ட ஒரு மூடிய, தனியார் வலையமைப்பைக் காட்டிலும், பரவாலாக இவை பொது இணையத்தில் ஒளிபரப்புகின்றன.
தனிநபர் கணினிகளில் உள்ள வலைத்தளங்கள் வழியாகவும், மொபைல் சாதனங்களில் (ஸ்மார்ட்போன்கள் மற்றும் டேப்லெட்டுகள் போன்றவை), டிஜிட்டல் மீடியா பிளேயர்கள் (வீடியோ கேம் கன்சோல்கள் உட்பட) அல்லது ஒருங்கிணைந்த ஸ்மார்ட் டிவி தளங்களுடன் கூடிய தொலைக்காட்சிகள் வழியாகவும் இந்த மேலதிக சேவைகள் பொதுவாக அணுகப்படுகின்றன.
OTT உருவாக்கம்
2011 ஆம் ஆண்டில், கனடாவின் தொலைதொடர்பு கட்டுப்பாட்டாளரான கனேடிய வானொலி-தொலைக்காட்சி மற்றும் தொலைத்தொடர்பு ஆணையம் (சிஆர்டிசி), “ஒரு வசதி அல்லது வலையமைப்பிலிருந்து சுயாதீனமாக நிரலாக்கத்திற்கான இணைய அணுகல் (எடுத்துக்காட்டாக, கேபிள் அல்லது செயற்கைக்கோள் வழியாக) ‘ஓவர்-தி-டாப்’ சேவைகள் “என்று அழைக்கப்படும் என வரையறை செய்தது.
சேனல்களை உடனடியாக மாற்றக்கூடிய இறுக்கமாக நிர்வகிக்கப்படும் வலையமைப்புகள் கொண்ட கேபிள் மற்றும் ஐபிடிவி வழங்கும் வீடியோ ஆன் டிமாண்ட், வீடியோ-டெலிவரி அமைப்புகளுக்கு மாறாக, ஐடியூன்ஸ் போன்ற சில OTT சேவைகளில் வீடியோவை முதலில் பதிவிறக்கம் செய்து பின்னர் இயக்க வேண்டும். நெட்ஃபிலிக்ஸ், ஹுலு, டிஸ்னி + மற்றும் அமேசான் பிரைம் வீடியோ போன்ற OTT செயற்படுத்திகள், பதிவிறக்கம் முடிவடைவதற்கு முன்பு காட்சிப்படுத்த தொடங்கும் (ஸ்ட்ரீமிங்) திரைப்பட பதிவிறக்கங்களை வழங்குகின்றன.
வித்தியாசங்கள்
FCC (Federal Communications Commission) ஆனது OTT சேவைகளை இரண்டு குழுக்களாக வகைப்படுத்துகிறது: பல் அலைவரிசை காணொளி நிரலாக்க விநியோகஸ்தர்கள் (MVPD கள்); மற்றும் ஆன்லைன் காணொளி விநியோகஸ்தர்கள் (OVD கள்).
மெய்நிகர் MVPDகளில் AT&T டிவி, ஃபுபோடிவி, ஸ்லிங் டிவி, லைவ் டிவியுடன் ஹுலு மற்றும் யூடியூப் டிவி போன்ற மாறுபட்ட சேவைகள் அடங்கும்.
ஒரு OVD இனை FCC பின்வருமாறு வரையறுக்கிறது:
இணையம் அல்லது பிற இணைய நெறிமுறை (ஐபி) அடிப்படையிலான , ஓ.வி.டி தவிர வேறு ஒருவரால் வழங்கப்படும் பரிமாற்ற ஒலிபரப்பு பாதை மூலம் காணொளி நிரலாக்கத்தை வழங்கும் எந்தவொரு நிறுவனமும் OVD ஆகும். ஒரு OVD அதன் MVPD தடத்தின் உள்ளே ஒரு MVPD அல்லது ஒரு MVPD ஐ உள்ளடக்கியிராது, இது MVPD சந்தாவின் ஒரு அங்கமாக ஆன்லைன் வீடியோ நிரலாக்கத்தை அதன் MVPD தடத்தின் உள்ளே இருக்கும் வாடிக்கையாளர்களுக்கு வழங்குகிறது.
பின்னணி
ஒளிபரப்பில், உள்ளடக்கத்தின் கட்டுப்பாடு அல்லது விநியோகத்தில் பல் கணினி செயற்பாட்டாளர் (எம்.எஸ்.ஓ) ஈடுபாடு இல்லாமல், இணையத்தில் வழங்கப்படும் ஒலி, காணொளி மற்றும் பிற ஊடக உள்ளடக்கம் ஓவர்-தி-டாப் (OTT) உள்ளடக்கமாகும். இணைய வழங்குநர், இணைய நெறிமுறை (ஐபி) பைகளின் உள்ளடக்கங்களைப் பற்றி அறிந்திருக்கலாம், ஆனால் பார்க்கக் கூடிய விடயங்கள், பதிப்புரிமை மற்றும் உள்ளடக்கத்தின் மறுபகிர்வுக்கு பொறுப்பு அவர் அல்ல என்பதோடு அவரால் கட்டுப்படுத்த முடியாது. இந்த மாதிரியானது இணைய சேவை வழங்குநரிடமிருந்து (ஐஎஸ்பி) காணொளி அல்லது ஒலி உள்ளடக்கத்தை வாங்குவது அல்லது வாடகைக்கு எடுப்பது என்பவற்றைக் குறிக்கிறது. அதாவது கட்டண தொலைக்காட்சி, தேவைக்கேற்ப பயன்படுத்துக்கூடிய காணொளி மற்றும் இணைய நெறிமுறை தொலைக்காட்சி (ஐபிடிவி) ஆகியவற்றிலிருந்து வேறுபடுகிறது. இது மூன்றாம் தரப்பினரிடமிருந்து இறுதி பயனருக்கு வழங்கப்படும் உள்ளடக்கத்தைக் குறிக்கிறது, ISP வெறுமனே ஐபி பொதிகளை கொண்டு செல்கிறது.
OTT தொலைக்காட்சி
பொதுவாக ஆன்லைன் தொலைக்காட்சி அல்லது இணைய தொலைக்காட்சி அல்லது ஸ்ட்ரீமிங் தொலைக்காட்சி என்று அழைக்கப்படுகிறது. இது மிகவும் பிரபலமான ஒடீடீ உள்ளடக்கமாக உள்ளது. இந்த வகை சமிக்ஞைகள், ஒரு நிலப்பரப்பு ஒளிபரப்பு அல்லது செயற்கைக்கோளிலிருந்து தொலைக்காட்சி சமிக்ஞையைப் பெறுவதற்கு மாறாக இணையம் அல்லது செல்லிடதொலைபேசி வலையமைப்பு மூலம் பெறப்படுகிறது. ஒரு தொலைபேசி அல்லது கணினி அல்லது ஸ்மார்ட் தொலைக்காட்சி தொகுப்புடன் இணைக்கப்பட்ட ஒரு பயன்பாடு அல்லது தனி ஒடீடீ டொங்கில் அல்லது பெட்டி மூலம் காணொளி விநியோகஸ்தரால் அணுகல் கட்டுப்படுத்தப்படுகிறது. 2017 ஆம் ஆண்டின் நடுப்பகுதியில், 58 சதவீத அமெரிக்க குடும்பங்கள் ஒரு குறிப்பிட்ட மாதத்தில் ஏதேனுமொரு தளத்தை அணுகியதோடு ஒடீடீ அலைவரிசை விளம்பர வருவாய் வலை உலாவி செருகுநிரல்களிலிருந்து வந்ததை விட அதிகமாக இருக்கும்.
image source
OTT உரை செய்தி (மெசேஜ்)
செல்லிடத்தொலைபேசி வலையமைப்பு இயக்குனர் வழங்கும் உரை செய்தி சேவைகளுக்கு மாற்றாக, OTT உடனடி செய்தி சேவைகள் அல்லது மூன்றாம் தரப்பினரால் வழங்கப்பட்ட ஆன்லைன் அரட்டை என வரையறுக்கப்படுகிறது. இணையத்துடன் இணைக்கப்பட்ட ஸ்மார்ட்போன்களில் உரைச் செய்தியை மாற்றுவதற்கு உதவும் பேஸ்புக்கிற்கு சொந்தமான செல்லிடத்தொலைபேசி பயன்பாடான வாட்ஸ்அப் ஒரு எடுத்துக்காட்டு. ஒடீடீசெய்தியிடலின் பிற வழங்குநர்கள் Viber, WeChat, FaceTime, Skype, Telegram மற்றும் இப்போது செயல்படாத Google Allo ஆகியவை அடங்கும்.
OTT குரல் அழைப்பு
உதாரணமாக, ஸ்கைப், வீ ச்சாட், வைபர் மற்றும் வாட்ஸ்அப் என்பன செல்லிடத்தொலைபேசி இயக்குனர்கள் வழங்கும் ஏற்கனவே உள்ள இயக்குமுறை கட்டுப்பாட்டு சேவைகளை மாற்றுவதற்கும் மேம்படுத்துவதற்கும் திறந்த இணைய தொடர்பு நெறிமுறைகளைப் பயன்படுத்துகிறது.
அணுகல் முறைகள்
தொலைபேசிகள் (ஆண்ட்ராய்டு, iOS மற்றும் விண்டோஸ் வகை மொபைல் சாதனங்கள் உட்பட), ஸ்மார்ட் டிவிக்கள் (கூகிள் டிவி மற்றும் எல்ஜி எலெக்ட்ரானிக்ஸ் சேனல் பிளஸ் போன்றவை), செட்-டாப் பெட்டிகள், இணையம் இணைக்கப்பட்ட சாதனங்கள் மூலம் நுகர்வோர் OTT உள்ளடக்கத்தை அணுகலாம். ஆப்பிள் டிவி, என்விடியா ஷீல்ட், ஃபயர் டிவி மற்றும் ரோகு போன்றவை அவ்வாறானவை. கேமிங் கன்சோல்கள் (பிளேஸ்டேஷன் 4, வீ யு மற்றும் எக்ஸ்பாக்ஸ் ஒன் போன்றவை), மடிக்கணினி மற்றும் மேசைக்கணினி மற்றும் டேப்லட் கணினிகள். 2019 ஆம் ஆண்டு நிலவரப்படி, மொத்த OTT உள்ளடக்க ஸ்ட்ரீமிங் பார்வையாளர்களில் 45% க்கும் அதிகமானவர்கள் Android மற்றும் iOS பயனர்கள், 39% பயனர்கள் ஒடீடீ உள்ளடக்கத்தை அணுக இணையத்தைப் பயன்படுத்துகின்றனர்.
இந்த விளக்கக் கட்டுரை மூலம் நீங்கள் அறிந்து கொண்ட தகவல்களை நண்பர்களுக்கும் பரப்புங்கள்.
இது போன்ற மேலதிக தரவுகளுக்கு திரைப்படங்கள் பகுதியைப் பார்வையிடுங்கள்.
