ஒவ்வொரு நாட்டு அரசாங்கமும் நம்மை சுத்தமாகவும் தனித்தும் இருக்குமாறு அறிவுறுத்தியதன் பின்னர் பல சுகாதார அறிவுரைகளுடன் நம் அனைவரையும் வெளிவர அனுமதித்து இருக்கிறது. இந்தக் காலத்தில் தமது மற்றும் பிறரது நலனுக்காக முகமூடி அணியுமாறு கேட்டுக் கொள்ளப்பட்டுள்ளது. வெளியே செல்லும்போது முகமூடி அணிவது என்பது உங்களுக்கு நோய் ஏற்படாமலும் பிறருக்கு உங்களிடமிருந்து பரவாமலும் இருக்க உதவி செய்யும்.
இருப்பினும், இந்த நாட்களில், நாம் ஒரு நடைக்குச் செல்லும்போது அல்லது ஓடி விட்டு வரும்போது , நாம் பார்க்கும் குறைந்தது பாதி பேர் முகமூடிகளை அணியவில்லை – அல்லது கழுத்தில் முகமூடிகளை அணிந்துகொள்கிறார்கள் என்பதைப் பார்க்கக் கூடியதாக் உள்ளது. அதிலும் அந்த துணி அல்லது காகித துண்டுகள் கடமைக்காக எடுத்துக்கொள்ளப்பட்ட பொருட்களாக உள்ளனவே தவிர சரியான நோக்கத்தை பின்பற்றுபவையாக இல்லை.
இவ்வாறன ஒன்றை நோக்கும்போது சுகாதாரத்தில் அக்கறை கொண்ட ஒருவராக அல்லது நாட்டின் பிரஜையாக அல்லது தனிநபராக அல்லது சமூக உறுப்பினராக உங்களுக்கு கோபம் எழலாம் அல்லது நீங்கள் எதிர்ப்பு நடவடிக்கைகளில் ஈடுபடலாம். ஆனால் அது முற்று முழுதாக வரவேற்கத்தக்கதல்ல.
முகமூடிகள் அணிய வசதியானவை அல்லது குறிப்பாக நிம்மதியானவை அல்ல என்பது ஒப்புக்கொள்ளத்தக்கது. கோடை நாட்களில் அவை சூடாக இருக்கும்; சரியாக பொருத்தப்படாவிட்டால் அவை சங்கடமாக இருக்கும்; அவை உங்கள் கண்ணாடிகளை பனியால் மூடி விடும்; அவை சாப்பிடுவது, குடிப்பது மற்றும் பேசுவது (குறிப்பாக தொலைபேசியில்) உங்கள் குரலைக் குழப்பி, உங்கள் நிம்மதியைக் குலைக்க முடியும்.
மக்கள் முகமூடி அணிவதைத் தவிர்க்க வேறு காரணங்கள் உள்ளன. முக மறைப்பை தவிர்ப்பவர்களும், சுவாசக் கஷ்டங்கள் மற்றும் பிற சரியான காரணங்கள் உள்ளவர்களும் உள்ளனர். இதில் அரசியல் அம்சம் உள்ளது – ஒரு முகமூடியை அணிந்துகொள்வது, அல்லது ஒன்றை அணியாமல் இருப்பது, நீங்கள் அரசுக்கு ஆதரவளிக்கிறீர்களா ? இல்லையா ? என்றது போன்ற ஒரு அரசியல் அறிக்கையாகிவிட்டது. மருத்துவ நிபுணர்களிடமிருந்தும் அரசியல் தலைவர்களிடமிருந்தும் நாம் பெறும் கலப்பு சமிக்ஞைகள் குறித்து குழப்பம் நிலவுகிறது. சிலர் துணிச்சல் என்ற பெயரில்: ‘நான் என்ன அணிய வேண்டும் என்று யாரும் என்னிடம் சொல்லப் போவதில்லை!’ என்பர்.மேலும் சிலர்] மனச் சோர்வு அடைகின்றனர். பல மாதங்களாக ஒரு தொற்றுநோயைக் கையாண்ட பின்னர், கைகளை விரித்து கத்தி சுதந்திரமாய் திரிய ஆசை வரலாம்.
ஆனால் மக்கள் முகமூடி அணிய வேண்டும் என்று நீங்கள் நினைத்தால் என்ன செய்வது? சாத்தியமான ஆபத்தை குறிப்பிடாமல் நீங்கள் கோபத்தை எவ்வாறு எதிர்கொள்கிறீர்கள் ? நீங்கள் அவர்களை எதிர்கொள்ள வேண்டுமா?
முகமூடி அணியாதவர்களை அவமானப்படுத்தல் பயனளிக்காது
ஹார்வர்ட் மருத்துவப் பள்ளியின் தொற்றுநோயியல் நிபுணரும் பேராசிரியருமான ஜூலியா மார்கஸ், தி அட்லாண்டிக் பத்திரிகையில் தனது கட்டுரையில் கூறுகையில், முகக்கவசம் அணியாததற்காக மக்களை அவமானப்படுத்துவது எதிர் விளைவை உருவாக்கும். 1980 களின் எய்ட்ஸ் நெருக்கடியின் போது ஆணுறைகளை விநியோகித்த அமைப்புகளின் முன்மாதிரியைப் பின்பற்றவும் உக்கக்கூடிய முகமூடிகளை அவை மிகவும் தேவைப்படும் இடங்களில் எளிதாகக் கிடைக்கச் செய்யவும் என அவர் பரிந்துரைக்கிறார் – உதாரணமாக கடைகள் அல்லது விமான நிலையங்களின் முன்புறத்தில் வழங்கலாம். முக மூடிகள் நன்கு பொருந்துகின்றன என்பதை நாங்கள் உறுதிசெய்தால், அது அவர்களுக்கு நன்றாக இருக்கும் என்று அவர் பரிந்துரைக்கிறார். (வேறு வார்த்தைகளில் கூறுவதானால், மக்கள் அவற்றை அணிய விரும்புவார்கள்.)
எஸ்.எஃப். குரோனிக்கலில், எழுத்தாளர் டோனி பிராவோ, கடை மற்றும் பிற பொது இடங்களில் முக கவசம் அணியாதவர்களை எவ்வாறு எதிர்கொள்வது – அல்லது மாற்றுவது எப்படி என்பது பற்றி ஆசார/ ஒழுங்குமுறை நிபுணர்களுடன் பேசுகிறார். மோதல் (ஆபத்தானதே தவிர) வேலை செய்யாது என்று இந்த மரியாதைக்குரிய அறிவாளிகளிடையே பொதுவாக ஒப்புக்கொள்ளப்படுகிறது. புகழ்பெற்ற ஆசார/ஒழுங்குமுறை நிபுணர் எமிலி போஸ்டின் பேத்தி, லிசி போஸ்டை பிராவோ மேற்கோள் காட்டி, வெறுமனே உதாரணத்தால் வழிநடத்துவதே சிறந்தது என்று கூறினார். “எங்கள் மூளை, விதிகளை பின்பற்றாதவர்களை தண்டிக்க அல்லது அவமானப்படுத்த விரும்புகிறது. அது ஒருபோதும் உங்கள் பக்கத்திலுள்ளவர்களைப் திருந்தச் செய்யாது. நீங்கள் செய்யக்கூடிய விஷயம், உங்களை கட்டுப்படுத்திக் கொள்ளுங்கள், உங்களைப் பாதுகாக்க உங்களால் முடிந்த அனைத்தையும் செய்யுங்கள். ”
அவர்கள் ஏன் முக கவசம் வேண்டாம் எனச் சொல்கிறார்கள் என்பதற்கு,அமெரிக்க வடகிழக்கு பல்கலைக்கழகத்தில் சுகாதாரச் சட்டத்தில் நிபுணத்துவம் பெற்ற பேராசிரியர் அஜீசா அகமது காரணங்கள் சில சுட்டிக்காட்டுகிறார். முகமூடி அணியாததற்கு நியாயமான சுகாதார காரணங்கள் உள்ளவர்கள் உள்ளனர். சில நேரங்களில் அவர்கள் ஆறுதலுக்காக மிக நெருக்கமாகிவிட்டால் பின்வாங்குமாறு கேட்பது நல்லது.
கவனிப்பின் அவசியம் உள்ளவர்களை கண்டறிய இது உதவக்கூடும். நிரம்பி வழியும் மருத்துவமனைகள் மற்றும் பெருகிவரும் இறப்பு புள்ளிவிவரங்களைப் பற்றி பல மாதங்கள் படித்தல் தற்போதைய நோய்க் கட்டுப்பாட்டு மையங்களைப் பின்பற்றுவது கிட்டத்தட்ட யாரையும் பயமுறுத்தும் என்பது போலவே இருக்கிறது. ஆனாலும் நாம் ஒவ்வொருவரும் தனிப்பட நமது சுகாதாரம் தொடர்பாக கவனம் கொள்வது என்பது அத்தியாவசியமாகிறது.
நீங்கள் முகக்கவசத்தை அணிந்து கொள்ளுங்கள். உங்கள் கடைக்கு வரும் வாடிக்கையாளர் ஆயின் உக்கத்தக்க உடனடிப் பாவனைக்குரிய முகமூடிகளை வழங்கலாம். இவற்றைத் தவிர அவர்களோடு வாய் தர்க்கத்தில் ஈடுபடுவது வரவேற்கத் தக்கதல்ல.
மேலும் பல சுகாதார தகவல்கள் மற்றும் அறிவுரைகளை பெற்றுக் கொள்ள எமது கோவிட்-19 பக்கத்தைப் பாருங்கள்.
