இந்த Call of Duty போட்டி நீங்கள் தவற விரும்பாத ஒன்று.
Activision நிறுவனம் எங்களுடைய தொலைக்காட்சிகளில் இருந்து கைப்பேசிகளுக்குள் இடம்பிடிக்கும் துணிகர முடிவினை எடுத்தபோது, 100 மில்லியன் பேர் முதல் வாரத்திலேயே இந்த கேமினை தரவிறக்கம் செய்வார்கள் என்று எதிர்பார்த்திருக்க வாய்ப்பில்லை தான். தொடர்ந்தும் ஓயாமல் சுவாரசியப்படுத்தும் Activision நிறுவனம் Call of Duty: Mobile சர்வதேச போட்டித் தொடர் 2020 தொடர்பாக அறிவித்துள்ளதோடு பரிசுத்தொகையாக ஒரு மில்லியன் அமெரிக்க டொலர்களையும் பல்வேறு பரிசில்களையும் கொடுக்கவுள்ளதாக இன்ப அதிர்ச்சி கொடுத்துள்ளது.
களமிறங்குவதில் நீங்கள் சுவாரசியமாக இருக்கிறீர்கள் என்றால், கடந்த ஏப்ரல் 30 தொடக்கம் மே மாதம் 25 வரை தகுதிகாண் சுற்றுகள் நடைபெறுகின்றன. தகுதி சுற்றுகள் முடிந்த பிறகு அதிகாரபூர்வ போட்டிகள் ஆரம்பமாகும். போட்டித்தொடர் தொடர்பான உள் வேலைகள் தொடர்பான தகவல்களில் பற்றாக்குறை உள்ளதெனினும் தகுதி பெறுவது தொடர்பாக இந்த https://www.callofduty.com/mobile/esports இல் தகவல்களை பெற்று கொள்ளளலாம். இவர்களின் எதிரிகளான இலத்திரனியல் விளையாட்டுக்களான PUBG மற்றும் Clash Royale என்பனவும் இந்த சர்வதேச முடங்கல் காலத்தில் புகழ்பெறத்தான் செய்கின்றன.
ACTIVISION நிறுவனமானது, இவற்றை விஞ்சுவதற்காக இலவச விளையாட்டு, குறுக்குத்தள விளையாட்டு, போர்க்களம் என தங்கள் புதிய தந்திரங்கள் மூலமாக சாதனைகளை அடுக்கிகொண்டே போகிறார்கள். Activision உடைய இந்த முடிவினால் நாம் வீட்டிலிருந்து நம்முடைய கைப்பேசியை தொடர்ந்து பற்றியிருக்க மில்லியன் கணக்கான காரணங்கள் (டொலர்கள்) உள்ளன.
image source:https://wallpaperaccess.com/call-of-duty-mobile
