நமீதா மாரிமுத்து தவிர்க்க முடியாத காரணங்களால் போட்டியிலிருந்து வெளியேறியுள்ளார் என்கிற பிக் பாஸ் அறிவிப்புடன் சனிக்கிழமை நிகழ்ச்சி தொடங்கியது.
நமீதா திடீர் வெளியேற்றத்துக்கான காரணம் உடல் நலன் பாதிப்பா? அல்லது வேறு ஏதாவது காரணமா? இன்னும் சில காலங்களில் தெரியவரும்.
நேற்று உலக மனநல தினம் என்பதால் அதனுடன் தொடர்புடைய புத்தகத்தைப் பரிந்துரைத்தார் கமல்ஹாசன்.
அகம் டிவி வழியாக உள்ளே கமல்ஹாசன் இன்று எலிமினேஷன் கிடையாது. வீட்டுப் பணிகளைச் செய்யும் அணிகள், தங்களின் வேலைகளை ஒழுங்காக செய்கிறார்களா என்கிற கேள்வியோடு தொடங்கியது.
சாப்பாடு எல்லாம் நேரத்துக்கு கிடைக்குது சின்னப்பொண்ணு சமையலில் நாங்கள் சந்தோஷமாக இருக்கிறோம் என்று அனைவரும் சொன்னார்கள்.
கழிப்பறை சுத்தம் செய்யும் அணியின் தலைவரான ராஜூ, இவன் என் டீம்தான். ஆனா பாத்ரூம் பக்கம் இவனைப் பார்த்ததேயில்ல என்று அபிஷேக்கை கமல்ஹாசனிடம் போட்டுக் கொடுத்தார்.
பாத்திரம் விளக்கும் அணிக்கு நமீதா தலைவராக இருந்தார். இப்போது தலைவர் இல்லை என்றாலும் அணி சிறப்பாக செயல்படுகிறதாம்.
நாட்டில் எந்தப் பிரச்னையும் இல்லையா நாமினேஷன் ஆரம்பித்த பிறகு உங்க லட்சணம் தெரியும். அதுவரை எல்லோரும் நல்லவரே. இந்த ஒற்றுமை நீடிக்கட்டும். ஆனா அது பார்வையாளர்களுக்கு பிடிக்காதே என்று கிண்டலடித்துக் கொண்டே போனார் கமல்ஹாசன்.
சர்வதேச விமர்சகர் அபிஷேக்கை அழைத்து மற்ற போட்டியாளர்கள் பற்றி சொல்ல சொன்னார் கமல்ஹாசன். எல்லோரையும் பற்றி சொல்லிக் கொண்டு வந்த அபிஷேக், பிரியங்கா பற்றி பேச ஆரம்பிக்கும் போது தனது அக்காவின் நினைவு வந்து அழ தொடங்கி விட்டார் அபிஷேக்.
ஒவ்வொரு போட்டியாளரும் தனக்குப் பிடித்த / பிடிக்காத போட்டியாளரைப் பற்றி பொதுவில் அறிவிக்க வேண்டும். என்று சொன்னார் கமல்ஹாசன்.
இதில் அதிக டிஸ்லைக் பெற்று முன்னணியில் இருந்தவர் அக்ஷரா.
இந்த வீட்டிற்கு வந்த பிறகு நான் ரொம்ப சந்தோஷமா இருக்கேன் என்று தாமரை சொன்னார்.
ஒவ்வொருவரின் புகார்களையும் பொறுமையாகக் கேட்டுக் கொண்டிருந்தார் கமல்ஹாசன்.
அடுத்ததாக இமானை அழைத்த கமல்ஹாசன் இந்த வீட்டில் ஹீரோ, வில்லன் யார் யாரு சொல்லுங்க என்று கேட்க ஒவ்வொருவரையும் பற்றி சொல்ல ஆரம்பித்தார் இமான்.
வில்லன் யாரும் கிடையாது சார் என்று தன் உரையை முடித்துக் கொண்ட இமானிடம் அவசரப்படாதீங்க. அடுத்த வாரம் நாமினேஷன் இருக்கு. அப்ப வில்லன் கதையெல்லாம் வெளியே வந்துடும். என்று சொல்லி விடைபெற்றார் கமல்ஹாசன்.
தாமரைக்கு பிக்பாஸ் குறித்து பாடம் சொல்லி கொடுத்தார் பிரியங்கா. நான் கூட உங்களுக்கு எதிரா நாமினேஷன் பண்ணலாம். இதுதான் பிக்பாஸ் வாழ்க்கை என்று பிரியங்கா சொன்னார்.
இன்று நாமினேஷன் இடம்பெறும் என்ன நடக்கும்? பொறுத்திருந்து பார்ப்போம் துபுஜிக்கு துபுஜிக்கு BiggBoss
