விஜய் டிவியில் விறுவிறுப்பாக போய்க்கொண்டிருக்கும் தமிழ் பிக் பாஸ் சீசன் 5 இல் முதல் எவிக்க்ஷன் நிகழ்ந்துள்ளது. அக்டோபர் 03 ஆம் திகதி நிகழ்ச்சி ஒளிபரப்பாக தொடங்கிய நிலையில் எலிமினேஷன் புரோசெஸ் தொடங்குவதற்கு முன்பாகவே சில தினங்களுக்கு முன் நிகழ்ச்சியில் இருந்து திடீர் என்று வெளியேறினார் திருநங்கை நமீதா மாரிமுத்து.
தவிர்க்க முடியாத காரணங்களால் நமீதா வெளியேறியது என்று சொன்னது விஜய் டிவி.
உண்மையான காரணம் நமீதாவுக்கும் பிக் பாஸுக்கும் மட்டுமே தெரியும்.
கமல் வருவதற்கு முன்பே வீட்டில் வழக்கம்போல் எல்லோரும் பேசிக் கொண்டிருந்தார்கள். என்னை ஒதுக்கி வைக்கிறார்கள் என்று இசைவாணி சொல்கிறார். நேற்று என்னிடம் நன்றாக பேசினாள் என்று அபிஷேக்கிடம் சொல்லிக் கொண்டிருந்தார் பிரியங்கா.
அகம் டிவி வழியாக உள்ளே வந்தார் கமல்ஹாசன் இந்த சீசனுக்கு ஆரம்பத்திலிருந்தே மக்கள் ஆதரவு பெருகிக் கொண்டிருக்கிறது என்று சொன்னதும் போட்டியாளர்கள் ஓ என்று சத்தம் போட்டார்கள்.
இந்த நிலையில் கமல்ஹாசன் சின்னப்பொண்ணு தாமரை செல்வி இடையே எழுந்த நாடகக்கலை உயர்ந்ததா? நாட்டுப்புறப்பாடல் உயர்ந்ததா? தகராறு உள்ளிட்ட பல பஞ்சாயத்துக்களை இந் நிகழ்ச்சியில் மறுபரிசீலனை செய்து வைத்தார் கமல்ஹாசன்.
யார் இதுவரை பிக்பாஸ் நிகழ்ச்சி பார்த்ததில்லை என்று கமல்ஹாசன் கேட்டார் நான் பார்த்ததே இல்லை சார் என்று தாமரை சொன்னது சரி. சில நேரங்களில் பார்த்திருக்கேன் என்று இமான் சொன்னதைக் கூட நம்பலாம் நான் பார்த்ததே இல்லை என்று அபிஷேக் சொன்னதை மட்டும் நம்பவே முடியவில்லை. பிக் பாஸ் குறித்து அவர் எப்பவோ நக்கலாக ஒரு மேடையில் செய்த விமர்சன வீடியோ இன்று இணையத்தில் வைரலாக இருக்கிறது.
எலிமினேஷன் லிஸ்ட்டில் அபிஷேக் மற்றும் நாடியாதான் மிகுதியாக இருந்தார்கள். பின் நாடியா என்கிற பெயர் காட்டப்பட்டதும் எதிர்பார்த்ததுதான் என்கிற புன்னகையுடன் அந்த முடிவை ஏற்றுக் கொண்டார்.
எல்லோரும் இணைந்து நாடியாவை வழியனுப்பி வைத்தார்கள்.
மற்ற போட்டியாளர்களோடு ஒப்பிடும் போது நீங்கள்தான் புகழை நோக்கி முதலாவதாகச் செல்கிறீர்கள் என்று வழியனுப்பினார் கமல்ஹாசன் .
இன்று திங்கட்கிழமையில் இருந்து பிக்பாஸ் வீட்டின் பிரச்சனைகள் இன்னமும் அதிகமாகி விடும். இன்று நாமினேஷன் நாள். பொறுத்திருந்து பார்ப்போம் என்ன நடக்கிறதென்று துபுஜிக்கு துபுஜிக்கு BiggBoss
பிக் பாஸ் முதல் வாரம் நமீதா போட்டியிலிருந்து வெளியேறியுள்ளார்
