மனிதர்கள் ஒரு தனித்துவமான இனம். நாம் பூமியில் ஒப்பீட்டளவில் குறுகிய காலத்திற்கு வந்திருந்தாலும் (பூமி 4.5 பில்லியன் ஆண்டுகள் பழமையானது), நவீன ஹோமோ சேபியன்கள் சில அற்புதமான, சில நேரங்களில் தொலைதூர நோக்குடைய விஷயங்களை கனவு கண்டிருக்கிறார்கள் மற்றும் உருவாக்கியுள்ளனர். முதல் கூர்மையான முனைகள் கொண்ட கருவியை உருவாக்க யாரோ ஒருவர் தரையில் ஒரு பாறையைத் துளைத்த தருணத்திலிருந்து, சக்கரம் அறிமுகமானது , செவ்வாய் ரோவர்கள் மற்றும் இணையத்தின் வளர்ச்சி வரை, பல முக்கிய முன்னேற்றங்கள் குறிப்பாக புரட்சிகரமாக நிற்கின்றன. எல்லா காலத்திலும் மிக முக்கியமான கண்டுபிடிப்புக்களில் என்றென்றும் நிலைத்து நிற்கும் சக்கரம் கண்டுபிடிக்கப்பட்ட வரலாறு இதோ. .
கி.மு 500 ல் சக்கரம் கண்டுபிடிக்கப்படுவதற்கு முன்பு, மனிதர்கள் நிலத்தின் மீது எவ்வளவு பொருட்களை கொண்டு செல்ல முடியும், எவ்வளவு தூரம் செல்லலாம் என்பதில் கடுமையாக மட்டுப்படுத்தப்பட்டிருந்தனர். “சக்கரத்தை கண்டுபிடிப்பதில்” வட்ட வடிவப் பொருள் என்பது மிகவும் கடினமான பகுதியாக இருக்கவில்லை. நகரும் தளத்தை அந்த உருளும் சிலிண்டருடன் இணைக்க வேண்டிய கட்டாயம் வந்தபோது, விஷயங்கள் சிக்கலானது என்று ஹார்ட்விக் கல்லூரியின் மானுடவியல் பேராசிரியர் டேவிட் அந்தோணி கூறுகிறார்.
“புத்திசாலித்தனத்தின் திடீர் உறைப்பே சக்கர மற்றும் அச்சு எனும் கருதுகோளாகியது” என்று அந்தோணி முன்பு லைவ் சயின்ஸிடம் கூறினார். “ஆனால் அதை உருவாக்குவதும் கடினமாக இருந்தது.” உதாரணமாக, சக்கரங்களின் மையத்திலும், நிலையான அச்சுகளின் முனைகளிலும் உள்ள துளைகள் கிட்டத்தட்ட சரியாக வட்டமாகவும் மென்மையாகவும் இருக்க வேண்டும், என்றார். அச்சின் அளவும் ஒரு முக்கியமான காரணியாக இருந்தது, துளைக்குள் அது சரியாக பொருந்த வேண்டும் இருந்தது (மிகவும் இறுக்கமாகவோ மிகவும் தளர்வாகவோ இல்லை).
கடின உழைப்பு பலனளித்தது. சக்கர வண்டிகள் வேளாண்மை மற்றும் வர்த்தகத்திற்கு சந்தைகளுக்கு மற்றும் பொருட்களை கொண்டு செல்வதற்கும், அதிக தூரம் பயணிக்கும் மக்களின் சுமைகளை எளிதாக்குவதற்கும் உதவியது. இப்போது, சக்கரங்கள் நம் வாழ்க்கை முறைக்கு இன்றியமையாதவை, கடிகாரங்கள் முதல் வாகனங்கள் மற்றும் விசையாழிகள் வரை அனைத்திலும் காணப்படுகின்றன.
சக்கரம் கண்டுபிடிக்கப்பட ஏன் நீண்ட காலம் சென்றது.
சக்கரங்கள் ஒரு பழமையான, குகைமனிதன்-நிலை தொழில்நுட்பத்தின் முக்கிய வடிவமாகும். ஆனால் உண்மையில், அவை மிகவும் தனித்துவமானவை, அது கி.மு. 3500ல் யாராவது அவற்றைக் கண்டுபிடிப்பதற்கான வாய்ப்பு அமையவில்லை. அது வெண்கல யுகம் – மனிதர்கள் ஏற்கனவே உலோகக் கலவைகளை வார்ப்பது, கால்வாய்கள் மற்றும் படகுகளை கட்டுவது, வீணை போன்ற சிக்கலான இசைக் கருவிகளை வடிவமைத்தல் என்பவற்றில் ஈடுபட்டிருந்தனர்.
சக்கரத்தைப் பற்றிய தந்திரமான விஷயம், ஒரு உருளை அதன் விளிம்பில் உருண்டு வருவதைக் கருத்தில் கொள்ளவில்லை. அந்த உருளையுடன், நிலையான தளத்தை எவ்வாறு இணைப்பது என்பதைக் கண்டுபிடிப்பதிலேயே அமைந்திருந்தது..
அந்தோனி விளக்கும்போது, சுழலும் சக்கரங்களுடன் ஒரு நிலையான அச்சை உருவாக்க, , சக்கரங்களின் மையத்தில் உள்ள துளைகளைப் போலவே, அச்சுகளின் முனைகளும் கிட்டத்தட்ட மென்மையாகவும் வட்டமாகவும் இருக்க வேண்டும்; இல்லையெனில், சக்கரங்கள் திரும்புவதற்கு இந்த கூறுகளுக்கு இடையே அதிக உராய்வு இருக்கும். மேலும், சக்கரங்களின் துளைகளுக்குள் அச்சுகள் துல்லியமாக பொருத்தப்பட வேண்டியிருந்தது, ஆனால் மிகவும் மெதுவாக இல்லை – அவை சுழற்றுவதற்கு சுதந்திரமாக இருக்க வேண்டும்.
முழு கட்டமைப்பின் வெற்றி அச்சின் அளவில் மிகவும் உணர்திறன் உடையதாக தங்கியிருந்தது. ஒரு தடிமனான அச்சு அதிக உராய்வை உருவாக்கும், அதே நேரத்தில் குறுகலானது உராய்வைக் குறைக்கும், ஆனால் ஒரு சுமையை ஆதரிக்க மிகவும் பலவீனமாக இருக்கும். “ஆரம்பகால பாரவண்டிகளை மிகவும் குறுகியதாக மாற்றுவதன் மூலம் அவர்கள் இந்த சிக்கலைத் தீர்த்தனர், எனவே அவை குறுகிய அச்சுகளைக் கொண்டிருக்கக்கூடும், இதனால் மிகவும் அடர்த்தியாக இல்லாத ஒரு அச்சு இருப்பதை சாத்தியமாக்கியது” என்று அந்தோணி லைஃப்’ஸ் லிட்டில் சீக்ரட்ஸ் இற்கு தெரிவித்தார்.
இந்த அனைத்து காரணிகளுக்கும் இடையில் காணப்படும் உணர்திறனை வைத்து கணிக்கும்போது இது கட்டங்களாக உருவாக்கப்பட முடியாது என்று அவர் கூறினார். இவற்றில் ஒன்று இல்லாவிட்டாலும் மற்றையது இல்லை.
பெரிய, வட்ட சக்கரங்களை செதுக்குவதற்கு தடிமனான மரங்களிலிருந்து பரந்த மர அடுக்குகளை அணுகியவர் சக்கரத்தை கண்டுபிடித்திருக்க வேண்டும். நன்றாக பொருத்தப்பட்ட துளைகள் மற்றும் அச்சுகளை உருகுவதற்கு உலோக கருவிகளும் அவர்களுக்கு தேவைப்பட்டன. மேலும் அவர்கள் நிலத்தின் மீது அதிக சுமைகளை சுமக்க வேண்டிய அவசியத்தை கொண்டிருக்க வேண்டும். அந்தோனியின் கூற்றுப்படி, “தச்சுத் தொழில் தான் கண்டுபிடிப்பை கி.மு. 3500 வரை தாமதப்படுத்தியது, ஏனென்றால் சுமார் கி.மு. 4000.க்குப் பிறகுதான் செப்பு உளி மற்றும் வளையங்கள் நடித்தது கிழக்கில் பொதுவாக்கப்பட்ட விடயங்களாக பழக்கப்பட்டன.”
சக்கரத்தின் கண்டுபிடிப்பு மிகவும் சவாலானது, அது ஒரு இடத்தில் மட்டுமே நடந்தது, அதாவது ஒரு குறிப்பிட்ட சிறிய இடத்தில். இருப்பினும், அந்த இடத்திலிருந்து, யூரேசியா மற்றும் மத்திய கிழக்கு நாடுகளில் இது மிக வேகமாக பரவியதாகத் தெரிகிறது, அது எங்கிருந்து தோன்றியது என்பதை வல்லுநர்கள் உறுதியாகச் சொல்ல முடியாது. சக்கர வண்டிகளின் ஆரம்பகால படங்கள் போலந்திலும் யூரேசியப் படிகளில் வேறு இடங்களிலும் தோண்டப்பட்டுள்ளன, மேலும் இந்த பகுதி மெசொப்பொத்தேமியாவை (இன்றைய ஈராக்) முந்திக் கொண்டிருக்கிறது. பின்லாந்தில் உள்ள ஹெல்சின்கி பல்கலைக்கழகத்தின் இந்தோலாஜிஸ்ட் அஸ்கோ பர்போலா கருத்துப்படி, நவீனகால உக்ரைனின் திரிப்போலி மக்களிடமிருந்து இந்த சக்கரம் உருவானது என்று நம்புவதற்கு மொழியியல் காரணங்கள் உள்ளன. அதாவது, சக்கரங்கள் மற்றும் பாரவண்டிகளுடன் தொடர்புடைய சொற்கள் அந்த கலாச்சாரத்தின் மொழியிலிருந்து பெறப்பட்டுள்ளது.
பர்போலா நினைப்பதன்படி, சக்கர பாரவண்டிகளின் சிறியளவு மாதிரிகள், பொதுவாக யூரேசியப் படிகளில் காணப்படுகின்றன. அவை மனித அளவிலான பாரவண்டிகளுக்கு முன்பே இருந்துள்ளன. “திரிப்போலி கலாச்சாரத்தில் பல மாதிரிகள் தயாரிக்கப்பட்டன என்பது வியக்கத்தக்கது. இதுபோன்ற மாதிரிகள் பெரும்பாலும் குழந்தைகளின் பொம்மைகளாகவே கருதப்படுகின்றன, ஆனால் அவை உண்மையான விஷயங்களின் சிறிய வடிவ மாதிரிகளாக இருந்திருக்கலாம் என்பதற்கு அதிக வாய்ப்புள்ளது” என்று அவர் கூறினார். “மினியேச்சர் மாதிரிகளில் முதன்மையானது, உண்மையான சக்கரங்கள் ஒருபோதும் உருவாக்கப்படாத மத்திய அமெரிக்காவின் பூர்வீக இந்திய கலாச்சாரங்களிலிருந்து விலங்குகளின் சக்கர உருவங்களாக வந்துள்ளன,.”
பொம்மைகளோ இல்லையோ, இன்றைய மனித இனத்தின் தினசரி வாழ்க்கை சக்கரங்கள் இல்லாமல் இல்லை. வெறுமனே வட்டம் என்கிற ஒரு வடிவம் சூழலில் செயல்வடிவம் பெற்ற போது மனித குலத்தின் அபிவிருத்தியானது ஆரம்பித்து விட்டது. அன்று முதல் இன்று வரை மனிதன் தனது கண்டுபிடிப்புகளாலேயே வாழ்ந்து கொண்டிருக்கின்றான்.
இது போன்ற சுவாரசியமான தகவல்களுக்கு எமது பக்கத்தைப் பார்வையிடவும்.
Wall Image Source
