பிக்பாஸ் ஐந்தாவது சீசனில் இந்த முறை அனைவருமே நல்ல விளையாடுகிறார்கள் என்பதால் யார் நிகழ்ச்சியின் டைட்டில் பட்டத்தைத் தட்டிச் செல்வார் என தெரியவில்லை.
அகம் டிவி வழியாக உள்ளே நுழைந்த கமல்ஹாசன் யார் அந்த கறுப்பு ஆடு கடைசி வரைக்கும் தெரியாமல் போய்விட்டது என்று கமல்ஹாசன் சொல்ல அனைவரும் அமைதியாக இருந்தார்கள். நேற்று வெளியான குறும்படம் பாவனி மற்றும் அபிநய்யின் விளையாட்டுகளை வெளிச்சம் போட்டுக் காட்டியது.
ராஜுவுடன் கடைசி வரைக்கும் இருப்பேன் என மிகவும் உறுதியாக இருந்த இமான் நேற்று வெளியேறிவிட்டார்.
எதிர்பாராததை எதிர்பாருங்கள் என சொல்லிக் கொண்டு வரும் எனக்கே இது எதிர்பாராத ஒன்று என இமான் அண்ணாச்சியை பார்த்து கமல்ஹாசன் கூறினார் பிக்பாஸ் நிகழ்ச்சிக்கு பிறகு பெரிய அண்ணாச்சி என புதிய பட்டத்தையே வழங்கி பாராட்டினார்.
இதுவரை உங்களுடன் இணைந்து நடித்ததில்லை. எனக்கு ஒரு சான்ஸ் வேண்டும் என்று சொல்ல கண்டிப்பா இணைந்து பண்ணுவோம் என உறுதி அளித்து இமானை வழியனுப்பினார் உலக நாயகன்.பிக்பாஸ் வீட்டில் இருந்து பெரிய அண்ணாச்சியாக வெளியேறுகிறீர் என்று கமல்ஹாசன் பாராட்டி தனது படத்தில் நடிக்க வாய்ப்பு கேட்ட அண்ணாச்சிக்கு நிச்சியமாக என உறுதியும் அளித்துள்ளார்.
சிபி காப்பாற்றப்பட்ட நிலையில் எவிக்ஷன்க்கு வந்தார் கமல்ஹாசன். இதில் தாமரை, அக்ஷரா, அபிநய் ஆகியோர் காப்பாற்றப்பட்டதை அடுத்து மீதமுள்ளவர்கள் நிரூப், அமீர் மற்றும் இமான். யார் காப்பாற்றப்படுவார்கள் என்று கமல்ஹாசன் கேட்ட போது நான் காப்பாற்றப்படுவேன் என்று நம்பிக்கையுடன் சொன்னார் அண்ணாச்சி.
ஆனால் இமான் என்கிற எவிக்ஷன் கார்டு காட்டப்பட்டதுமே இமானைப் போலவே பார்வையாளர்களும் அதிர்ச்சியடைந்தார்கள்.
இமான் போகும் போது என்ன இமான் சொல்லிக்காம போறீங்க? என்று உரிமையுடன் பிக்பாஸ் கேட்ட போது பெரும்பாலான பார்வையாளர்கள் ஆச்சர்யம் அடைந்தார்கள். தம்பி. உன்னை மறந்துட்டேன் பாத்தியா. மன்னிச்சுடுடே. நல்லா இருடே என்றபடி ஜாலியாகக் கிளம்பினார் அண்ணாச்சி.
அகம் டிவி வழியாக போட்டியாளர்களைச் சந்தித்த அண்ணாச்சி, ஒவ்வொருவருக்கும் தனது பாணியில் தன் அன்பைச் சொன்னது சிறப்பு.
அடுத்த வாரம் அபிநய் அல்லது பாவனி வெளியேறவும் அதிக வாய்ப்புகள் உள்ளன.பொறுத்திருந்து பார்ப்போம் எதிர்பாராததை எதிர்பாருங்கள் துபுஜிக்கு துபுஜிக்கு BiggBoss.
