இணைய வாசகர்களுக்கு இனிய வணக்கங்கள்!! இணையத்தில் படித்ததை உங்களுடன் பகிர்ந்து கொள்கின்றோம். தெரியாததை தெரிந்து கொள்வோம் தெரிந்ததை பகிர்ந்து கொள்வோம்.
கஷ்டங்களை நீக்கி பணவரவை அதிகரிக்க செய்யும் கோமதி சக்கரம்
எப்பொழுதும் வீட்டில் மகிழ்ச்சியும், சந்தோஷமும் நிறைந்திருக்க வேண்டும் என்பதுதான் அனைவரின் ஆசையாக இருக்கும்.
ஆனால், இதற்காக வீட்டில் எப்போதும் பணம் நிரம்பி வழிய வேண்டி இருக்கும். இவ்வாறான அதிர்ஷ்டம் அனைவருக்கும் அமைவதில்லை.
ஆபத்தான சூழ்நிலையிலோ அல்லது நெருக்கடியான சூழ்நிலையிலோ நமக்கு அதிகப்படியாக பணத்தேவை இருக்கும். ஒருவருக்கு நேரம் நன்றாக இருக்கும் சமயத்தில் எல்லா நன்மைகளும் ஒருசேர வந்துவிடும்.
அதேசமயம் அவருக்கு நேரம் சரியில்லை என்றால் கஷ்டங்கள் ஒருசேர வந்து கழுத்தை இறுக்கிப் பிடிக்கும். எல்லா பிரச்சனைகளுடன் சேர்ந்து இந்த பணப்பிரச்சனையும் நம்மை ஆட்டிப்படைக்கும்.
பணவரவிற்கு பல பரிகாரங்கள் இருக்கிறது. இருப்பினும், எந்த பரிகாரமானது உங்களுக்கு சரியாக வரும் என்பதை தேர்ந்தெடுத்து, அதை மனநிறைவோடு, நம்பிக்கையோடு செய்ய வேண்டியது மிக மிக அவசியம்.
அந்த வரிசையில் உங்களுக்கு வாராக் கடனை கூட வசூலித்து, உங்கள் கையில் பணப்புழக்கம் அதிகரிக்க செய்கிறது கோமதி சக்கரம்.
கோமதி சக்கரத்தால் எல்லா பிரச்சனைகளுமே படிப்படியாக குறையும். கோமதி சக்கரத்தை நம் முன்னோர்கள் வழிவழியாக வணங்கி வந்து இருக்கிறார்கள். எனவே, அவற்றுக்குள் சக்தி குடிகொண்டு இருக்கிறது.
இப்போது நாம் வாழும் வாழ்க்கை முறை எல்லாமே நம் முன்னோர்கள் வகுத்த வழிமுறைகள் தான்.
கோமதி சக்கரம் என்பது சுபத்துக்கான பொருள். இது இருந்தால் மகாலட்சுமியே இருப்பதாக ஐதீகம். பணம் சார்ந்த பிரச்சனைகளுக்கு கோமதி சக்கரம் சிறந்த தீர்வாகும்.
- பணக்கஷ்டம்
- கடன் பிரச்சனை
- ஆரோக்கியமின்மை
- குடும்பத்தில் ஒற்றுமையின்மை
- கணவன்-மனைவி சண்டை சச்சரவு
- திருமணத்தடை
- குழந்தை இல்லாமை
- நிரந்தர வேலை இல்லாமை
இது போன்ற அனைத்து பிரச்சனைகளில் இருந்து விடுபட கோமதி சக்கரத்தை உங்கள் வீட்டு பூஜை அறையில் வைத்து வழிபடவும்.
