ஆராய்ச்சியின் படி, பெண்கள் ஆண்களை விட பராமரிப்பில் 3 மடங்கு அதிக நேரம் செலவிடுகிறார்கள். பொதுவாக, அவர்கள் உணவை சமைக்கிறார்கள், தங்கள் அன்புக்குரியவர்களை கவனித்துக் கொள்கிறார்கள், அத்துடன் சுத்தம் செய்கிறார்கள். ஒரு நேர்த்தியான வீடு உண்மையில் நம் கண்களுக்கு மகிழ்ச்சி அளிக்கிறது. ஆனால் நம் வீட்டை சுத்தம் செய்து கவனித்துக்கொள்வதில், நம்மைச் சுற்றியுள்ள பொருள்களுக்கு மட்டுமல்ல, நமக்கும் தீங்கு விளைவிக்கும் தவறுகளை நாங்கள் செய்கிறோம் என்பதைக் நாம் உணர்வதில்லை.
பராமரிப்புக்கு வக்யும் கிளீனருக்கு பதிலாக தும்புத்தடி பயன்படுத்துதல்
நிச்சயமாக, வெற்றிட சுத்தப்படுத்தி மூலம் துடைப்பதை விட, தரையில் இருந்து அழுக்கு மற்றும் குப்பைகளை ஒரு தும்புத்தடி கொண்டு துடைப்பது மிகவும் எளிதானது. ஆனால் விஷயம் என்னவென்றால், துடைப்பம் தூசி மற்றும் அழுக்குகளை சேகரிப்பதில்லை, மாறாக அதையெல்லாம் காற்றில் தூக்கி அறை முழுவதும் பரப்புகிறது. உதாரணமாக, கொட்டப்பட்ட மாவை விரைவாக அள்ள வேண்டிய சந்தர்ப்பத்தில் மட்டுமே நீங்கள் துடைப்பத்தை பயன்படுத்த வேண்டும். மற்ற எல்லா நேரங்களிலும், ஒரு துடைப்பான் அல்லது ஒரு வெற்றிட துப்பரவாக்கி (வக்கும் கிளீனர்) பயன்படுத்துவது நல்லது. நவீன மாப்கள் பழையவற்றை விட கையாள மிகவும் வசதியானது. அதனால் தான் தரையில் இருந்து அழுக்கைத் துடைப்பது முன்பு இருந்ததைப் போல இப்போது கடினமான காரியமல்ல.
கிரீஸ் மற்றும் எண்ணெயை வடிகால் அமைப்புக்குள் ஊற்றுவது
எண்ணெய் போன்ற சில விஷயங்கள் வடிகால் குழாய்களுக்கு வரக்கூடாது என்பது நம்மில் பராமரிக்கும் சிலருக்குத் தெரியும். சுடுநீர் மற்றும் சோப்பு கலந்து கழுவுவதன் மூலம் எளிதாகக் கழுவி விடக் கூடியதாக இருப்பினும் கூட அதை சிங்கில் வடிகட்டி ஊற்றும் போது, எண்ணெய் குழாயின் குளிர்ந்த பகுதியை அடைந்தவுடன், அது அதன் சுவர்களில் தங்கி , தேங்கி, அடைப்பு மற்றும் விரும்பத்தகாத வாசனையை ஏற்படுத்தும். பின்னர் அதனை சரி செய்ய நீங்கள் ரசாயன பொருட்கள் பயன்படுத்த வேண்டியிருக்கும் அல்லது ஒரு பிளம்பரை அழைக்க வேண்டிய சூழ்நிலையை உருவாகும். இதனைத் தவிர்ப்பதற்காக தவறான தீங்கு விளைவிக்கும் இம்மாதிரி பொருட்களை வடிகால் குழாய்களில் ஊற்றுவதைத் தவிர்க்க முயற்சி செய்யுங்கள். மாற்றாக அவற்றை நீர்புகா பைகளில் இட்டு குப்பையோடு வீசலாம்.
ஈரப்பத மூட்டியைப் பயன்படுத்தாமை
ஒரு அடுக்குமாடி குடியிருப்பில் உள்ள சுவருக்கான பாதுகாப்புப்பூச்சு ஈரமாகி, தொடர்ந்து அதிக ஈரப்பதம் இருந்தால் உரியலாம். மேலும், தரைவிரிப்புகள், அழகு வேலைப்பாடு, மற்றும் லேமினேட் ஆகியவை ஈரப்பதமான காற்றால் பாதிக்கப்படுகின்றன. 55% க்கும் அதிகமான ஈரப்பத அளவில், தளம் ஈரமாகி, அது வீங்கி, சிதைந்து, சிதற ஆரம்பிக்கும். ஆனால் ஈரப்பதம் குறைவாக இருப்பதும் உடலுக்கு தீங்கு விளைவிப்பதாகவும், பல்வேறு நோய்களின் வளர்ச்சிக்கு பங்களிப்பதாகவும் இருக்கும் என்றும் சிலருக்குத் தெரியும். உங்கள் ஆரோக்கியத்தை கவனித்துக்கொள்ள, ஈரப்பதமூட்டி போன்ற விலையுயர்ந்த பொருளை வாங்க வேண்டிய அவசியமில்லை. உங்கள் உடல் மாற்றங்களை கவனித்து தெளிப்பான் போத்தல் ஒன்றின் மூலம் வீட்டுக்கு நீரைத் தெளித்து காற்றின் ஈரப்பதத்தை தக்க வைக்கலாம்
கழிப்பறை மற்றும் ஸிங்குகளை கையுறைகள் இல்லாமல் கழுவுதல்
கழிப்பறைகள் மற்றும் ஸிங்குகளை கழுவுவதற்கு வலுவான இரசாயனபொருட்களை (கிருமிநாசினி மற்றும் பாக்டீரியா எதிர்ப்பு சவர்க்காரம்) பயன்படுத்தப் பழகிவிட்டோம். ஆனால் சில வீட்டு வேலைக்காரர்கள்/ வீட்டில் சுத்தமாக்கும் உங்கள் உறவினர்கள் இந்த தயாரிப்புகளை கையுறைகள் மற்றும் முகமூடிகள் போன்ற பாதுகாப்போடு பயன்படுத்துவதில்லை. சருமத்துடன் தொடர்புபடும்போது, இந்த பொருட்கள் எரிச்சலையும் ஒரு ரசாயன எரிப்பையும் கூட ஏற்படுத்தும்.இவற்றால் வெளிவரும் புகார்களை உள்ளிழுப்பதும் கூட ஆபத்தானது: உற்பத்தியாளர்கள் இந்த தயாரிப்புகளை நன்கு காற்றோட்டமான பகுதிகளில் மட்டுமே பயன்படுத்த பரிந்துரைக்கின்றனர். அதிலும் கையுறை கட்டாயம்.
வீட்டின் அருகே பெரிய மரங்களை நடுதல்
உங்கள் ஜன்னல்களுக்கு அருகில் பூக்கும் ரோஜாக்களைப் பார்ப்பது அல்லது நறுமணமுள்ள வாசனையைக் கொடுப்பதுடன் பார்ப்பதற்கு மகிழ்ச்சியையும் அளிக்கிறது. இருப்பினும், வல்லுநர்கள் வீட்டிற்கு அருகில் பெரிய மரங்களையும் புதர்களையும் நடுவதை பரிந்துரைக்கவில்லை – அவற்றின் வேர்கள் வீட்டின் அடித்தளத்தை பாதிக்கக் கூடும், அதே நேரத்தில் வழக்கமான நீர்ப்பாசனம் காரணமாக உருவாகும் ஈரம் வீட்டின் தோற்றத்தைக் கெடுக்கும். எதிர்காலத்தில் சிக்கல்களைத் தவிர்ப்பதற்காக, வீட்டின் அருகே நடும் பொழுது பாதுகாப்பு தரத்தை பூர்த்தி செய்வதை உறுதிசெய்க: கட்டிடத்தின் வெளிப்புறச் சுவர்களில் இருந்து மரத்தின் தண்டு வரை குறைந்தது 20 அடி இருக்குமாறு பராமரிக்க வேண்டும் (மற்றும் புதர்களுக்கு குறைந்தபட்சம் 10 அடி) .
ஜன்னல்களை தொடர்ந்து திறந்து/மூடி வைத்திருத்தல்
ஒரு புறம், ஜன்னல்கள் சூரிய வெளிச்சமுள்ள பக்கத்தை எதிர்கொள்ளும் வகையில் கிடைக்கப் பெற்றவர்கள் அதிர்ஷ்டசாலிகள், ஏனெனில் அவர்கள் குடியிருப்பில் அதிக வெளிச்சம் கிடைக்கும். மறுபுறம், அடுக்குமாடி குடியிருப்பில் சூரிய கதிர்களை வீட்டுக்குள் அனுமதிக்க வேண்டும் என்ற உங்கள் பாதகமாகவும் மாறக்கூடும். ஏனெனில் கண்ணாடி புற ஊதா வகை B கதிர்களை முற்றிலுமாக தடுப்பதால், வகை A கதிர்களை கடத்துகிறது. தோல் தாக்கங்களை உண்டாக்கும் மற்றும் தளபாடங்கள் அதன் நிறத்தை இழக்கச் செய்யும் கதிர்கள் இவை. எதிர் விஷயம், திரைச்சீலைகள் தொடர்ந்து மூடப்பட்டிருப்பது ஆபத்தானது. விஞ்ஞானிகளின் கூற்றுப்படி, சூரிய கதிர்கள் சில பாக்டீரியாக்களைக் கொன்று நம்மை நல்ல நிலையில் வைக்கின்றன, இதனால் ஒப்பீட்டளவில் தடித்த ஆனால் மென்னிற சீலைகளை பயன்படுத்துவதன் மூலம் விளைவுகளை அளவாக பராமரிக்கலாம் .
கம்பளங்களை அடிக்கடி கழுவுதல்
ஒரு சுத்தமான தரைவிரிப்பு என்பது எந்த வீட்டு உரிமையாளருக்கும் பெருமை. கறைகளை அகற்றி சுத்தம் செய்வதற்கு எவ்வளவு நேரமும் சக்தியும் செலவிடப்படுகிறது என்று கற்பனை செய்வது கடினம். ஆனால் விஷயம் என்னவென்றால், அதை அடிக்கடி கழுவுவது கம்பளத்திற்கு தீங்கு விளைவிக்கும், குறிப்பாக செயற்கை பொருட்களால் ஆன அதிக விலையற்ற தரைவிரிப்புகள் . கம்பளம் ஈரமாக இருக்க ஆரம்பிக்கலாம், அதன் பசை வேலை செய்வதை நிறுத்தலாம், மேலும் கூடுதல் ஈரப்பதம் காரணமாக அதன் நிறங்கள் அவற்றின் தெளிவான எல்லைகளை இழக்கலாம் – இவை அனைத்தும் உருப்படியை முழுமையாக கெடுக்க வழிவகுக்கும். அதன் ஆயுளை நீட்டிக்க, அதை அடிக்கடி ஈரப்படுத்தாதீர்கள், பதிலாக சரியான வழியில் மேற்பரப்பை சுத்தம் செய்யுங்கள்: வாரத்திற்கு 2 முறை கம்பளத்தை துடைத்து, வருடத்திற்கு/மாதத்திற்கு ஒரு முறை சலவை செய்யுங்கள்.
சலவை இயந்திரத்தின் கதவை மூடி வைத்திருத்தல்
பெரும்பாலும், சலவை இயந்திரம் நிறுவப்பட்ட குளியலறையில் அதிக இடம் இருப்பதில்லை. அதனால் தான் பலர் அதன் கதவை மூடி வைத்திருக்கிறார்கள். இருப்பினும், கதவு மூடப்பட்டால், இயந்திரத்தின் உள்ளே உள்ள நீர் காயாது. இன்னும் மோசமாக, அதிகரித்த ஈரப்பதம் பாக்டீரியா இனப்பெருக்கம் செய்ய சரியான இடம். அதனால் தான் சலவை இயந்திரம் இயங்காத போது அதனை ஒழுங்காக பராமரிக்க கதவை சிறிது திறந்த நிலையில் வைத்திருக்க நிபுணர்கள் பரிந்துரைக்கின்றனர்.
வீடு முழுதும் ஏராளமான நினைவுப் பொருட்கள்
நீங்கள் வீட்டில் எவ்வளவு பொருட்களைச் சேமிக்கிறீர்களோ, அவ்வளவு சுத்தம் செய்ய வேண்டியது பலருக்குத் தெரியும்; பராமரிப்பதும் கஷ்டம். நமக்கு கிடைக்கும் உருவங்கள் மற்றும் நினைவுப் பொருட்கள் அனைத்தும் தூசிக்கு சரியான சேமிப்பிடங்கள். இவை வீட்டுத் தூசு ஒவ்வாமை எதிர்வினைகளை ஏற்படுத்தும். பொருட்கள் உண்மையில் முக்கியமானவை என்றால் அவற்றைத் தனியே பெட்டிகளுக்குள் அல்லது சிறிய இலாச்சிகளுக்குள் இட்டுப் பூட்டுங்கள். தூசுப் பட வைப்பது அவ்வளவு நல்லதல்ல.
மேலும் அறிந்து கொள்ள மேல் உள்ள தலைப்பை அழுத்தவும்
இது போல் மேலும் பல சுவாரஸ்யமான தகவல்களை அறிந்து கொள்ள எங்களுடன் இணைந்து இருங்கள்.
