விவாகரத்து முடிந்து ஒரு வருடம் கழித்து, ஒரு பெண்ணின் வாழ்க்கைத் தரம் 73% ஆலும், ஒரு ஆணின் வாழ்க்கைத் தரம் 42% ஆலும் குறைகிறது. அதனால் தான் உளவியலாளர்கள் கோபமான தருணத்தில் முடிவுகளை எடுக்க வேண்டாம் என்று பரிந்துரைக்கிறார்கள். குறிப்பாக நீங்கள் உங்கள் துணையை விட்டு விலக விரும்பினால், முதலில் உங்களிடம் சில கேள்விகளைக் கேட்டு, எல்லாவற்றையும் முழுமையாக சிந்தியுங்கள்.
எல்லோரும் கோபபபட்டதும் உடனடியாக அல்லது பின்னர் ஒரு கடினமான தேர்வு செய்ய வேண்டிய சூழ்நிலையை எதிர்கொள்கிறார்கள் – இதனால் ஒரு உறவை இயல்பு நிலைக்கு திரும்ப வைக்கலாம், அல்லது பிரித்து விடலாம் என்று நம்பப்படுகிறது.
நீங்கள் உண்மையிலேயே விரும்பும் ஒரு துணையை விட்டு பிரிவதை உளவியலாளர்கள் பரிந்துரைக்கவில்லை. ஆனால் உங்களை ஒடுக்கும் ஓரளவு திருப்தியை மட்டுமே கொடுக்கும் உறவுகளில் ஒட்டிக்கொள்வதில் எந்த அர்த்தமும் இல்லை. எதிர்காலத்தில் நீங்கள் வருத்தப்பட மாட்டீர்கள் என்று ஒரு முடிவை எடுப்பது முக்கியம்.
அந்த முடிவை எடுக்க முன்,
உங்கள் துணையுடன் உறவை முறிக்க முன் கேட்க வேண்டிய 7 கேள்விகள்
கேள்வி 1: இந்த உறவுகள் என்னில் உள்ள சிறந்ததை வெளிப்படுத்த உதவுகின்றனவா?
நீங்கள் இப்போது உங்களுடைய சிறந்த வாழ்வை வாழ உதவுகிறது என்று நினைக்கிறீர்களா? சாதாரண உறவுகளில், ஒரு துணை வழக்கமாக மற்ற துணை புதிய விஷயங்களை அடையும் போது ஆதரிக்கிறார், ஊக்குவிப்பார், பாராட்டுகிறார். அவர் / அவள் சுய வளர்ச்சியை ஊக்குவிக்கிறார்கள், துணையின் புதிய பொழுதுபோக்குகளை ஊக்குவிக்கிறார்கள்.
மறுபுறம், உங்கள் பங்குதாரர் உங்களை கீழே இழுத்து, நீங்கள் தேர்ந்தெடுத்த வேகத்தில் வளர்வதைத் தடுக்கிறார் என்று நீங்கள் நினைத்தால், அது முடிவு பற்றி சிந்திக்க ஒரு காரணம். ஒருவருக்கொருவர் அதிருப்தி எதிர்காலத்தில் தொடர்ந்து அதிகரிப்பது மட்டுமே நடக்கும்.
கேள்வி 2: எதிர்காலத்திற்கான பொதுவான குறிக்கோள்களும் திட்டங்களும் எங்களிடம் உள்ளதா?
இது மிக முக்கியமான விஷயம். நீங்கள் பயணம், நண்பர்களுடனான விருந்துகள், சாகசங்கள் மற்றும் பிரகாசமான தருணங்கள் நிறைந்த வாழ்க்கையை வாழ விரும்பும் இடத்தில், உங்கள் துணை ஒரு வீட்டு விரும்பி மற்றும் ஒரு உள்முக சிந்தனையாளராக இருந்தால், இதன் காரணமாக உங்களுக்கு மோதல்கள் இருக்கலாம்.
குடும்பம், வேலை போன்றவை தொடர்பான திட்டங்கள் குறைவான முக்கியத்துவம் வாய்ந்தவை அல்ல. நீங்கள் முதலில் ஒரு வெற்றிகரமான வாழ்க்கையை உருவாக்க வேண்டும் என்று நீங்கள் நம்பினால், உங்கள் துணை உங்களை ஆதரிக்கும் போது குழந்தைகளைப் பெறுவதற்கான திட்டங்களை உருவாக்க வேண்டும், அது மிகச் சிறந்தது. பொதுவான திட்டங்களும் பார்வைகளும் உங்கள் வாதங்களைக் குறைக்கும்.
கேள்வி 3: நாம் ஒருவருக்கொருவர் பேசுகிறோமா?
நாம் அனைவரும் எங்கள் உறவுகளுக்கு வெளியே எங்கள் சொந்த நலன்களையும் பொறுப்புகளையும் கொண்ட வளர்ந்தவர்கள். ஆனால் அன்பை விட வேறு எதுவும் முக்கியமாக இருக்கக் கூடாது. சில நேரங்களில், உறவுகள் மற்றும் ஒருவருக்கொருவர் பேசுவதை விட பிரச்சினைகள் பெரிதாக்கத் தெரிய ஆரம்பிக்கும். ஆனால் இது ஒருபோதும் வழக்கமான விஷயமாக இருக்கக்கூடாது.
மறுபுறம், நீங்கள் எப்போதுமே உங்கள் துணைக்கு இரண்டாவது இடத்தில் இருப்பீர்கள் என்று நீங்கள் உணர்ந்தால், உங்களுக்கு இது தேவையில்லாத உறவு.
கேள்வி 4: நான் பெரும்பாலும் மகிழ்ச்சியாக இருக்கிறேனா அல்லது வருத்தப்படுகிறேனா?
இந்த அளவுகோல் உங்கள் உறவுகளை தெளிவாகப் பார்க்க உதவுகிறது. உங்களுக்கு நடுவில் என்ன பிரச்சனை இருந்தாலும், ஆனால் பெரும்பாலான நேரங்களில் உங்கள் கணவன்/மனைவியின் பக்கத்திலேயே நீங்கள் வசதியாகவும், அமைதியாகவும்,சந்தோஷமாகவும் உணர்கிறீர்கள் என்றால், அது ஒரு நல்ல அறிகுறி.
மறுபுறம், உங்களுக்கிடையில் ஏறக்குறைய எந்த பிரச்சனையும் இல்லை என்ற போதும் நீங்கள் ஒருவருக்கொருவர் வருத்தமாகவும் மகிழ்ச்சியற்றவர்களாகவும் உணர்கிறீர்கள் என்றால் இது உங்களை துணையை விட்டுப் பிரிய சொல்வதற்கான சமிக்ஞையாகும்.
கேள்வி 5: நாங்கள் இருவரும் சமரசம் செய்கிறோமா?
எந்தவொரு உறவும் சமரசம் இல்லாமல் சாத்தியமற்றது, ஏனென்றால் நீங்கள் இரண்டு வெவ்வேறு நபர்கள் மற்றும் உங்கள் கருத்துக்கள் எல்லா நேரத்திலும் ஒத்துப்போவதில்லை.
ஆனால், உங்கள் வாழ்க்கைத் துணையின் நலனுக்காக நீங்கள் அடிக்கடி உங்கள் நலன்களை தியாகம் செய்ய வேண்டும் என்று நீங்கள் நினைத்தால், அது ஒரு மோசமான அறிகுறி. இந்த மாதிரியான உறவுகளுக்கு எதிர்காலம் இல்லை.
கேள்வி 6: நான் ஏன் இந்த நபருடன் உறவை முறித்துக் கொள்ள விரும்புகிறேன்?
சில நேரங்களில், உங்கள் உறவுகளில் நீங்கள் மகிழ்ச்சியற்றதற்கான காரணங்களை வகுப்பது கடினம். ஆனால் நாங்கள் அவற்றை வாய் விட்டு சொன்னால், நாங்கள் வெட்கமாக உணர வேண்டி வரும். இதுபோன்ற ஒரு வேடிக்கையான விஷயத்தால் எனக்கு மிகவும் பிடித்த ஒரு நபருடன் நான் பிரிந்து செல்லப் போகிறேனா? – எனத் தோன்றும்.
அந்த காரணங்களை நீங்களே அடையாளம் காண முயற்சி செய்யுங்கள். அவை தீவிரமானவையா என்பதையும், நீங்கள் இருவரும் முயற்சி எடுத்தால் நிலைமையை மாற்ற முடியுமா என்பதையும் கண்டுபிடிக்கவும். அதன் பிறகு தான் நீங்கள் உங்கள் முடிவை எடுக்க வேண்டும்.
கேள்வி 7: நாம் பிரிந்தால் என் வாழ்க்கை சிறப்பாக இருக்குமா?
சில ஆண்டுகளில் இந்த நபர் இல்லாமல் உங்கள் வாழ்க்கையை கற்பனை செய்து பாருங்கள். நீங்கள் எப்படி உணர்கிறீர்கள்? இப்போது இருப்பதை விட நீங்கள் நிச்சயமாக மகிழ்ச்சியாக இருப்பீர்கள் என்று உங்களுக்குத் தெரிந்தால், எல்லா சிரமங்களையும் மீறி உங்கள் நகர்வை மேற்கொள்ளுங்கள். பணமும் ஸ்திரத்தன்மையும் முக்கியம், ஆனால் உங்களை நேசிக்காத ஒரு நபருடன் நீங்கள் தங்குவதற்கு அவை காரணமாக இருக்க முடியாது. நீங்கள் பிரிவதற்கு முன்பு இந்த கேள்விகளை வரிசைப்படுத்த நேரத்தை செலவிடுங்கள்.
ஆனால் இந்த நபர் இல்லாத உங்கள் வாழ்க்கை கவலையாக மற்றும் மந்தமானதாக மாறுமெனில், நீங்கள் உங்கள் உறவை திருத்த வேண்டியிருக்கும். விரைவான உணர்ச்சிகளால் ஏற்படும் மோசமான முடிவுகளை எடுக்கக்கூடாது.
கட்டுரையை வாசிக்க மேலே உள்ள தலைப்பை அழுத்தவும்
இது போன்ற வேறுபட்ட செய்திகளுக்கு மனித உறவுகள் பகுதியை பார்வையிடுங்கள்.
