உஷார், என்னுடைய பெயரில் போலி ஃபேஸ்புக் கணக்கு தொடங்கப்பட்டுள்ளது. என் பெயரில் நட்பு கோரிக்கை வந்தால் நிராகரித்துவிடுங்கள். பண உதவி கேட்டால் அனுப்பிவிடாதீர்கள் -இதுபோன்ற நிலைத்தகவல்களை சமீப நாட்களில் அதிகமாகப் பார்த்திருப்பீர்கள். உங்களில் சிலர் பணத்தை அனுப்பி ஏமாந்தும் இருப்பீர்கள். கொரோனா ஊரடங்கைப் பயன்படுத்தி பணம் பறிக்கும் இந்த மோசடியிலிருந்து எப்படித் தற்காத்துக்கொள்வது?

கொரோனா காலம்

கொரோனா கடந்த ஆண்டு தொடங்கி இன்னமும் நீடித்துக் கொண்டிருக்கிற கொரோனா வைரஸ் பரவல், எல்லோருடைய வாழ்க்கையையும் சூறையாடிக்கொண்டிருக்கிறது. பொருளாதார ரீதியாக ஏராளமானோர் பாதிப்புக்கு உள்ளாகியிருக்கிறார்கள்.

இந்தக் கடினமான காலகட்டத்தைப் பயன்படுத்தி தான்,  உள்ளிட்ட சமூக ஊடகங்கள் வாயிலாகப் பணம் பறிக்கும் செயல் அரங்கேறிவருகிறது. நம் ஃபேஸ்புக் பக்கத்துக்குள் சென்று, நம்முடைய ஒளிப்படங்கள், தகவல்களை எல்லாம் சேகரித்துகொண்டு, நம் பெயரிலேயே போலி  ஃபேஸ்புக் கணக்கு ஒன்றைத் தொடங்கி, நம் கணக்கில் உள்ள நண்பர்களுக்கு சிலர் நட்பு கோரிக்கை அனுப்புகிறார்கள்.

நம்முடைய நண்பர், அறிந்தவர், தெரிந்தவர் என்று அந்தக் கோரிக்கையை நாமும் ஏற்றுக் கொள்கிறோம். பின்னர் சில தினங்கள் கழித்து, அவசரத் தேவை, கொரோனா மருத்துவ உதவி என்று போலிக் கணக்கு மூலம் பணம் கேட்டு மெசேஜ் அனுப்புகிறார்கள். இன்று ‘இ-வேலட்’ பணப் பரிமாற்றச் சேவையில் தொலைபேசி எண் மட்டுமே போதும் என்கிற நிலை உருவாகிவிட்டதால், அவர்களுடைய மொபைல் எண்ணைக் கொடுத்து உதவி கோருகிறார்கள்.

கொரோனா ஊரடங்குக் காலம் என்பதால், அவசரத் தேவைக்குக் கேட்கிறார்கள் என்று நம்பி, பலரும் கோரிக்கையை ஏற்று பணத்தை அனுப்பி ஏமாந்து வருவது அதிகரித்துவருகிறது.

எப்போது உஷாராக வேண்டும்?

அங்கொன்றும் இங்கொன்றுமாகக் கேள்விப்பட்டு வந்த இந்த மோசடி, இன்று தங்களுடைய நண்பர்கள் வட்டத்திலும் நடைபெற்று, தாங்களும் ஏமாற்றப்பட்ட கதைகளைச் சமூக ஊடகங்களில் பலரும் வெளிப்படுத்தி வருகிறார்கள். இந்த மோசடியிலிருந்து எப்படித் தற்காத்துக்கொள்வது? சைபர் பாதுகாப்பு நிபுணர்கள் சொல்வதெல்லாம் ஒன்றே ஒன்று தான்.

“ஃபேஸ்புக் கணக்கில் பாதுகாப்பு செட்டிங்ஸ் பகுதியில் நமது கணக்கு விவரங்களை தேவையில்லாமல் மற்றவர்கள் அணுகும் வகையில் ஆக்டிவேட் செய்து வைத்திருக்கிறோம். யார் வேண்டுமானாலும் நம்முடைய படங்கள், தகவல்கள், நம் நண்பர்களின் கணக்குகளை அணுக அனுமதிப்பதே இது போன்ற மோசடிகள் நடப்பதற்கு வசதியாகிவிடுகிறது.

நம்முடைய கணக்கு பாதுகாப்பாக இருக்க வேண்டுமென்றால், நம் தகவல்கள் அனைத்தையும் ‘லாக்’ செய்ய வேண்டும். முகம் தெரியாதவர்கள் நம்முடைய கணக்கை அணுகுவதைத் தடுக்கும் வசதிகள் ஃபேஸ்புக்கில் உள்ளன. அதைப் பயன்படுத்த வேண்டும்” என்கிறார் டெல்லியைச் சேர்ந்த சைபர் பாதுகாப்பு நிபுணர் ரக்ஷித் தாண்டன்.

நட்புக் கோரிக்கையில் கண்

இதுபோன்ற அறிவுரைகளை ஏற்காமல் அசட்டையாக பலர் இருந்தாலும்கூட, குறைந்தபட்சம் நம் நண்பர்கள், உறவினர்கள் பெயரில் நட்பு கோரிக்கை வரும் போது உஷாராக இருக்க வேண்டும். ஏற்கெனவே நம் நட்புப் பட்டியலில் உள்ளவர், ஏன் மீண்டும் நட்பு கோரிக்கை விடுக்கிறார் என்பதை ஆராய வேண்டும். அதை ஆராய்ந்தாலே, அது போலிக் கணக்கு என்கிற முடிவுக்கு வந்துவிடலாம்.

சிலர் ஃபேஸ்புக் அனுமதித்த 5 ஆயிரம் நண்பர்கள் என்ற இலக்கை அடைய தீவிரம் காட்டுவார்கள். கண்ணை மூடிக்கொண்டு நட்புக் கோரிக்கைகளை ஏற்பார்கள். முகம் தெரியாதவர்கள் விடுக்கும் நட்புக் கோரிக்கைகளை ஏற்கும் முன், அவர் நம் நண்பர்களில் யாருடைய நட்புப் பட்டியலில் உள்ளார் என்பதை ஆராய வேண்டும். தேவைப்பட்டால் ஒழிய, முகம் தெரியாதவர்களின் கோரிக்கைகளை ஏற்காமல் இருப்பதே, இதுபோன்ற மோசடிகளிலிருந்து தப்பித்துக்கொள்ள உதவும்.

Facebook கணக்குகள் 267,000,000 இருள் வலையில் விற்பனை

தகவல் : மிது கார்த்தி இந்து நாளிதழ்

wall image

“நாங்கள் அவர்களிடமிருந்து சரியான கணக்கு விபரங்கள், ஒழுங்கு நடவடிக்கை மற்றும் பரிமாற்றத்தை எதிர்பார்க்கிறோம் என்பதனைத் தெரியப்படுத்துவோம்.”

– கோகோ கோலா

அவதூறு எதிர்ப்பு தொடர், என்ஏஏசிபி மற்றும் “இலாபத்திற்காக வெறுப்பதை நிறுத்து” பிரச்சாரம் என்று அழைக்கப்படும் பிற அமைப்புகளால் ஏற்பாடு செய்யப்பட்ட பேஸ்புக் மற்றும் இன்ஸ்டாகிராமின் பரந்த புறக்கணிப்பின் ஒரு பகுதியாக இந்த நடவடிக்கை உள்ளது. கோகோ கோலா அந்த நிறுவனங்களில் சிலவற்றை விட ஒரு படி மேலே சென்று பேஸ்புக் மற்றும் இன்ஸ்டாகிராம் மட்டுமல்லாமல் சமூக ஊடக தளங்களில் உலகளவில் அனைத்து விளம்பரங்களையும் தடை செய்கிறது.இந்தப் புறக்கணிப்பு ட்விட்டர், யூடியூப் மற்றும் பிற தளங்களையும் தாக்கும் என்று தெரிய வருகிறது.

பேஸ்புக்கிற்கு எதிரான கருத்துக்கள்

“ஜூலை 1 முதல், கோகோ கோலா நிறுவனம் உலகளவில் அனைத்து சமூக ஊடக தளங்களிலும் குறைந்தது 30 நாட்களுக்கு கட்டண விளம்பரங்களை இடைநிறுத்தும்” என்று கோகோ கோலா நிறுவனத்தின் தலைமை நிர்வாக அதிகாரி ஜேம்ஸ் குவின்சி அறிக்கையொன்றை அந்த நிறுவனத்தின் இணையதளத்தில் வெளியிட்டுள்ளார். “உள்நாட்டில் திருத்தங்கள் தேவையா என்பதைத் தீர்மானிக்க எங்கள் விளம்பரத் தரங்களையும் கொள்கைகளையும் மறு மதிப்பீடு செய்ய இந்த நேரத்தை நாங்கள் எடுத்துக்கொள்வோம், மேலும் வெறுப்பு, வன்முறை மற்றும் பொருத்தமற்ற உள்ளடக்கத்துடன் அமைந்துள்ள தளங்களை அகற்ற எங்கள் சமூக ஊடக கூட்டாளர்களிடமிருந்து நாம் பொருத்தமான செயற்பாடுகளை எதிர்பார்க்கின்றோம். அவர்களிடமிருந்து அதிக பொறுப்பு, செயல் மற்றும் வெளிப்படைத்தன்மை ஆகியவற்றை நாங்கள் எதிர்பார்க்கிறோம் என்பதை அவர்களுக்குத் தெரிவிப்போம் என தெரியப்படுத்தினார். ”

முன்னதாக வெள்ளிக்கிழமை, கோகோ கோலாவின் ஈடுபாட்டிற்கு முன்னர், புறக்கணிப்பில் பங்கேற்ற இரண்டு பெரிய நிறுவனங்களாக யுனிலீவர் வெரிசோனுடன் இணைந்தது. சனிக்கிழமையன்று, பன்னாட்டு குளிர்பான நிறுவனமான டியாஜியோ ஜூலை 1 ஆம் தேதி வரை “பெரிய சமூக ஊடக தளங்களில் உலகளவில் கட்டண விளம்பரங்களை இடைநிறுத்தும்” என்று அறிவித்தது.

பேஸ் புக் தலைமை நிர்வாக அதிகாரி மார்க் ஜுக்கர்பெர்க் தொடர்ச்சியான கொள்கை மாற்றங்களை அறிவித்தார், புறக்கணிப்புக்கு வெளிப்படையாக பதிலளிக்கவில்லை என்றாலும், வன்முறை அச்சுறுத்தல்கள், வெறுக்கத்தக்க பேச்சு, மற்றும் வதந்திப் பரவல் என்பவற்றோடு ஜனாதிபதி டொனால்ட் டிரம்ப் மற்றும் பிற சர்ச்சைக்குரிய கணக்குகள் மற்றும் பக்கங்களால் பரப்பட்ட அவதூறுகளுக்கும் தாமதமாக நடவடிக்கை மேற்கொண்டதற்கும், ஒழுங்காக மதிப்பீடு செய்யாததற்கும் எதிராக எழுந்த  பல விமர்சனங்களை எதிர்கொள்ள முயற்சிக்கும் வகையில் செயற்படுவதாக தெரிய வருகிறது.

“இது யூனிலீவர் மற்றும் வெரிசோன் உள்ளிட்ட முக்கிய பிராண்டுகளின் குறிப்பிடத்தக்க போக்கைத் தொடர்கிறது – குறைந்தது ஜூலை மாதத்திற்கு பேஸ்புக் விளம்பரங்களை இடைநிறுத்த உறுதிப்படுத்தப்பட்டுத்தியுள்ளார்கள்” என்று புறக்கணிப்பின் அமைப்பாளர்களில் ஒருவர், முற்போக்கான இலாப நோக்கற்ற நிறுவனமான கலர் ஒப் சேன்ஜ் நிறுவன அறிக்கையில் குறிப்பிடுகிறார். “கலர் ஆப் சேஞ்ச் மற்றும் ஏடிஎல் மற்றும் என்ஏஏசிபி உள்ளிட்ட அதன் கூட்டாளர்கள் ஜூன் 17 அன்று பிரச்சாரத்தை ஆரம்பித்ததிலிருந்து, 100 க்கும் மேற்பட்ட பிராண்டுகள் கையெழுத்திட்டுள்ளன.” கலர் ஆப் சேஞ்ச் தலைவர் ரஷாத் ராபின்சன் வெள்ளிக்கிழமை சாக்லேட் உற்பத்தியான ஹெர்ஷியும் புறக்கணிப்பில் சேர்கிறது என்று கூறினார்.

புறக்கணிப்பு பேஸ் புக் மற்றும் இன்ஸ்டாகிராமிற்கு மோசமான பத்திரிகை அலைகளை உருவாக்கும் போது, ​​ஒரு மாதத்திற்கு முக்கிய விளம்பரதாரர்கள் விளம்பர செலவினங்களை இடைநிறுத்துவதனால் பேஸ்புக்கின் அடிமட்டத்தில் கணிசமான தாக்கத்தை ஏற்படுத்தும் என்பதில் ஐயமில்லை. ஏனெனில் நிறுவனத்தின் விளம்பர வருவாயில் பெரும்பகுதி நேரடி- சிறு மற்றும் நடுத்தர வணிகங்களின் விளம்பரங்களாலேயே அமைந்துள்ளது

“எங்கள் சமூகத்தை பாதுகாப்பாக வைத்திருக்க ஒவ்வொரு ஆண்டும் பில்லியன் கணக்கான டாலர்களை முதலீடு செய்கிறோம், மேலும் எங்கள் கொள்கைகளை மதிப்பாய்வு செய்து புதுப்பிக்க வெளி நிபுணர்களுடன் தொடர்ந்து பணியாற்றுகிறோம்” என்று பேஸ்புக் செய்தித் தொடர்பாளர் தி வெர்ஜுக்கு அனுப்பிய மின்னஞ்சலில் பின்வருமாறு தெரிவித்தார். “நாங்கள் எமது நிறுவனத்தை சிவில் உரிமைகள் தணிக்கைக்குத் திறந்துவிட்டோம், மேலும் பேஸ்புக் மற்றும் இன்ஸ்டாகிராமில் இருந்து 250 வெள்ளை மேலாதிக்க அமைப்புகளுக்கு தடை விதித்துள்ளோம். செயற்கை நுண்ணறிவில் நாங்கள் செய்த முதலீடுகள் மூலம், பயனர்கள் புகாரளிப்பதற்கு முன்னர் நாங்கள் 90 சதவிகிதம் வெறுப்பு பேச்சுகளைக் கண்டுபிடிப்பதைக் காண்கிறோம், அதே நேரத்தில் சமீபத்திய ஐரோப்பிய ஒன்றிய அறிக்கை ட்விட்டர் மற்றும் யூடியூப்பை விட 24 மணி நேரத்தில் பேஸ்புக் அதிக வெறுக்கத்தக்க பேச்சு அறிக்கைகளை மதிப்பிட்டுள்ளதனை வெளிப்படுத்தியது. எங்களுக்கு இன்னும் அதிக வேலை இருக்கிறது என்பது எங்களுக்குத் தெரியும், மேலும் இந்த போராட்டத்தைத் தொடர இன்னும் கூடுதலான கருவிகள், தொழில்நுட்பம் மற்றும் கொள்கைகளை உருவாக்க சிவில் உரிமைகள் குழுக்கள், GARM மற்றும் பிற நிபுணர்களுடன் நாங்கள் தொடர்ந்து பணியாற்றுவோம். ”

விளம்பரப் புறக்கணிப்பு  என்பது வெறுப்புவாதத்திற்கு எதிராக உருவாக்கப்பட்ட ஒரு ஒழுங்கமைக்கப்பட்ட முயற்சியாகும்.

இலாபத்துக்காக வெறுப்பதை நிறுத்து பிரச்சாரம் கடந்த வாரம் பிரபலமான விளையாட்டு மற்றும் வெளிப்புற வாழ்க்கை முறை நிறுவனங்களான தி நார்த் ஃபேஸ் மற்றும் படகோனியா போன்றவற்றில் தொடங்கப்பட்டது. ஐஸ்கிரீம் நிறுவனமான பென் & ஜெர்ரி மற்றும் திரைப்பட விநியோகஸ்தர் மாக்னோலியா பிக்சர்ஸ் ஆகியோரின் ஆதரவைப் பெற்ற பின்னர் இது பிரதான வியாபார அமெரிக்காவுடன் முழுவீச்சை பெற்றது. வெள்ளியன்று, ஹோண்டா இந்த பிரச்சாரத்திலும் சேருவதாக அறிவித்தது. மேலும் ஜூலை மாதத்தில் பேஸ்புக் மற்றும் இன்ஸ்டாகிராமில் விளம்பரங்களை நிறுத்திவிடும் என அறிவித்தது. “இது மனித மரியாதையுடன் தொடர்புடைய எங்கள் நிறுவனத்தின் மதிப்புகளுடன் பொருந்தாதது.” என்று அந்நிறுவனம் ட்வீட் செய்தது.

வியாழக்கிழமை வெளியிடப்பட்ட ஒரு திறந்த கடிதத்தில், புறக்கணிப்பு பேஸ்புக்கின் கொள்கைகளில் உருவாக்க முயற்சிக்கும் மாற்றங்கள் மற்றும் மிதமான அணுகுமுறையைப் பற்றிய கூடுதல் விவரங்களை ஏடிஎல் வழங்கியது.

லாஸ் ஏஞ்சல்ஸ் டைம்ஸில் , இலாபத்துகாக வெறுப்பதை நிறுத்துங்கள் பிரச்சாரத்தில் இணைந்து விளம்பரம் செய்வதை நிறுத்துங்கள் என்ற விளம்பரத்தை இந்த அமைப்பு பிரசுரப்படுத்தியது. “இன்று, அனைத்து வணிகங்களையும் சுதந்திரம், சமத்துவம் மற்றும் நீதி ஆகியவற்றின் மிக ஆழமாக வைத்திருக்கும் அமெரிக்க மதிப்பீடுகளுடன் ஒற்றுமையுடன் நில்லுங்கள், பேஸ்புக்கின் சேவைகளில் விளம்பரம் செய்ய வேண்டாம் எனவும் நாங்கள் கேட்டுக்கொள்கிறோம். இந்த வார தொடக்கத்தில் ‘உங்கள் இலாபங்கள் ஒருபோதும் வெறுப்பு, மதவெறி, இனவெறி, யூத எதிர்ப்பு மற்றும் வன்முறையை ஊக்குவிப்பதாக இருக்காது’ என்ற சக்திவாய்ந்த செய்தியை  பேஸ்புக்கிற்கு ஒரு அனுப்புவோம்” என இந்த போராட்ட அமைப்பு தெரிவித்துள்ளது.

இது போன்ற மேலதிக பேஸ்புக் நிறுவன தகவல்களுக்கு எமது முகநூல் பகுதியை நாடுங்கள்.

Wall Image Source

பேஸ்புக்ற்கு உங்களைப் பற்றி எவ்வளவு தெரியும் ? வழக்கமான உங்கள் பிறந்த நாளையும், உறவு நிலையையும் தவிர திரு.Zukerberk அவர்களும் அவரது மினியன் கூட்டமும் வேறென்னவெல்லாம் அறிவார்கள் ? உங்கள் மூளைக்குள் என்ன தகவல்களெல்லாம் வருகிறதோ, அவை, கவனக்குறைவால் நீங்களாக வலிந்து சென்று அவர்களுக்கு அள்ளிக் கொடுத்திருக்கும் தகவல்களோடு ஒப்பிடும்போது ஒன்றுமேயில்லை. பேஸ்புக்ற்கு உங்களைப் பற்றி கிட்டதட்ட எல்லாமே தெரியும். அவற்றை தனிப்பட்டதாக வைத்துக்கொண்டிருக்கும் Facebookன் பாதுகாப்பு வெறும் மெல்லிய திரைச்சீலைதான், அதிலும் ஏற்கனவே Hackerகளால் நன்கு பயன்படுத்தப்பட்டு வருகிறது.

ஆக, $540 ளால் உங்களுக்கு என்ன பெற்றுத்தந்துவிட முடியும் ? ஒரு நல்ல மடிக்கணனி, செல்லிடத்தொலைபேசி அல்லது நன்கு விலையுயர்ந்த ஒரு ஹெட்போன். அவற்றுக்குப் பதிலாக 267 மில்லியன் பேஸ்புக் கணக்குகளை வாங்க உங்களால் முடியும் என்று நான் கூறினால் உங்கள் எண்ணம் யாதாக இருக்கும் ? நல்லது, பிரபல்யமற்ற அனால் இந்த செயலை செய்யும் அளவு திறன்மிக்கதான, இணையத்தின் தீண்டத்தகாத பாகமான DarkWeb தான் அது. இங்கு உலவும் சில “சுவாரசியமான” மனிதர்களால் தான் இதனை தீண்டத்தகாதது என்கிறோம்.இவ்வாறான மனிதர்களுள் விரும்பத்தகாத ஒருவர், அச்சுறுத்தலுக்குரியவர் ஒருவரே இந்த் செயலுக்கு பின்னால் இருக்கிறார்.

Cybleன் கடுமையாக உழைக்கும் குழுவொன்று இவ்வாறான கணக்குகளின் விற்பனை தொடர்பான தகவல்களை கட்டவிழ்த்துள்ளது. அதிஷ்டவசமாக எந்த வகையான கடவுச்சொற்களும் வெளியிடப்படவில்லை.களவாடப்பட்ட தகவல்கள் செல்லிடத்தொலைபேசி இலக்கம், பெயர், facebook கணக்கு மற்றும் மின்னஞ்சல் தகவல்களையே கொண்டுள்ளது. “இந்த நிலையில், தகவல்கள் எவ்வாறு வெளியாகின என்பது தொடர்பாக கூற முடியவில்லை. மூன்றாம் நிலை API அல்லது சுரண்டுதல் மூலம் பெறப்பட்டிருக்கலாம். வழங்கப்பட்டிருக்கும் தகவல்கள் பயனாளர்கள் பற்றிய நூதனமான தகவல்களை உள்ளடக்கியுள்ளது. அவை இணைய குற்றவாளிகளால் பித்தலாட்டங்களுக்கும் ஏமாற்று வேலைகளுக்கும் பயன்படலாம். ”என Cyble ஆனது தனது வலைப்பதிவில் குறிப்பிட்டுள்ளது.

நீங்கள் இதை நினைத்து வருந்த வேண்டுமா ? அவ்வளவாக இல்லை, எனினும் உங்கள் இணைய உலவல் பழக்கவழக்கங்கள் தொடர்பாக நீங்கள் கொஞ்சம் ஜாக்கிரதையாக இருக்கவேண்டும். அதாவது, வலைத்தூண்டிலிடல் (குறுஞ்செய்தி அல்லது மின்னஞ்சலில் தங்களை பிரபலமான நிறுவனமாகக் காட்டிக்கொண்டு தகவல்களை சேகரித்தல் )செயற்பாட்டுக்கு நீங்கள் ஆளாக வாய்ப்புண்டு. உதாரணமாக உங்களுடைய வங்கிக்கணக்குக்கு ஆபத்து ஏற்பட்டுள்ளது என்பதற்காக “அவசரமான நடவடிக்கைகளை ” மேற்கொள்ளுமாறு கேட்டு மின்னஞ்சல்கள் ஒன்றிலிருந்து, பல தடவைகள் வரை வரலாம்.இவற்றை தவிர்த்தாலே நீங்கள் பிரச்சனைகளை தவிர்க்கலாம்.

Cyble பரிந்துரைப்பதன்படி, உங்களுடைய தனியுரிமை செட்டிங்களில் சற்று இறுக்கத்தன்மை காட்டுவது நல்லது. முக்கியமாக உங்கள் கடவுச்சொல்லானது ஒரே சொல் வேறு வேறு தளங்களில் பயன்படுவது தவிர்க்கப்பட வேண்டும். இது இலகுவாக உங்கள் கணக்குகளை பின்தொடர்ந்து தாக்க வழிவகை செய்யும். அதைத் தவிர Facebookல் உள்ள இரண்டு கட்ட உறுதிப்படுத்தலை பயன்படுத்துவது பயனளிக்கும். வெற்றிகரமாக தாக்கப்பட்ட  கணக்குகளோடு ஒப்பிடும்போது இது 99% பாதுகாப்பளிக்கும்.

உங்களுடைய தனிப்பட்ட மின்னஞ்சலை Facebok மற்றும் Twitter ஆகியவற்றுக்கு நீங்கள் பயன்படுத்துவதிலிருந்து வேறுபட்ட ஒன்றாக வைத்திருப்பது நிச்சயமாக பயனளிக்கும்.

இந்த தகர்ப்பு நிச்சயமாக பேஸ்புக்கின் நற்பெயருக்கு கடந்த ஆண்டு டிசம்பரில் 267 மில்லியன் அமெரிக்க தரவுகள் இணையத்தில் கிடைக்கப் பெற்றபோது ஏற்பட்டதைப் போலவே மாபெரும் அவமானமாகும். Facebook இவ்வாறான தாக்குதல்களுக்கு அடிக்கடி உட்படுகிறது. இம்முறை எந்த கடவுச்சொற்களும் போகவில்லை என்றாலும் இந்த் தகர்ப்பு Facebookற்கும் அதன் வாடிக்கையாளர்களுக்குமிடையிலான நம்பிக்கைக்கு ஏற்பட்ட தகர்ப்பேயாம்.  நாம் Facebook இந்த தவறுகளை திருத்தி தம்மை வளர்த்துக்கொள்ளும் என நாம் எதிர்பார்க்க மட்டும் தான் முடியும்.

உங்களுடைய தகவலைப் பற்றி நீங்கள் வருந்தினால், உங்களை பற்றிய தனிப்பட்ட தகவல்கள் திருடப்பட்டுள்ளதா? இல்லையா? என கண்டறிய இந்த பக்கத்துக்கு செல்லவும்.

பேஸ்புக் தொடர்பான மேலதிக தகவல்களுக்கு இங்கே செல்லவும்

image source:https://outthisyear.com/267-million-facebook-profiles-sold-on-the-dark-web/